Roma 2:4 - Ashiri Aeuitaknup Iyohaichish Yona 1897

⁴ Shui, Kamui koro pirika irenga e yaikokatpakte kunip ne sekoro e erampeutek wa, Shinuma koro pirika irenga oma aeoteknu ambe newa yaishikkashima ambe newa ramushiporore ambe newa e etunne ruwe he an?

Roma 2:4 ပူးပေါင်းရင်းမြစ်များ

Iyohaichish 10:11

Koro keutum ta, Kamui anak ne oira nisa ruwe ne: Shinuma koro nanuhu nuina wa ramma pakno shomo nukara kusu ne, ani itak.

Iyohaichish 104:24

Aa Ehoba, E ki ikip nep inne humi! Wayashnu no Aokai obitta kan nisa: Moshiri anak ne E korobe ani eshik ruwe ne.

Iyohaichish 31:19

Utara poho utara shiksamata Aokai gusu eyaikopashte, E koishitoma utara gusu Aokai eumashnu pirika ambe anak ne nep poro humi!

Iyohaichish 78:38

Koroka, Shinuma anak ne rampokiwen ani eshik gusu, koro wen-buri tusare hine shomo ushtekka: Ruwe un, kanna kanna Shinuma anak ne koro kinra-karape shishire wa Koro irushka-hi shomo atte nisa ruwe ne.

Iyohaichish 86:15

Koroka Aokai, Aa Utarapa, chishikiraine ani eshik wa irenga sange, Irushka moire wa rampokiwen newa sonep nuye an no kon ruwe ne.

Iyohaichish 86:5

Aa Utarapa, Aokai anak ne pirika wa honnere rusui, Samata, E orun konishuk obitta no okai utara otta nuye an no rampoken sange Kamui E ne ruwe ne gusu ne na.

Jona 4:2

Orowa, shinuma Yehoba otta inonno-itak wa ene itak-hi:— Aa Yehoba, kuani ku kotan ku an ita, tap korachi an kusu ne ku ye shomoki ya? Tambe gusu Aokai anak ne ramu-hauge Kamui ne, erampoken ani eshik wa irushka moire, erampoki-wen-nu wa panakte-i wano kiru Kamui E ne ruwe ne, sekoro ku eramu an gusu kuani Tarshish kotan otta ku ko-kira kuni ku tunash nisa ruwe ne na.

Roma 10:12

Yudea un guru newa Herenes un guru gusu uwechutko no an ambe isama: inambe gusu ne yakun, nei ukorachi an ambe anak ne obitta no okai utara gusu shine Utarapa ne, aige, otta ko-nishuk guru gusu oteknu ruwe ne gusu ne na:

Roma 11:22

Tambe gusu, Kamui pirika irenga newa yupke irenga ingara: hachiripa utara epeka, yupke irenga; koroka, aokai epeka, Shinuma sange pirikap otta e an chiki, Kamui pirika irenga an na: shomo ne chiki aokai aotuye kusu ne na.

Roma 11:33

Aa Kamui aeoteknu an wayashnu ambe newa eramushbe ooho ambe! Shinuma esanniyop hemanda aehunara eaikapbe, Shinuma ruhu nep chimichimi

Roma 3:25

Shinuma koro kemihi gusu, eishokor-i ani, imommuye ne akara kuni ne Kamui shinuma gusu esanniyo; nei ambe anak ne Kamui yaishikkashima hine etoko wano aki katpak moshima no ande wa koro oupeka ambe eramande kuni ne;

Roma 6:1

Yakun, hemanda chi ye kusu ne ya? Irenga aporore kuni gusu, rammakane katpak chi ki kusu ne ya?

Roma 6:15

Yakun, nekon a? Tuitak choropoketa shomo chi okai wa irenga choropoketa okai gusu, tambe gusu katpak chi ki kusu ne ya?

II Korintos 8:2

awa, nei utara poron no aeramchuptekka gusu auwande rapoketa shi no nupetne, aige, nei utara son no irapokkari ne a yakka nuye an no aeoteknup gusu ne a an na.

Epesos 1:18

shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

Epesos 1:7

Shinunra koro kemihi gusu chi utara anak ne kikiaraye wa katpak

Epesos 2:4

Kamui anak ne nuye an no rampoken koro wa, chi utara koro katpak gusu rai okere yakka,

Epesos 2:7

tambe anak iyoshi no ek paha ikiri ta Kiristo Yesu oshiketa okai un epeka no an irenga newa iyeramuhauge ambe shi no nuye an no an ambe un nukare kusu ne okaibe ne:

Epesos 3:16

Shinuma anak ne koro nupeki an ikoro esanniyo wa echi onnaigeta an ainu Shinuma kon ramat gusu kiroro

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Piripoi 4:19

Orowa, ku goro Kamui anak ne Kiristo Yesu oshiketa nupeki otta okai koro oteknu ambe an a-i korachi obitta no an echi eishiramne ambe uweomare kusu ne na.

Korosai 1:27

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

Korosai 2:2

tambe anak nei utara koro sarabe aomaoma kuni gusu an ap ne, aige, shinuma utara omap ambe ani aurukire hine eraman no an shomo utumashire an arabe gusu hetuku aeoteknup otta an kuni gusu ne; tambe anak nei utara.

I Timoteos 1:16

Yakka, tapan ikkewehe an gusu a en erampokiwen wa akore ruwe ne, tewa no shiokere shomoki inotu aoma kuni ne Shinuma eishokoro utara epeka shiroshi ne gusu iyotta wenbe ne en otta Yesu Kiristo anak ne obitta no okai koro ramushiporore ambe nukare kuni gusu ne na.

I Timoteos 6:17

Tan moshiri ta okai wa oteknu utara anak ne iteki yaiesanniyorire hene ki, iteki autumotne an ikoro eyaikopashte hene ki, koroka, ani eyainupetnere kuni gusu nuye an no obitta no okaibe un kore Kamui eyaikopashte kuni ikashpaotte yan;

I Petros 3:20

nei ramat anak ne fushkotoita, Noa okai wa shinuma kara chip aetokooiki wa an Kamui ramushiporore ki wa untere rapoketa itakkashi utara ne; nei chip otta moyo utara, tupesan niu ne utara wakka gusu kashiaobiuki nisa ruwe ne na;

II Petros 1:11

orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.

II Petros 3:15

Orowa, chikoro Utarapa ramu-shiporore-hi anak ne kashiobiuki ambe ne sekoro esanniyo yan; chikoro omap an iriwak ne Pauros ne yakka orota akore wayashnu-i korachi echi gusu nuye nei no ki yan; Shinuma anak ne obitta nuye kambi kata poka tap okaibe gusu ye na;

II Petros 3:3

tambe hoshiki no uonnere yan, okese an toho ta eoya-itak ki utara araki, orowa, yaikota koro ibeporore an keutum nei no kara wa eoya-itak ki,

II Petros 3:9

Okai utara esanniyo korachi Utarapa anak ne koro eitakamkire gusu moire shomo ne; koroka, nen ne yakka aisamka kuni ambe Shinuma konoburu shomoki no, utara obitta yaikokatpak kuni ambe konoburu wa, echi utara gusu ramushiporore ruwe ne na.

Ekambakbe 2:21

Nei shiwentep yaikokatpak kuni gusu an pakihi Ku kore nisa; awa, koro hoiyo ambe gusu shinuma yaikokatpak ki kuni-hi kopan nisa ruwe ne.

Ekambakbe 3:20

opopmau keutum koro wa yaikokatpak yan. Ingarʼan, nei apa samta Ku ash kane kikkik shiri an: inan guru ne yakka Ku hawe nu wa apa maka chiki, otta Ku ahun hine shinuma tura no Ku ibe, orowa, shinuma ka en tura no ibe kusu ne.