Roma 16:25 - Ashiri Aeuitaknup Iyohaichish Yona 1897

²⁵ Orosama, ku sange shongo newa Yesu Kiristo aeupaskuma ambe an nei no, otusashuishiri wano an pakihi pakno anu shomoki no ashikkashima, koroka,

Roma 16:25 ပူးပေါင်းရင်းမြစ်များ

Iyohaichish 78:2

Paro ku maka wa itak-maukushte itak ku sange kusu ne; Fushkotoita kunne okaibe ku itak kusu ne:

Mattaios 13:17

Inambe gusu ne yakun, son no echi otta Ku ye, inne uweingara utara hene, inne oupeka utara ne yakka echi nukarabe nukan rusui a koroka, shomo nukara; echi nu ambe nu rusui a koroka, nu ka shomoki nisa ruwe ne.

Mattaios 13:35

tambe anak, Itak-maukushte-itak gusu ku paroho ku maka kusu ne, Moshiri heashi-i wano anuina wa an orushpe Ku ye kusu ne, sekoro uweingara guru ye itak auweomare kuni gusu an ap ne ruwe ne na.

Mattaios 20:7

Orota nei utara ene itak-hi :— Un nishuk guru isamma gusu ne, sekoro itak. Nei guru, echi utara ne yakka bat toi otta ahup yan, ani itak.

Apostoro ikip oma kambi 20:32

Orowa, tane, Kamui otta hene Shinuma korʼirenga gusu an itak otta hene echi iko-ande ash ne, nei arabe anak ne echi roshkire hemhem ki, obitta no okai aashkannere utara tumugeta echi eikeshkore eashkaibe ne ruwe ne.

Apostoro ikip oma kambi 9:20

Orowa, nani Uwekarapa chisei ta, Yesu anak ne Kamui Poho ne ari an ambe ani eupaskuma nisa ruwe ne.

Roma 11:25

Iriwak utara, ika yaikota gusu echi yaikowayashnure kuni gusu tan anuinap aerampeutek kuni ku kopan, Oya un aahupte utara aeramushinnere pakno Israeru un sereke utara ana kne aenishtere ruwe ne;

Roma 14:4

Moshima guru koro uitekbe koipishi aokai anak ne hunna? Nei gurʼanak ne yaikota kon nishpa gusu ash hene ki hachiri hene ki ruwe ne. Ruwe un, shinuma anak ne aashte kusu ne; Utarapa anak ne shinuma ashte kuni eashkai ruwe ne gusu ne na.

Roma 16:24

Tan machiya ashikkashimare Erastos newa koro iriwak Konartos echi uwekap na.

Roma 2:16

tusare hene ki ruwe ne; nei ambe Yesu Kiristo ani, ku koro pirika shongo an korachi, Kamui anak utara aenuinap koipishi toho ta an na.

I Korintos 1:23

koroka, chi utara anak ne utasa chikuni otta akungi-kokikkik Kiristo eupaskuma ash, tambe anak Yudea un utara gusu aureepetchiurep ne, orowa, Oya utara gusu aeramusambe ne ruwe ne;

I Korintos 2:7

koroka, anuina no an ambe ani Kamui wayashnu ambe chi ye, nei ambe anak ne anuina wa an, awa, chikoro nupeki gusu moshiri etoko wano aesanniyo okerep ne:

I Korintos 4:1

Chi utara anak ne Kiristo koro yaishieiwangere utara, Kamui anuinap ashikkashimare utara chi ne kunak ainu un esanniyo yan.

II Korintos 4:3

Koroka, chi ye pirika shongo akamure chiki, aisamka korʼan utara gusu akamure ruwe ne:

II Korintos 4:5

Inambe gusu ne yakun, chi utara anak ne yaieupas-kuma shomoki, koroka, Kiristo Yesu anak Utarapa ne korachi an orushpe eupaskuma ki, samata, Yesu korʼirenga gusu chi utara anak echi koro uitek utara chi ne sekorʼambe eupaskuma ruwe ne gusu ne na.

Garatea 2:2

Awa, ku oraan-i anak ne a en nukare gusu ku oman nisa ruwe ne; aige, Oya utara tumugeta ku eupaskuma pirika shongo nei utara otta ku nure, koroka, pase ne aesanniyo utara otta arorokishne no ku nure, ikineipeka tambe anak kuani raka sak no shomo hoyupu korʼan hene ki, raka sak no shomo hoyupu okere hene ki gusu ne na.

Epesos 1:9

Shinunra koro keutum ta an anuinap rengaine a un eramande;

Epesos 3:11

tane kando un kiroro newa mondum koro utara otta karisia ani Kamui inne no okai wayashnu ambe anure kuni gusu ne na;

Epesos 3:9

samata, obitta no okai ikiri wano nep ne yakka kara Kamui oshiketa mukke wa an asbikkashimarep obitta no okai utara otta nure kuni irenga a en koropare nisa ruwe ne;

Epesos 6:19

samata, ku paroho ku maka wa pirika shongo gusu an anuina ambe ku eupaskuma ehonnai shomoki no a en itakte kuni ne,

Korosai 2:2

tambe anak nei utara koro sarabe aomaoma kuni gusu an ap ne, aige, shinuma utara omap ambe ani aurukire hine eraman no an shomo utumashire an arabe gusu hetuku aeoteknup otta an kuni gusu ne; tambe anak nei utara.

Korosai 4:3

samaketa, un gusu ne yakka iki, Kiristo gusu an anuina ambe aye hine itak arabe ahun gusu, un orun Kamui apa maka kuni ne ki yan,

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

II Tessaronike 2:14

chikoro Utarapa ne Yesu Kiristo koro nupeki akore kuni ne, Shinuma anak ne chikoro pirika shongo ankushkerai tata otta echi nishuk nisa ruwe ne.

II Tessaronike 3:3

Koroka, Utarapa anak ne ikipniukeshbe ne hine echi roshkire hemhem ki, wenbe gusu echi koshiratki hemhem ki kusu ne na.

II Timoteos 1:9

Shinuma anak ne un kashiobiuki nisa, ashkanne nushuk ambe ani un tak, iki ikip nei no an korachi shomo ne, koroka, otusashuishiri an pakihi etokota Kiristo Yesu oshiketa okai wa un kore Shinuma yaikota koro keutura newa irenga an korachi nep;

II Timoteos 2:8

Ku iki shongo nei no an, Dabid sanikiri ne, rai-i orowa no hetopo-shiknu Yesu Kiristo eshkarun yan:

Titus 1:2

ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

Hebraios 7:25

Tambe gusu, Shinuma anak ne utara gusu koramkoro kuni ne ramma ishu shiriki, aine, Shinuma kari Kamui koehange no araki utara earikinne kaobiuki eashkai ruwe ne na.

I Petros 1:20

Shinuma anak ne moshiri asama aande etoko wano aeramu ambe ne, koroka, echi utara gusu pakihi okeseketa anukare nisa ruwe ne;

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

Ekambakbe 10:7

koroka, nei arawan ikinne an hauturumbe koro hawe an toho ta, shinuma rekte etokooiki an ita, koro uweingara utara ne usshiune guru orun eramande pirika shongo an korachi, Kamui koro mukkep aokere ruwe ne.