Roma 2:2 - Ashiri Aeuitaknup Iyohaichish Yona 1897

² Inambe gusu ne yakun, nei okaibe ki utara gusu Kamui koipishi-hi anak ne sonep ne ambe ne sekoro chi eraman.

Roma 2:2 ပူးပေါင်းရင်းမြစ်များ

Iyohaichish 145:17

Ehoba anak ne obitta no okai koro ruhu gusu oupeka ne. Obitta no iki ikip gusu ashkanne ruwe ne.

Iyohaichish 9:4

Inambe gusu ne yakun, Aokai en gusu an kunip, orowa, ku goro orushpe kan nisa ruwe ne gusu ne na; Aokai anak ne amset kata rok wa oupeka esanniyo ki nisa ruwe ne na.

Iyohaichish 96:13

Shinuma ek gusu, Ehoba kotchaketa ki yan; Moshiri koipishi gusu Shinuma ek ruwe ne: Shinuma oupeka no moshiri koipishi kusu ne, Son no ambe ani uirup utara koipishi kusu ne na.

Iyohaichish 98:9

Shinuma anak ne ek wa moshirʼun utara koipishi, Oupeka no moshiri newa utara kane koipishi kusu ne gusu ne na.

Apostoro ikip oma kambi 17:31

Shinuma anak esanniyo okere ainu ani oupeka no ingi moshiri uirup koipishi kuni toho atte nisa ruwe ne gusu ne na; aige, Shinuma anak ne nei guru rai i orowa no hetopo-shiknure-hi ani an ambe ani obitta no okai utara gusu nei arabe sonnere nisa ruwe ne na.

Roma 2:1

Tambe gusu, Ainu, Aokai gusu ne yakka inan koipishi ki guru gusu ne yakka obitta yayapapu ki eashkai ushike ka isam: inambe gusu ne yakun, aokai anak ne moshima guru koipishi chiki, yaikota katpak an sekoro yaiesanniyo ruwe ne; koipishi ki aokai anak ne nei okaibe ki ruwe ne gusu ne na.

Roma 2:3

Shui, tap okaibe ki utara koipishi, aine, yaikota nei ambe ki ainu aokai anak ne Kamui koipishi-hi eyaishishire kusu ne sekoro e esanniyo ya?

Roma 2:5

Koroka, e koro nishte newa shomo yaikokatpak sambe gusu, eani anak ne irushka toho newa anukare kuni Kamui oupeka koipishi toho gusu irushka-hi eumashnu koran ruwe ne;

Roma 9:14

Yakun, nekon a chi ye kusu ne ya? Kamui tura oupeka-sak-i an a?

Ekambakbe 16:5

Orowa, wakka koro hauturumbe ene ye hawe ku inu :— Aokai anak ne an wa an, an nisa, aine, tap korachi E esanniyo ruwe ne gusu, oupeka ambe E ne ruwe ne na:

Ekambakbe 19:2

Shinuma esanniyop anak ne sonep newa oupeka ambe ne ruwe ne gusu ne na; inambe gusu ne yakun, koro hoiyop ani moshiri muninka nei poro hoiyo guru Kamui anak ne koipishi wa panakte nisa, samata, Shinuma usshiunere utara koro kemihi gusu nei shiwentep epeka ikemnu nisa ruwe ne gusu ne na.