Roma 5:11 - Ashiri Aeuitaknup Iyohaichish Yona 1897

¹¹ nei ambe patek shomo ne, koroka, gusu chi utara aeramuritenka chikoro Utarapa ne Yesu Kiristo ankushkerai Kamui orun chi yaiyomonnure ash ruwe ne.

Roma 5:11 ပူးပေါင်းရင်းမြစ်များ

Iyohaichish 104:34

Ku yaikoshiramsei-i anak ne Shinuma gusu shisakbe ne: Ehoba otta ku nupetne kusu ne na.

Iyohaichish 149:2

Israeru anak ne ikara Kamui enupetne yanro. Zion poho utara anak ne ishikkashima Kamui gusu ramuritetke yanro.

Iyohaichish 32:11

Oupeka utara, Ehoba gusu yainuchattek wa nupetne yan: Obitta no okai keutum oupeka utara nupetne gusu haukore kunitara yan.

Iyohaichish 43:4

Yakun, Kamui koro yange-set orota, Ku enupetne gusu yainuchattekbe orota ku arapa kusu ne: Orowa, Aa Kamui, ku goro Kamui, koto ku rekte wa ku iramye ash kusu ne na.

Roukos 1:46

Tata otta Maria ene itak-hi :— Ku keutum auak ne Utarapa pasere,

Yoannes 1:12

Koroka, obitta no okai Shinuma uk utara otta, Shinuma kon reihei eishokoro utara otta, Kamui Poho ne kuni mondum koropare nisa ruwe ne.

Roma 11:15

Inambe gusu ne yakun, nei utara aosurupa ambe anak ne moshiri aeramuritenka nep ne chiki, nei utara ahupkara ambe anak, rai orowa no an inotu moshima, nekon a ambe ne ya?

Roma 2:17

Koroka, aokai anak ne Yudea un guru an reihei ani areikore hene aki hine tuitak otta eyaikopashte hene ki, Kamui gusu yaiyomonnure hene ki, Shinuma korʼirenga eraman hene ki,

Roma 5:1

Tambe gusu, eishokor-i ankushkerai aoupekare wa okai gusu,

Roma 5:10

Inambe gusu ne yakun, epokba utara chi ne a rapoketa, koro Poho rai ambe ankushkerai Kamui eramuriten yak anak ne, tane mashkin, aeramuriten wa okai gusu Shinuma koro inotu otta kashiobiuki kusu ne na;

Roma 5:3

Nei ambe gusu patek shomo ne, koroka, chi ki eramchuptekbe gusu ne yakka yaiyomonnure ash ruwe ne: inambe gusu ne yakun, aeramchuptekbe anak ne yaiyupupu ambe monraigere;

Roma 8:23

Tambe patek shomo ne, koroka, chi utara ne yakka. Ramat hetukure aro-ibehe koro chi utara ne yakka, yaioshiketa nuwap wa poho ne akara-hi chi tere: netobake kikiaraye kuni-hi chi tere koro okai ruwe ne.

Roma 9:10

Tambe patek shomo ne; koroka, Kebekka ne yakka Shinen gusu, chikoro michi Isaak gusu konkoro-aige,

I Korintos 10:16

Chi nunuke ash shinnunuke an itangi anak ne Kiristo koro kemihi gusu an ukotura ikichi ambe shomo ne ruwe he an? Chi meshpa ash pantak anak ne Kiristo kon netobake gusu an ukotura ikichi ambe shomo ne ruwe he an?

II Korintos 8:19

nei ambe patek shomo ne, koroka, Utarapa koro araguru gusu otta chi utara yaishieiwangere ash tan irenga ankushtapne un tura no payekai wa chi ki rusuibe echi nure kuni ne karisia utara orowa no ne yakka anuye nisa ruwe ne:

Garatea 4:9

koroka, tane Kamui echi eamkiri, tane Kamui orowa no echi aeamkiri an hine, hemanda gusu, otta kanna-shui ausshiunere rusui katchak aepange an isaika ambe otta koshikiru ya?

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Piripoi 3:1

Orokeseta, ku iriwak utara, Utarapa oshiketa enupetne yan. Ukorachi an ap echi utara gusu ku nuye ambe anak ne ku erannak poka shomo ku ki ruwe ne,

Piripoi 3:3

inambe gusu ne yakun, Kamui Ramat ani ongami hene ki, Kiristo Yesu otta yaiomonnure hene ki, samata, kara gusu shomo eyaikopashte-i hene ki chi utara anak ne son no okarituye buri akire utara chi ne ruwe ne:

Piripoi 4:4

Ramma Utarapa enupetne yan: shui, nupetne yan, ani ku ye.

Korosai 2:6

Tambe gusu, echi utara Utarapa ne Kiristo Yesu akore korachi, Shinuma oshiketa apkash yan; Shinuma oshiketa shinrichi koro hine aeyairoshkire, aige,

I Petros 1:8

Shomo Shinuma echi nukara yakka ko-omap ruwe ne; tane shomo echi nukara yakka, Shinuma eishokoro wa nupeki ani aeshik aye eaikap pakno an nupetne ambe ani echi poron no enupetne ruwe ne: aige,