Roma 2:6 - Ashiri Aeuitaknup Iyohaichish Yona 1897

⁶ Shinuma anak ne obitta no okai utara iki ikip an korachi pishno pishno koropare kusu ne;

Roma 2:6 ပူးပေါင်းရင်းမြစ်များ

Iyohaichish 62:12

Shui, aa Utarapa, rampoken anak E korope ne: Aokai anak ne obitta no okai utara ki ikip esanniyo wa orota auk kunip kore ruwe ne gusu ne na.

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Roma 14:22

E atte eishokor-i gusu anak Kamui tek-samata yaikota gusu koro yan. Aeuwandep gusu yaikota akoipishi kunip shomo anukara guru anak ne anunuke ne.

I Korintos 3:8

Etoita guru newa wakka chari guru anak ne shinep ne: koroka, pishno pishno yaikota iki ikip an nei no yaikota koro pummaha akore kusu ne.

I Korintos 4:5

Tambe gusu, ipishi ki kuni pakihi etokota, Utarapa ek pakno, iteki koipishi yan, Shinuma ka kunne-i ta anuina wa an okaibe sarare ka ki, samata, keutum oshiketa an yainu-i anukare kusu ne; nei ita anak ne ainu pishno Kamui orowa no ramuaye kusu ne na.

II Korintos 11:15

Tambe gusu, shinuma otta yaishieiwangere utara ne yakka oupeka ambe otta yaishieiwangere kuni nep yainere chiki poro ambe shomo ne; nei utara gusu an okake an ambe anak ne koro ikichi ikip nei no an ambe ne ruwe ne.

II Korintos 5:10

Inambe gusu ne yakun, chi utara anak ne netobake ani chi kichi okaibe gusu, pirikap hene wenbe hene, nei okaibe gusu a un koropare kunip uina kuni ne, pishno pishno Kiristo koro koipishi gusu an amset kotchaketa anukara kusu ne gusu ne na.

II Timoteos 4:14

e ek chiki koro wa en kore yan. Fure-kani kik guru ne Areksandros anak ne shi no en wende nisa ruwe ne; Utarapa anak ne shinuma ki ikip esanniyo wa koropare kusu ne:

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.

Ekambakbe 20:12

Orowa, nei amset kotpokita porobe rai utara ne yakka ponbe rai utara ne yakka roshki shiriki-hi ku nukan nisa; orowa, nei kambi-sosh apirasa: shui moshima an kambi-sosh ne yakka apirasa ruwe ne, nei ambe anak inotu oma kambi-sosh ne ruwe ne na: orowa, rai utara anak ne nei kambi-sosh kata chieshinnuye wa an korachi, ki ikip an nei no, akoipishi nisa ruwe ne.

Ekambakbe 22:12

Ingarʼan, tunashi no Ku ek na; aige, koro iki ikip an nei no pishno an guru orun Ku koropare kuni gusu an pummaha Ku kon ruwe ne.