Roma 5:5 - Ashiri Aeuitaknup Iyohaichish Yona 1897

⁵ inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

Roma 5:5 ပူးပေါင်းရင်းမြစ်များ

Iyohaichish 119:116

Ku shiknu kuni gusu, E korʼitak an korachi en nitata wa en kore; Orowa, ku chipachipa kuni ambe gusu iteki en yainikoroshmare wa en kore.

Apostoro ikip oma kambi 10:45

Orowa, Petros tura no araki eishokoro wa okai okarituye buri akore utara obitta eoyamokte, inambe gusu ne yakun, Ashkanne Ramat ari an aikrap Oya utara otta ne yakka echikiki nisa ruwe ne gusu ne na.

Apostoro ikip oma kambi 2:17

Kamui ene itak-hi :— Okese an toho ta, Kuani anak ne obitta no okai kam kata Ku Ramat Ku ohetu kusu ne: Aige, echi koro okkai poho newa matne poho uweingara ki, Echi koro okkaibo utara anak ne anukarape nukara, Echi koro ekashi utara wendarap nukara kusu ne:

Apostoro ikip oma kambi 2:33

Shinuma anak ne Kamui shimon-tek samata arikta ande wa an gusu, orowa, Michi orowa aeitakamkire okere Ashkanne Ramat akore gusu, tap echi nukara hemhem ki inu hemhem ki ambe ohetu nisa ruwe ne.

Roma 1:7

Roma kotan ta obitta no okai Kamui orowa no aomap an utara, ashkanne utara ne kuni gusu akonishuk utara otta: echi utara otta chikoro Michi ne Kamui newa Utarapa ne Yesu Kiristo orowa no irenga newa itomo an na.

Roma 8:28

Orowa, Kamui ko-omap utara gusu obitta no okaibe anak ne utura no iki wa pirikap ne ruwe ne sekoro chi eraman; aesanniyo nei no anishuk utara gusu poka ene ani ne ruwe ne.

Roma 9:33

ene chieshinnuye wa an korachi ne, Ingarʼan, Zion otta ureepetchiure kuni shuma, epetchiure kuni watara Ku ande kusu ne: Orowa, nei ambe eishokoro gurʼanak ue shomo ayainikoroshmare kusu ue ua.

I Korintos 8:3

koroka nenka Kamui ko-omap chiki, Shinuma orowa no aeamkire ruwe ne.

II Korintos 1:22

Shinuma anak ne un otta han omare, aine, chikoro sambe oshiketa Ramat emkoso kore nisa ruwe ne.

II Korintos 13:14

Utarapa ne Yesu Kiristo korʼirenga hemhem Kamui omap-i hemhem, Ashkanne Ramat ukopoyege-i hemhem obitta no okai echi utara tura no an kuni akoramkon na.

II Korintos 3:18

Koroka, obitta no okai chi utara anak ne nankamup isam no yaikunnu-karape otta an nei no Utarapa koro nupeki nukara hine Ramat ne Utarapa orowa no an korachi poka nupeki wano nupeki otta nei shinep ne an noka nepkoro a un ekarakara an ruwe ne na.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

Garatea 4:6

Orowa, echi utara poho echi ne wa gusu, Kamui anak ne koro Poho kon Ramat chikoro keutura ta ahunge wa, Abba, Michihi, yere nisa ruwe ne.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Epesos 1:13

echi utara ne yakka son no an itak, echi kashiobiuki gusu an pirika shongo echi nu okaketa, orowa, Shinuma gusu eishokoro ki okere chiki, Ashkanne Ramat gusu an eitakamkirep ani echi hau aomare ruwe ne;

Epesos 4:30

Kikiraye kuni toho pakno ani echi utara han aomare Kamui koro Ashkanne Ramat iteki oknatara yan.

Piripoi 1:20

sekoro ku eraman; kuani ara kon rusui wa chipachipa ambe anak ne ene ani ne, nep ne yakka gusu shomo a en yainikoroshmare koroka, ramma korachi tane poka, ku shiknu yakka, ku rai yakka, Kiristo anak ne ku netobake otta pasere kuni ambe ne ruwe tapan na.

I Tessaronike 4:8

Tambe gusu, emaka gurʼanak ne ainu emaka shomoki, koroka, echi otta Ashkanne Ramat koropare Kamui emaka ruwe ne na.

II Tessaronike 2:16

Tane chikoro Utarapa ne Yesu Kiristo yaikota hemhem un omap wa irenga ankushkerai otusashiri pakno an omaoma ambe newa pirika chipachipa ambe un koropare chikoro Michi ne Kamui hemhem anak ne,

II Timoteos 1:12

Tap ambe gusu obitta no tan okaibe ku eramushitne wa an: yakka ku yainikoroshma shomoki ruwe ne; inambe gusu ne yakun, ku eishokoro okere guru ku eamkiri, orowa, ku shikkashima re okaibe Shinuma nei toho gusu epungine eashkaibe ne sekoro ku eishokon ruwe ne gusu ne na.

I Yoannes 4:19

Shinuma hoshiki no un omap nisa ruwe ne gusu, chi utara omap ki ruwe ne.