Roma 16:17 - Ashiri Aeuitaknup Iyohaichish Yona 1897

¹⁷ Iriwak utara, echi aepakashnu epakashi echutko no, uwekoppa newa aepetchiure kunip hetukure utara eshishi kuni echi onishnishi ash na.

Roma 16:17 ပူးပေါင်းရင်းမြစ်များ

Mattaios 18:17

Orowa, nei paweteshu utara ye itak nu shomoki chiki, karisia otta ye; karisia ye itak ne yakka nu shomoki yak anak ne shinuma yaku-etaye guru hene oya guru hene korachi otta iki yan.

Mattaios 18:7

Epetchiure-i an gusu moshiri yaisambe-pokash humi; inambe gusu ne yakun, epetchiure-i anak ne ek gusu ne ap ruwe ne; koroka, gusu epetchiure ambe hetuku guru yaisambepokash ruwe ne.

Mattaios 7:15

Shunge uweingara utara yaitubare yan; nei utara hitsuji rush yaimire wa araki, koroka, keutum anak niwen horokeu korachi ne ruwe ne.

Roukos 17:1

Orowa, Shinuma anak ne koro koikara utara otta ene itak-hi :— Epetchiurep shomo ek katu anak ne aeaikapbe ne ruwe ne: koroka, nei ambe ekte guru anak ne aeyaisambepokash humi!

Apostoro ikip oma kambi 15:24

un orowa no paye an utara anak ne itak ani echi chiukopoyere hine echi kon ramat utumashire nisa ruwe ne sekoro chi nu ruwe ne gusu; nei utara anak ne un orowa no shomo akashpaotte ruwe ne na;

I Korintos 11:18

Hoshiki no, karisia otta echi uwekarapa ita, echi tumugeta eukopi an sekoro ku nu: orowa, kuani pon no nei ambe ku eishokon ruwe ne.

I Korintos 3:3

tane poka ne yakka echi uk eaikap ruwe ne; inambe gusu ne yakun, echi utara tane ne yakka kam oma utara echi ne: echi tumugeta eyaitunnap newa upaore ambe an chiki, kam echi oma wa ainu utara korachi shomo echi apkash ruwe he an?

Garatea 2:4

nei ambe anak nuina no aahupte shunge iriwak utara gusu an ambe ne; nei utara un usshiune utara ne akara kuni ne, Kiristo Yesu otta chikoro rengaine an nrondum nukara kuni gusu arorokishne no ahup nisa ruwe ne:

Piripoi 3:17

Iriwak utara, en tura eikoisamba utara ne wa, chi utara ani aikoikarabe ne kara hine apkash utara esanniyo yan.

Korosai 2:8

Kiristo gusu shomo ne, koroka, utara koro oina gusu hene, moshiri gusu an isaika epakashi gusu hene, koro aeramasure eramushbe newa oira kokandama itak ani iteki echi shiren guru an kuni yaitubare yan:

II Tessaronike 3:6

Orowa, iriwak utara, un orowa no akoropare oina korachi shomoki wa uottumashi apkash pishno okai iriwak wano yai-shishire kuni, chikoro Utarapa ne Yesu Kiristo kon reihei ankushkerai echi kashpaotte ash na.

I Timoteos 1:3

Etokota Makedonia moshirʼotta ku arapa ita eani anak ne Epesos kotan ta riya hine, okai an utara anak ne moshima an epakashi iteki epakashnu, samata, eishokor-i oma Kamui orowa no ashikkashimare ambe shomo ne no an,

II Timoteos 3:5

koetaraka iki, pakesara, Kamui koomap kasu no yainupetnere ambe koomap utara ne; Kamui koori-pak noine an katuhu koro, koroka, nei kiroro eshikashke:

Titus 3:10

Kamui orushpe ohoge yainu gurʼanak ne ara-shui tu-shui epakashnu okake eshishi yan;

I Yoannes 2:19

Nei utara anak ne un orowa no soyumba, koroka un tura no okai utara shomo ne; inambe gusu ne yakun, nei utara anak ne un tura no okai utara ne ruwe ne a chiki, un tura no ramma okai kusu ne gusu ne na: koroka, nei utara un tura no okai utara shomo ne sekoro aeraman kuni gusu an okaibe ne ruwe ne na.

Youdas 1:19

gusu ye nisa ruwe ne. Nei utara anak ne uwekopi ki utara ne, Ramat koro shomoki no rengaine an keutum koro utara ne ruwe ne.