Roma 15:5 - Ashiri Aeuitaknup Iyohaichish Yona 1897

⁵ Echi utara anak ne shine ikinne shine paroho ani chikoro Utarapa ne Yesu Kiristo koro Michi ne Kamui koiramye kuni ne, yaiyupupu ambe newa omaoma ambe koro Kamui anak,

Roma 15:5 ပူးပေါင်းရင်းမြစ်များ

Iyohaichish 86:5

Aa Utarapa, Aokai anak ne pirika wa honnere rusui, Samata, E orun konishuk obitta no okai utara otta nuye an no rampoken sange Kamui E ne ruwe ne gusu ne na.

Apostoro ikip oma kambi 4:32

Orowa, eishokoro wa okai nei inne utara anak ne shine sambe shine keutura koro; aige, nen ne yakka koro wa an okaibe anak ne yaikota korobe ne ari shomo itak ruwe ne, koroka nep nep ne yakka utura ouse no kon nisa ruwe ne na.

Roma 12:16

Uweutashpa chishineramkore yan. Iteki ri okaibe yainu yan, koroka, ra un okaibe ani yaiaturare yan.

Roma 15:13

Echi utara Ashkanne Ramat kiroro ani poron no echi chipachipa kuni ne echi eishokoro wa chipachipa ambe sange Kamui anak ne itomo irenga newa nupetne irenga ani echi shiktere kuni akoramkon na.

Roma 15:3

Inambe gusu ne yakun, Kiristo ne yakka yaikota yainupetnere shomoki nisa; koroka, anuye wa an korachi :— E kosakayokara utara ki sakayo en kashita aare nisa ruwe ne.

I Korintos 1:10

Iriwak utara, echi utara obitta shine itak sange, aige, echi tumugeta utumkush keutum isam kuni ne, chikoro Utarapa ne Yesu Kiristo kon reihei ankushkeraipo echi onishnishi ash ruwe ne; koroka, echi utara shine keutum koro, aige, shine esanniyop ki hine ukoiram no aeramushinnere gusu aki na.

II Korintos 13:11

Orowa, ku iriwak utara, sarampa. Aeramushinne no okai yan, aomaoma no okai yan; shine keutum koro yan; itomo an no okai yan; aine, omap ambe newa itomo koro Kamui echi tura no an kusu ne.

II Korintos 7:6

Yakka, yaieoripakka utara omaoma Kamui anak ne, Titus ek-hi ani un omaoma ruwe ne;

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Piripoi 2:2

shine omap ambe kishima, Shine keutum koro, shineatki no ramuoshma wa en nupetnere wa en eramushinnere yan;

Piripoi 3:16

ouse pakno shirepa ash okere-hi gusu nei no korachi apkash ashro.

Piripoi 4:2

Utarapa otta shine keutum koro kuni ne Euodia ku onishnishi, Sintike ne yakka ku onishnishi ruwe ne.

I Petros 3:20

nei ramat anak ne fushkotoita, Noa okai wa shinuma kara chip aetokooiki wa an Kamui ramushiporore ki wa untere rapoketa itakkashi utara ne; nei chip otta moyo utara, tupesan niu ne utara wakka gusu kashiaobiuki nisa ruwe ne na;

I Petros 3:8

Orosama okeseketa, echi utara obitta keutum shineatkire, utashpa uwerampokiwen wa kore, uiriwak korachi omap ki, uweiyeramuhauge an keutum koro,

II Petros 3:15

Orowa, chikoro Utarapa ramu-shiporore-hi anak ne kashiobiuki ambe ne sekoro esanniyo yan; chikoro omap an iriwak ne Pauros ne yakka orota akore wayashnu-i korachi echi gusu nuye nei no ki yan; Shinuma anak ne obitta nuye kambi kata poka tap okaibe gusu ye na;

II Petros 3:9

Okai utara esanniyo korachi Utarapa anak ne koro eitakamkire gusu moire shomo ne; koroka, nen ne yakka aisamka kuni ambe Shinuma konoburu shomoki no, utara obitta yaikokatpak kuni ambe konoburu wa, echi utara gusu ramushiporore ruwe ne na.