Roma 5:6 - Ashiri Aeuitaknup Iyohaichish Yona 1897

⁶ Chi utara katchak wa okai rapoketa, pakihi epa chiki, Kiristo anak ne Kamui kooripak shomoki utara gusu rai nisa ruwe ne gusu ne na.

Roma 5:6 ပူးပေါင်းရင်းမြစ်များ

Iyohaichish 1:1

WEN utara aukoramkor-i ta apkash shomoki, Katpak ki utara kon ruhu otta shomo ash, Esapse utara koro set kata a shomoki gurʼanak ne anunuke ne.

Roma 11:26

orowa, Israeru un utara obitta kashiaobiuki kusu ne: ene chieshinnuye wa an korachi ne :— Zion orowa no Kashiobiukip ek kusu ne; Shinuma anak ne Yakob orowa no shomo Kamui kooripak ambe shishire kusu ne

Roma 4:25

Shinuma anak ne chikoro katpak gusu aekoshi, orowa, a un oupekare gusu hetopo-ashiknure nisa ruwe ne na.

Roma 4:5

Koroka, shomo ikip ki koroka, Kamui kooripak shomoki utara oupekare Kamui eishokoro guru gusu, shinuma koro eishokor-i anak oupeka ambe ne sekoro aesanniyo ruwe ne.

Roma 5:10

Inambe gusu ne yakun, epokba utara chi ne a rapoketa, koro Poho rai ambe ankushkerai Kamui eramuriten yak anak ne, tane mashkin, aeramuriten wa okai gusu Shinuma koro inotu otta kashiobiuki kusu ne na;

Roma 5:7

Aine-aine hokamba no oupeka guru shirine nen ka rai guru an nangoro, yakne, pirikap gusu nen ka rametok koro wa rai guru an na.

Roma 5:8

Koroka, chi utara anak ne katpak koro utara ne wa okai rapoketa Kiristo un gusu rai nisa ruwe ne a ambe ani Kamui un epeka no sange omap ambe ashte nisa ruwe ne.

Roma 8:32

Yaikota koro Poho shihopinupka shomoki, koroka, un gusu Shinuma ekoshi gurʼanak ne, nekon a iki wa Shinuma tura oro-isam no obitta no okaibe un koropare ne yakka shomoki ruwe he an?

Roma 8:34

Nei utara oupekare Kamui ne ruwe he an? Katpak kore guru nen ne ruwe? Rai, shui, makangane hetopo-shiknu wa Kamui shimon-tek samata an hine un eikotchanne ne yakka ki Kiristo ne ruwe he an?

Garatea 2:20

Kuani Kiristo tura no utasa chikuni otta akotukka okere; yakka, ku ishu wa an; kuani shomo ne, koroka, en oshiketa Kiristo ishu ruwe ne: orowa, tane kam otta ku ishu inotu anak eishokoro ambe an gusu an ambe ne ruwe ne, nei ambe anak en omap wa en gusu yaiyange Kamui Poho gusu an ambe ne ruwe tapan na.

Garatea 4:4

Kamui anak ne koro Poho sange; Shinuma shiwentep orowa no hekatu, tuitak otta hekatu;

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Korosai 2:13

Orowa, echi utara anak ne, koro chikokatpak newa kam oma okarituye buri ankushkerai gusu rai okere echi utara anak ne, obitta no okai chikoro chikokatpak Shinuma tusare hine Shinuma orowa no Shinuma tura ashiknure nisa ruwe ne;

I Tessaronike 5:9

Inambe gusu ne yakun, irushka ambe gusu shomo ne, koroka, un gusu rai chikoro Utarapa ne Yesu Kiristo ankushkerai kashichiobiuki arabe a un kore kuni ne, Kamui anak ne un atte nisa ruwe ne;

I Timoteos 1:9

tambe ka chi eraman, tuitak anak ne oupeka utara gusu akarape shomo ne, koroka, ihaita keutura koro utara newa itakkashi utara gusu Kamui kooripak shomoki utara newa chikokatpak utara gusu, turu-ush utara newa momok utara gusu, michihi raige utara newa unuhu raige utara gusu, keweuk utara gusu,

Titus 2:12

aige, shomo Kamui kooripakbe newa kanna moshiri gusu an wenbe kon rusui keutum newa emaka wa keutum yaieashirikara hine, oupeka no, Kamui kooripak an no tam moshiri koapkash kuni gusu un epakashnu ruwe ne;

Hebraios 8:3

Inambe gusu ne yatun, Kamui otta yaishieiwangere obitta no okai iyotta pase guru anak ne akorep newa ayangep yange kuni aatte ruwe ne; tambe gusu, Kamui otta yaishieiwangere tan guru ne yakka nep ka yange kunip koro kuni ambe ne.

Hebraios 9:26

Shinuma kanna-kanna yaiyange shomoki ruwe ne; shomo ne yakun, moshiri akara wano tane pakno Shinuma kanna-kanna ayairamshitnere nangoro: koroka, tane moshiri paha okese an paha ta Shinuma yaikota yaiyange wa kat-pak isamka kuni ne arashui no anukan nisa ruwe ne na.

I Petros 1:20

Shinuma anak ne moshiri asama aande etoko wano aeramu ambe ne, koroka, echi utara gusu pakihi okeseketa anukare nisa ruwe ne;

II Petros 3:7

koroka, tane okai kando, toitoi tura kane, nei shinep ne an itak ari, akoipishi kuni toho, Kamui koatcha utara aisamka kuni toho pakno ashikkashima wa abe gusu aande wa an na

Youdas 1:15

obitta no okai utara koipishi, Kamui koatcha obitta no okai utara koatcha an wa obitta no okai koatcha ki ikip gusu hemhem, Shinuma ohaigekara wa koatcha wen-buri koro utara ye hokamba itak gusu hemhem ki kusu ne na.

Youdas 1:18

okese an paki ita yaikota koro Kamui koatcha an hoiyo keutum nei no apkash wa eoyaitak ki utara araki kusu ne, ari an itak ani echi epakashnu

Youdas 1:4

Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.