Roma 3:25 - Ashiri Aeuitaknup Iyohaichish Yona 1897

²⁵ Shinuma koro kemihi gusu, eishokor-i ani, imommuye ne akara kuni ne Kamui shinuma gusu esanniyo; nei ambe anak ne Kamui yaishikkashima hine etoko wano aki katpak moshima no ande wa koro oupeka ambe eramande kuni ne;

Roma 3:25 ပူးပေါင်းရင်းမြစ်များ

Iyohaichish 119:142

E koro oupeka-i anak ne otusashuishiri pakno an oupeka ambe ne, Orowa, E koro tuitak anak ne sonep ne ruwe ne.

Iyohaichish 22:31

Nei utara araki wa okaketa hetuku kusu ne utara otta Ehoba oupeka ambe ye, Shinuma tambe kan nisa ruwe ne ari an ambe nure kusu ne na.

Iyohaichish 40:10

E koro oupeka orushpe ku keutum oshiketa shomo ku nuina nisa; E koro ikipniukesh-hi newa kashiobiuki-hi ku ye nisa: Poro uwekari gusu E koro omap-an-ramuhauge-hi newa sonep shomo ku nuina nisa ruwe ne.

Iyohaichish 50:6

Orowa, kando anak ne Shinuma koro oupeka ambe assuru ashte, Kamui yaikata anak koipishi ki Kamui ne ruwe ne gusu ne na. [Sera.]

Iyohaichish 97:6

Kando anak ne Shinuma koro oupeka ambe assuru ashte, Utara obitta Shinuma koro arakuru nukan nisa ruwe ne.

Iyohaichish 98:2

Ehoba anak ne koro kashiobiuki-i assuru ashte: Koro oupeka-i ingi moshirʼun utara otta nukare nisa ruwe ne.

Yoannes 6:47

Son no son no echi otta Ku ye :— Eishokoro gurʼanak ne ramma okere shomoki inotu koro shiri an na.

Apostoro ikip oma kambi 14:16

Shinuma anak ne obitta no okai moshiri uirup yaikota rengaine kon ruhu ta apkash kuni moshima no ande nisa ruwe ne.

Apostoro ikip oma kambi 15:18

Sekoro, moshiri heashi wano tap okaibe eramande Utarapa ye ruwe ne.

Apostoro ikip oma kambi 17:30

Tambe gusu Kamui nei eramsak an pakihi emoshma no ande nisa; koroka, tane anak neita okai yakka obitta no okai utara yaikokatpak kuni kashpaotte ruwe ne:

Apostoro ikip oma kambi 2:23

Shinuma, Kamui etoko wano an eraman irenga newa aesanniyo esanniyop an gusu aekoshi okere chiki, echi utara anak ne ikashpaotte otereke utara koro teke ani, utasa chikuni otta kungi kokikkik

Apostoro ikip oma kambi 3:18

Koroka, obitta no okai uweingara utara koro paroho ani etoko wano Kamui eupaskuma okaibe, koro Kiristo ayairamshitnere kuni ambe, tambe nei no auweomare nisa ruwe ne.

Apostoro ikip oma kambi 4:28

Oya uirup utara newa Israeru un utara tura, etoko wano E teke newa E ki esanniyop hetukure kusu ne esanniyo okaibe obitta ki kuni gusu uwekarapa nisa ruwe ne.

Roma 2:4

Shui, Kamui koro pirika irenga e yaikokatpakte kunip ne sekoro e erampeutek wa, Shinuma koro pirika irenga oma aeoteknu ambe newa yaishikkashima ambe newa ramushiporore ambe newa e etunne ruwe he an?

Roma 3:26

tane an pakihi ta Shinuma koro oupeka ambe eramande kunip ne: Shinuma yaikota oupeka wa Yesu eishokoro guru oupekare kuni gusu an ambe ne ruwe ne na.

Roma 5:1

Tambe gusu, eishokor-i ankushkerai aoupekare wa okai gusu,

Roma 5:11

nei ambe patek shomo ne, koroka, gusu chi utara aeramuritenka chikoro Utarapa ne Yesu Kiristo ankushkerai Kamui orun chi yaiyomonnure ash ruwe ne.

Roma 5:18

Tambe gusu, shine ohaitap ankushkerai obitta no okai utara akokatpakte korachi, tambe nei no shine aoupekarep ankushkerai obitta no okai utara ashiknure gusu aoupekare ruwe ne.

Roma 5:9

Tambe gusu, naa eetasa no, Shinuma koro kem otta aoupekare wa okai gusu, Shinuma ankushkeraipo irushka-hi orowa no aohaitare ash kusu ne na.

I Korintos 5:7

Pandane sak no poka echi okai korachi, ashiri takuhu echi akara kuni gusu, nei fushko pandane oashinge yan. Inambe gusu ne yakun, chikoro kamakushbe ne Kiristo ne yakka ayange nisa ruwe ne:

II Korintos 5:21

Chikokatpak eramushkare guru anak ne chi utara gusu akokatpakbe ne akara; tambe anak ne chi utara shinuma oshiketa Kamui oupeka ambe ne akara kuni gusu ne na.

Epesos 1:7

Shinunra koro kemihi gusu chi utara anak ne kikiaraye wa katpak

Epesos 2:13

Koroka, tane poka teeda ukattuima no okai echi utara anak ne Kiristo Yesu oshiketa, Kiristo koro kem gusu, ehange no arakire an ruwe ne.

I Timoteos 1:15

Kiristo Yesu anak ne katpak koro utara kashiobiuki gusu moshirʼotta ek nisa ruwe ne ari an itak anak ne son no ambe ne, utara shikkashima kuni an itak ne ruwe ne na; nei utara tumuge ta iyotta wenbe ku ne ruwe ne!

Hebraios 10:4

Inambe gusu ne yakun, pinne beko newe yangi koro kem anak ne oara katpak isamka eaikap ruwe ne gusu ne na.

Hebraios 11:14

Inambe gusu ne yakun, nei no okaibe ye utara anak ne yaikota koro kuni moshiri hunara shiriki okai sekoro irammakaka epakashnu ruwe ne.

Hebraios 11:17

Eishokor-i an gusu Abraham anak ne auwande ita Isaak yange nisa: ruwe un, yaikopuntek no nei aeitakamkirep akore guru anak ne yaikota koro shinen ne poho yange shiriki an nisa;

Hebraios 11:7

Eishokor-i an gusu Noa anak ne naa shomo anukarabe epeka Kamui orowa no anure gusu Kamui kooripak an ishitoma keutum atte gusu, koro uni un utara shiknure kuni ne chip kan nisa ruwe ne; nei ambe ankushtapne shinuma moshiri kokatpakte, aige, eishokor-i kari an oupekap aeikeshkore guru ne akara.

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

Hebraios 9:5

orowa, nei kashiketa imommuye kuni set ekamu arakuru koro Kerubim okai ruwe ne; tap okaibe pishno gusu tane chi itak eaikap ruwe ne.

I Yoannes 1:10

Shomo katpak chi ki na sekoro chi ye chiki, Shinuma shungere ruwe ne, orowa, Shinuma korʼitak un oshiketa isam ruwe tapan na.

I Yoannes 2:2

Shinuma anak ne chikoro katpak gusu an imommuyep ne ruwe ne; ouse chikoro katpak gusu patek shomo ne, koroka, ingi-nroshiri gusu an ap gusu ne yakka ne ruwe ne na.

I Yoannes 4:10

Chi utara anak ne Kamui omap nisa ruwe ne a gusu shomo ne, koroka, Shinuma un omap wa chikoro chikokatpak imommuye kuni gusu koro Poho ette ari an ambe otta, tata otta omap-hi an.

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 13:8

Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

Ekambakbe 20:15

Orowa inan guru ne yakka nei inotu oma kambi-sosh kata reihei shomo anuye wa an sekoro anukara chiki, nei abe to orota aeyapkiri nisa ruwe ne na.

Ekambakbe 5:9

Orowa, nei utara anak ne ashiri shinotcha iki wa ene itak-hi :— Aokai anak ne nei kambi-sosh uk hemhem iki, nei han maka hemhem iki kuni oupakbe E ne ruwe ne: inambe gusu ne yakun, Aokai anak ne araige an, awa, obitta no okai ainu ikiri wano hemhem, parumbe wano hemhem, utara wano hemhem,