Roma 4:21 - Ashiri Aeuitaknup Iyohaichish Yona 1897

²¹ aige, Kamui anak ne ki eitakamkire ambe nei no kara eashkai kuni aeramushinne no oshitchiu wa eishokoro hine Shinuma pasere nisa ruwe ne.

Roma 4:21 ပူးပေါင်းရင်းမြစ်များ

Iyohaichish 115:3

Koroka, chikoro Kamui anak ne kando otta an: Nep ne yakka Shinuma ki rusuibe aki nisa ruwe ne.

Mattaios 19:26

Orowa, Yesu nei utara orun ingara wa ene itak-hi :— Tambe anak ne ainu gusu eaikapbe ne, koroka, Kamui gusu nep ne yakta aeaikapbe isam ruwe ne.

Roukos 1:1

Iyotta oripak an Teopiros, un tumugeta auweomare an okaibe, atpake wano nukara utara, itak otta auitek utara un koropare nei no,

Roukos 1:37

Kamui orowa no an itak anak obitta kiroro sakbe shomo ne kusu ne ruwe ne gusu ne na, ari itak.

Roukos 1:45

Orowa, eishokoro shiwentep anak ne anunuke ne, Utarapa orowa no Shinuma otta anure orushpe auweomare kusu ne gusu ne na.

Roma 14:4

Moshima guru koro uitekbe koipishi aokai anak ne hunna? Nei gurʼanak ne yaikota kon nishpa gusu ash hene ki hachiri hene ki ruwe ne. Ruwe un, shinuma anak ne aashte kusu ne; Utarapa anak ne shinuma ashte kuni eashkai ruwe ne gusu ne na.

Roma 14:5

Shinen anak ne shine to kasu no moshima toho ainukoro kunip ne sekoro esanniyo: koroka, moshima gurʼanak ne obitta no okai toho ukorachi nep kuni esanniyo ruwe ne. Ainu pishno yaikota koro keutum ta aeramushinne no oshitchiu yan.

Roma 8:38

Inambe gusu ne yakun, rai ambe hene, inotu hene, hauturumbe hene, esapanep hene, tane an okaibe hene,

II Korintos 9:8

Orowa, Kamui anak ne obitta no okai irenga echi utara gusu nuye an no kara eashkai; tambe anak, nep ne yakka gusu ramma-kane echi ara yaiyainuwere hine obitta no okai pirika ikip otta nuye an no iki kuni gusu ne ruwe ne:

II Timoteos 1:12

Tap ambe gusu obitta no tan okaibe ku eramushitne wa an: yakka ku yainikoroshma shomoki ruwe ne; inambe gusu ne yakun, ku eishokoro okere guru ku eamkiri, orowa, ku shikkashima re okaibe Shinuma nei toho gusu epungine eashkaibe ne sekoro ku eishokon ruwe ne gusu ne na.

Hebraios 11:13

Tapan obitta no okai utara anak ne aeitakamkire ambe shomo uina no eishokor-i atte wa raipa nisa, koroka ehangeko no nei ambe ingara wa ekap, aine, nei utara moshiri koapkash wa oya utara ne payekai utara ne kunak ye nisa ruwe ne.

Hebraios 11:19

Kamui anak ne rai-i orowa no poka hetopo-shiknure eashkai kunak esanniyo nisa ruwe ne; awa, ikimaukushte ikip gusu ka rai-i wano shinuma hetopuina nisa ruwe ne na.