Roma 5:1 - Ashiri Aeuitaknup Iyohaichish Yona 1897

¹ Tambe gusu, eishokor-i ankushkerai aoupekare wa okai gusu,

Roma 5:1 ပူးပေါင်းရင်းမြစ်များ

Iyohaichish 122:6

Yerusarem kotan ta itomo irenga an kuni inonno-itak ki yan: E omap utara anak ne aeyaiepirikare kusu ne.

Roukos 19:38

Kando oshiketa itomo an, iyotta rik un ushiketa aeoripak ambe an na, ari itak.

Roukos 19:42

Eani ka, eani, tan toho ta e gusu an itomo irenga e eramʼan yakun humi! Koroka, tane e shiki otta anuina ruwe ne.

Roukos 2:14

Iyotta rikun kando otta an Kamui orun nupeki an, Moshiri kata okai pirika irenga koro utara otta itomo an na, seko-ran itak ani ye nisa ruwe ne.

Yoannes 14:27

Itomo echi otta Ku hoppa: Ku goro itomo echi kore ash na: moshiri kore nei no Kuani echi kore shomoki ruwe ne. Iteki echi sambe yaikowepekerere, iteki sambe kimatekte yan.

Yoannes 16:33

Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Yoannes 20:31

koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Apostoro ikip oma kambi 10:36

Yesu Kiristo gusu itomo an pirika shongo aeupaskuma Israeru un utara otta omande itat (Shinuma anak obitta no okaibe koro Utarapa ne) —

Roma 1:17

Nei oshiketa eishokor-i wano eishokor-i pakno Kamui oupeka-hi aekambakte wa an ruwe ne: ene chieshinnuye wa an korachi ne :— Koroka, oupeka utara anak ne eishokor-i atte gusu ishu kusu ne gusu ne na.

Roma 1:7

Roma kotan ta obitta no okai Kamui orowa no aomap an utara, ashkanne utara ne kuni gusu akonishuk utara otta: echi utara otta chikoro Michi ne Kamui newa Utarapa ne Yesu Kiristo orowa no irenga newa itomo an na.

Roma 10:10

eani kashi-a-obiuki kusu ne; inambe gusu ne yakun, aoupekare ambe gusu ainu anak ne keutum ani eishokoro; orowa, kashi-a-obiuki gusu paroho ani pushpusu wa ye ruwe ne gusu ne na.

Roma 10:15

Orowa, shomo aeteshkara chiki, nekon a iki wa eupaskuma ki kusu ne ya? Anuye wa an ambe korachi poka ne :— Pirika okaibe gusu an pirika shongo koro wa araki utara koro chikiri nep iramasure humi!

Roma 14:17

Kamui moshiri anak ne ibe hene ki iku hene ki ambe shomo ne, koroka, oupekap newa itomo irenga newa Ashkanne Ramat gusu akopuntekbe ne ruwe ne gusu ne na.

Roma 15:13

Echi utara Ashkanne Ramat kiroro ani poron no echi chipachipa kuni ne echi eishokoro wa chipachipa ambe sange Kamui anak ne itomo irenga newa nupetne irenga ani echi shiktere kuni akoramkon na.

Roma 15:33

Orowa, itomo irenga koro Kamui obitta no okai echi utara tura no an kuni akoramkon na. Amen.

Roma 3:22

nei ambe anak Yesu Kiristo eishokor-i ani obitta no okai eishokor-i atte utara gusu an Kamui oupeka ambe ne; uweshinnai no an ambe isam ruwe ne gusu ne na;

Roma 3:30

Kamui anak ne Shinep ne wa eishokor-i gusu okarituye-buri akire utara oupekare, orowa, eishokor-i ani okarituye-buri shomo akire utara oupekare yak anak ne ene ne ruwe ne.

Roma 4:5

Koroka, shomo ikip ki koroka, Kamui kooripak shomoki utara oupekare Kamui eishokoro guru gusu, shinuma koro eishokor-i anak oupeka ambe ne sekoro aesanniyo ruwe ne.

Roma 5:11

nei ambe patek shomo ne, koroka, gusu chi utara aeramuritenka chikoro Utarapa ne Yesu Kiristo ankushkerai Kamui orun chi yaiyomonnure ash ruwe ne.

Roma 5:18

Tambe gusu, shine ohaitap ankushkerai obitta no okai utara akokatpakte korachi, tambe nei no shine aoupekarep ankushkerai obitta no okai utara ashiknure gusu aoupekare ruwe ne.

Roma 6:23

Inambe gusu ne yakun, katpak gusu an pummaha anak ne rai ambe ne ruwe ne; koroka, Kamui sange eikrap anak ne chikoro Utarapa ne Yesu Kiristo otta ramma pakno shiokere shomoki inotu ne ruwe ne gusu ne na.

Roma 9:30

Yakun, hemanda chi ye kusu ne ya? Oupekap shomo keseamba Oya un utara anak ne, oupeka ambe, eishokor-i gusu an nei oupeka ambe, kon nisa ruwe ne sekoro chi ye kusu ne ya?

Garatea 2:16

ashikore wano Yudea un utara chi ne ruwe ne, yakka, ainu anak tuitak ikip gusu aoupekare shomoki no ouse Yesu Kiristo eishokoro ari an ambe ani aoupekare ne sekoro chi eraman gusu, chi utara ne yakka tuitak ikip gusu shomo ne wa Kiristo eishokoro ari an ambe ani a un oupekare kuni ne Kiristo Yesu eishokon nisa ruwe ne na. Inambe gusu ne yakun, inan kara aye yakka tuitak ikip gusu shomo aoupekare kusu ne gusu ne na.

Garatea 3:25

Koroka, tane anak ne eishokor-i ek wa an gusu, chi utara shomo un epakashnu guru otta ko-okai.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Epesos 2:7

tambe anak iyoshi no ek paha ikiri ta Kiristo Yesu oshiketa okai un epeka no an irenga newa iyeramuhauge ambe shi no nuye an no an ambe un nukare kusu ne okaibe ne:

Piripoi 3:9

tambe anak ne Kiristo ku epirikare wa Shinuma oshiketa a en nukara, samata, tuitak gusu hetuku yaikota koro oupeka ambe koro shomoki, koroka, Kiristo otta an eishokor-i gusu hetuku oupeka ambe, — eishokor-i gusu Kamui orowa no hetuku oupeka

Korosai 1:20

samata, koro utasap kemihi ani itomo ashte hine, Shinuma ankushkerai gusu yai otta obitta no okaibe irenga usaraye kuni gusu ne na; moshiri kata okaibe ne a yakka, kando oshiketa okaibe ne a yakka, Shinuma ankushkeraipo aratchire kuni gusu nep.

Korosai 3:15

Shui, Kiristo koro itomo echi keutum ta esapanere yan, tambe gusu ka shine netobake otta echi ahotuyekara wa okai ruwe ne na;

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

II Tessaronike 3:16

Nei ta pakno nei wa ne yakka itomo koro Utarapa yaikota echi orun itomo irenga sange kuni akoramkoro. Utarapa obitta no okai echi utara tura no an kuni akoramkon na.

Hebraios 13:20

Orosama, nei hitsuji chikoikip koro pase epungine guru ne Yesu Kiristo, otusashuishiri pakno an aeuitaknup gusu an kemihi ankushkerai, rai-i orowa no hetopo-shiknure irenga koro Kamui anak ne,