Roma 16:18 - Ashiri Aeuitaknup Iyohaichish Yona 1897

¹⁸ Inambe gusu ne yakun, nei utara anak ne Utarapa ne Kiristo otta yaishieiwangere shomoki no koro honihi eyaishieiwangere utara ne; orowa koro hauge-itak koro pirika-itak ani wen-buri sak utara koro sambe kokandama ruwe ne.

Roma 16:18 ပူးပေါင်းရင်းမြစ်များ

Iyohaichish 119:130

E koro itak sarare-i anak ne pekereka shiriki; Wayasap utara wayashnure ruwe ne.

Iyohaichish 12:2

Aun utara tura ohap uwepekere: Chiinrarakka patoi newa tu keutum o wa itak ruwe ne.

Iyohaichish 19:7

Ehoba tuitak anak ne oupeka wa ramat shiturire ambe ne; Ehoba koro ekambakbe tumashnu ne, ramu-sak guru wayashnure ambe ne ruwe ne.

Mattaios 24:11

Orowa, inne shunge uweingara utara hopuni wa poron no okai utara ru turainure kusu ne.

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Mattaios 6:24

Tu sapane guru orota yaishieiwangere eashkai guru isam: inambe gusu ne yakun, shinen kowen, shinen omap; shinen kopuri pirika, shinen kopuri wen nangoro; Echi okai utara Kamui newa ikoro newa tup ne kane orota yaishieiwangere eaikap ruwe ne.

Mattaios 7:15

Shunge uweingara utara yaitubare yan; nei utara hitsuji rush yaimire wa araki, koroka, keutum anak niwen horokeu korachi ne ruwe ne.

Yoannes 12:26

Nen ne yakka En gusu yaishieiwangere kuni ramu guru an yakun, En osh araki yan; Ku an ushiketa Ku goro uitek guru ne yakka nei ita an kusu ne; nen ne yakka En gusu yaishieiwangere guru an chiki, Ku Michi anak ne shinuma kooripak kusu ne na.

Roma 14:18

Aine, tap okaibe ani Kiristo otta yaishieiwangere guru anak ne Kamui nupetnerep ne, orowa, utara orowa no aeramuoshmap ne ruwe ne.

Roma 16:19

Echi iki itaknu ambe anak ne obitta no okai utara otta anu. Tambe gusu kuani echi enupetne ash na: koroka echi utara pirikap gusu wayashnu orowa wenbe gusu rotcha kuni ku kon rusui.

II Korintos 11:3

Koroka, ikineipeka nekon a ka, okokko irara wa Hefa kokandama korachi, echi koro keutum anak Kiristo epeka kuni gusu an sonep newa turu-sakbe gusu awende kuni ku ishitoma ruwe ne.

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

II Korintos 4:2

koroka, anuina wa okai gusu yainikoroshma kuni ambe chi emaka wa, irarabe gusu apkash shomoki, samata, Kamui itak shunge no eiwange shomoki ruwe ne; koroka, sonep nukare gusu Kamui tek-samata obitta no okai utara koro keutum otta yaikota yaiashte ruwe ne.

Garatea 1:10

Tane kuani anak ne utara onishnishi ruwe he an? Kamui onishnishi ruwe he an? Shui, utara nupetnere kuni ambe ku hunara ya? Tane poka utara nupetnere ku ki chiki, Kamui usshiune guru shomo ku ne ruwe ne na.

Piripoi 2:21

Obitta no okai utara anak yaikota korobe hunara, Yesu Kiristo korobe shomo hunara ruwe ne gusu ne na.

Piripoi 3:19

nei utara okere-i anak ne aisamka ambe ne, koro Kamui anak koro honihi ne, aeyainikoroshma kuni ambe iramye, nioshirʼotta okaibe esanniyo ruwe ne.

Korosai 2:4

Inan guru ne yakka iteki shisak itak ani echi kokandama kuni ne, tambe ku ye ruwe ne.

Korosai 3:24

Utarapa orowa aeikeshkorobe gusu an iwayehe akore kusu ne ambe eraman; aige, Utarapa ne Kiristo gusu echi yaishieiwangere na.

II Tessaronike 2:10

nei guru anak ne Satan iki-hi korachi, usa okai kiroro newa shiroshi newa shunge iyokonnurep, samata, aisamka kuni gusu an utara gusu usa okai kokandama arabe newa oupeka-sakbe koro wa ek ruwe ne.

I Timoteos 6:5

sonep sak wa oheuge upahunara hemhem patek iki guru ne ruwe ne.

Yakob 1:1

Kamui newa Utarapa ne Yesu Kiristo koro usshiune guru Yakob ku ne anak ne chiusachari wa okai tu ikashima wan ainu sanikiri un uirup otta irangarap ku ki na.

II Petros 2:3

Orowa, yaikoshipuinere ki wa shiwayashnure itak ani echi iraugetupa kusu ne; nei utara gusu an aesanniyop anak ne fushko wano tane poka tere shomoki, koro aisamka-i mokoro shomoki ruwe ne.

Youdas 1:1

Yesu Kiristo koro usshiune guru ne Yakob koro iriwak Youdas anak ne, ahotuyekara wa okai, Michi ne Kamui otta aomap, Yesu Kiristo gusu ashikkashima wa okai utara otta kambi omande na:

Youdas 1:12

Tan utara anak ne echi tura no marapto ki ita echi koro omap gusu an marapto oshiketa okai nuina no an watara ne, ishitoma shomo-ki yaiibere reshpa utara ne, rera pashte wakka sak nishkuru ne, ibe sak chukpa un chikuni, tu shui shumumge,

Youdas 1:16

Tan utara anak ne oromam ki utara ne, iyaishirikara utara ne, koro hoiyo keutum nei no eshipa ki (paroho an poro yaiomonnure itak ye) ani yaiepirikare gusu an utara panore ruwe ne.

Ekambakbe 1:1

Naa iruka ne koro hetuku kusu ne, koro usshiune utara orun nukare kuni gusu, Shinuma orota Kamui koropare Yesu Kiristo koro ekambakbe: orowa, shinuma anak ne koro hauturumbe teshkara hine koro usshiune guru Yoannes eramande;