Roma 4:17 - Ashiri Aeuitaknup Iyohaichish Yona 1897

¹⁷ Kamui samaketa obitta no okai chi utara koro michi ne ruwe ne (ene chieshinnuye wa an korachi ne :— Inne moshiri uirup koro michi e ne kuni Kuani e kara ash nisa ruwe ne na); nei Kamui anak ne rai-guru shiknure, orowa okai korachi isambe hotuyekan ruwe ne.

Roma 4:17 ပူးပေါင်းရင်းမြစ်များ

Mattaios 3:9

orowa, chikoro michi anak ne Abraham ne sekoro, iteki echi keutum ta ye kuni ambe esanniyo yan; inambe gusu ne yakun, echi otta ku ye, Kamui anak ne tan shuma ani Abraham poho ne gusu hetukure eashkai ruwe ne gusu ne na.

Yoannes 5:21

Michi anak ne rai guru hetopo-hoshipire wa shiknure korachi, Poho ne yakka yaikota rengaine shiknure ruwe ne.

Yoannes 5:25

Son no son no echi otta Ku ye :— Rai guru anak ne Kamui Poho hawe nu, orowa, un utara shiknu kusu ne pakihi ek, tane nei pakihi an ruwe ne.

Yoannes 6:63

Shiknurep anak ne ramat ne ruwe ne; kam anak raka sakbe ne: echi otta Ku ye itak anak ne ramat ne, inotu ne ruwe ne.

Apostoro ikip oma kambi 15:18

Sekoro, moshiri heashi wano tap okaibe eramande Utarapa ye ruwe ne.

Roma 3:29

Kamui anak ne Yudea un utara koro Kamui patek ne ruwe he an? Shui, Oya uirup koro Kamui shomo ne ruwe he an? Ruwe un, Oya utara koro Kamui ne yakka ne ruwe ne:

Roma 4:18

E koro santek ene ani ne kusu ne na — sekorʼan aye-hi korachi, inne moshiri uirup koro michi ne akara kuni ne, chipachipa gusu chipachipa ki nisa ruwe ne.

Roma 4:2

Inambe gusu ne yakun, Abraham anak ne ki ikip gusu aoupekare yak anak ne yaiyomonnure kuni ushike an; a yakka, Kamui tek-samata isam ruwe ne.

Roma 8:11

Koroka, rai-i orowa no Yesu hetopo-shiknurep kon Ramat echi onnaigeta uni koro yakun, rai-i orowa no Kiristo Yesu hetopo-shiknurep anak ne echi onnaigeta uni koro Shinuma kon Ramat ankushkerai gusu echi koro rai kuni netobake shiknure kusu ne na.

Roma 9:11

nei okaibe naa shomo shiko, shui, naa shomo pirikap hene wenbe hene ki etokota, anumge an-i korachi

Roma 9:26

Orowa, otta Echi utara anak ne ku goro uirup shomo ne ari an itak ani aye ushiketa okai utara anak ne, Nei ushiketa okai utara anak ishu Kamui koro poho utara ani areikore kusu ne na.

I Korintos 1:28

orowa, an okaibe isamka kuni ne Kamui, tan moshirʼun nupanbe newa aepange okaibe, — nei isam okaibe numge nisa ruwe ne:

I Korintos 15:45

Ene anuye wa an korachi :— Hoshike no an Ainu ne Adam anak ne shiknu ramat ne. Iyoshi no an Adam anak shiknure ramat ne ruwe ne.

I Timoteos 6:13

Obitta no okaibe shiknu kuni ne koshiratki Kamui tek-samata ne yakka, Pontio Pirato kotchaketa pirika paweteshu ambe iki Kiristo Yesu shik-samata ne yakka e kashpaotte ash na;

Hebraios 11:12

tambe gusu poka rai okere guru korachi an shine ainu orowa no kando un nochiu nei no inne, atuisam ota korachi shiri poron no hetuku nisa ruwe ne.

Hebraios 11:3

otta paweteshu ambe aki nisa ruwe ne. Moshiri anak ne Kamui itak ani akara an sekoro eishokor-i gusu chi eraman, tambe gusu anukarabe anak ne hetuku an okaibe orowa no shomo akan na.

Hebraios 11:7

Eishokor-i an gusu Noa anak ne naa shomo anukarabe epeka Kamui orowa no anure gusu Kamui kooripak an ishitoma keutum atte gusu, koro uni un utara shiknure kuni ne chip kan nisa ruwe ne; nei ambe ankushtapne shinuma moshiri kokatpakte, aige, eishokor-i kari an oupekap aeikeshkore guru ne akara.

I Petros 2:10

etokota anak ne uirup utara shomo echi ne, koroka, tane anak Kamui utara echi ne ruwe ne: etokota anak erampokiwen wa akore shomoki, koroka, tane aerampokiwen wa okai na.

II Petros 3:8

Koroka, aomap an utara, tan shine ambe iteki oira yan; Utarapa otta shine to anak ne ashikne shine wan hotne pa ukorachi ne, orowa, ashikne shine wan hotne pa anak shine to korachi ne ruwe ne.