Roma 3:5 - Ashiri Aeuitaknup Iyohaichish Yona 1897

⁵ Koroka, chikoro oupeka-sakbe anak ne Kamui oupeka ambe ashte yakun, nekon chi ye kusu ne ya? Irushka irenga sange Kamui oupeka-sakbe ne ruwe he an? (ainu itak korachi ku itak ruwe ne).

Roma 3:5 ပူးပေါင်းရင်းမြစ်များ

Roma 12:19

Omap an utara, yaikota gusu iteki ikemnu yan, koroka, irushka kuni an ushike kara yan; inambe gusu ne yakun, — Ikemnu ki kuni ambe anak ne en otta an ruwe ne, Kuani yaiattasa Ku ki kusu ne na, ari an itak ani Utarapa ye, sekorʼambe chieshinnuye wa an ruwe ne gusu ne na.

Roma 2:5

Koroka, e koro nishte newa shomo yaikokatpak sambe gusu, eani anak ne irushka toho newa anukare kuni Kamui oupeka koipishi toho gusu irushka-hi eumashnu koran ruwe ne;

Roma 3:19

Nep ne yakka tuitak ye okaibe anak ne nei tuitak choropoketa okai utara otta ye ruwe ne sekoro chi eraman; tambe anak ne obitta no okai utara koro paroho aseshke hine moshirʼebitta Kamui orowa no akoipishi kusu ne a ambe ne:

Roma 3:7

Koroka, ku ki shungep anak ne Kamui koro nupeki gusu Shinuma sonep ashte yakun, hemanda gusu kuani ne yakka katpak ki guru ku ne sekoro a en esanniyo ruwe he an?

Roma 4:1

Yakun, kam gusu chikoro ekashi Abraham anak ne nekon a ambe pa nisa ruwe ne sekoro chi ye ya?

Roma 5:8

Koroka, chi utara anak ne katpak koro utara ne wa okai rapoketa Kiristo un gusu rai nisa ruwe ne a ambe ani Kamui un epeka no sange omap ambe ashte nisa ruwe ne.

Roma 6:1

Yakun, hemanda chi ye kusu ne ya? Irenga aporore kuni gusu, rammakane katpak chi ki kusu ne ya?

Roma 6:19

Echi koro kam anak ne katchakbe ne ruwe ne gusu, kuani ainu ye korachi ku ye ruwe ne: inambe gusu ne yakun, echi utara anak ne ichakkere ambe gusu katpak wano katpak otta koro awehe echi usshiunere korachi, tewa no awehe aashkannere gusu oupeka-i otta usshiunere yan.

Roma 7:7

Yakun, hemanda chi ye kusu ne ya? Tuitak anak ne katpak ne ruwe he an? Ara shomo. Yakka, tuitak ankushkerai shomo ne yakun, katpak ku erampeutek ruwe ne: Iteki yaikoshipuinere yan, ari an itak ani nei tuitak ye a shomoki yak anak ne ibeporore ambe ku erampeutek:

Roma 8:31

Yakun, tap okaibe gusu hemanda chi ye kusu ne ya? Kamui un gusu an yakun, un epokba guru inan guru ne ya?

Roma 9:30

Yakun, hemanda chi ye kusu ne ya? Oupekap shomo keseamba Oya un utara anak ne, oupeka ambe, eishokor-i gusu an nei oupeka ambe, kon nisa ruwe ne sekoro chi ye kusu ne ya?

I Korintos 15:32

ani an ambe ani ku ye ruwe ne. Ainu korachi Epesos kotan ta chikoikip tura ku koiki yakka, nep a en epirikarep an a? Rai-guru hetopo-ashiknure shomoki chiki, hetak, nishatta rai ash kusu ne gusu ibe hemhem ki iku hemhem ki yanro.

I Korintos 9:8

Ainu ye-hi korachi tapan okaibe ku ye ya?

II Korintos 6:4

koroka, nep ne yakka otta Kamui gusu yaishieiwangere utara chi ne korachi yaikota yairamatte no okai anro; poron no an yaiyupupu ambe otta hene, aeramchuptekbe otta hene,

II Korintos 7:11

Inambe gusu ne yakun, tapne an ambe ingarʼan, Kamui kooripak nei no echi aoknatare gusu anak ne, echi tumugeta nep yuptek no echi iki humi! ruwe un, nep kikikara ambe! ruwe un, nep kinrakara ambe! ruwe un, nep ishitoma ambe! ruwe un, nep eyaikatekara ambe! ruwe un, nep seisek mau keutum! ruwe un, nep ikemnu ambe humi! nep ne yakka nei orushpe gusu echi utara anak ne turu-sakbe ne sekoro echi yaiashte nisa ruwe ne.

Garatea 2:18

Oara shomoki ruwe ne. Kuani teeda ku isamka okaibe shui ku kara chiki, kuani ohaita guru ne sekoro a en yaiesanniyo ruwe ne.

Garatea 3:15

Iriwak utara, ainu ye-hi korachi ku itak ruwe ne: nei ambe anak ne ouse ainu ki uitaknup ne a yakka, iki aeramushinne chiki, nei ambe isamka hene ki, otta moshima okaibe kashioraare hene ki guru isam ruwe ne.

Ekambakbe 15:3

Orowa, nei utara anak ne Kamui usshiune guru Mose koro shinotcha-ibehe newa nei Pon-hitsuji koro shinotcha-ibehe shinotcha ki wa ene itak-hi :— Aa Utarapa ne Kamui, Nep ne yakka ki eashkaibe, E iki ikip anak ne poro wa iyokunnurep ne; Otusashuishiri wano okai utara esapanep E ne wa E iki ambe anak ne oupeka newa sonep ne ruwe ne.

Ekambakbe 18:20

Kando ne Aokai hemhem, ashkanne utara ne echi utara hemhem, Apostoro utara ne echi utara hemhem, uweingara utara ne echi utara hemhem shinuma okkeukashi nupetne yan; inambe gusu ne yakka aokai utara gusu an esanniyo ambe Kamui esanniyo nisa ruwe ne gusu ne na.