Roma 15:31 - Ashiri Aeuitaknup Iyohaichish Yona 1897

³¹ Kamui irenga ankushkeraipo nupetne no echi otta ku ek wa echi tura no shini kuni hene gusu,

Roma 15:31 ပူးပေါင်းရင်းမြစ်များ

Apostoro ikip oma kambi 22:24

nei tumi-koro utara ikiri esapane guru anak ne shinuma chashi otta ahunde kuni ne kashpaotte nisa ruwe ne; samata, hemanda gusu nei utara anak ne shinuma orun hawe ashte ruwe he an eraman kuni ne, akoshirikik wa koipishi kuni ye nisa ruwe ne.

Apostoro ikip oma kambi 25:2

Awa, Kamui kora kenru esapane iyotta pase utara anak ne Yudea un pase utara tura shinuma otta Pauros gusu an orushpe ye nisa ruwe ne:

Apostoro ikip oma kambi 25:24

Orowa, Festos ene itak-hi :— Moshiri shikkashima Agrippas, samata, tane un tura no okai ainu utara uwesamamba, Yerusarem kotan ta ne yakka tan kotan ta ne yakka uwatte no an Yudea un utara en otta eiyonnuppa wa naa shiknu kuni an guru shomo ne, sekoro gusu ari an itak ani ye tan ainu echi ingara korʼan.

Apostoro ikip oma kambi 9:13

Koroka, Ananias ene ese-hi :— Utarapa, inne utara orowa no tan guru gusu an orushpe ku nu, awa, shinuma Yerusarem kotan otta E koro ashkanne utara wen no kara ambe ku nu okere:

Apostoro ikip oma kambi 9:15

Koroka, orota Utarapa ene itak-hi :— E oman yan, shinuma anak ne oya-moshirʼun utara tek-samata hene, moshiri shikkashima utara tek-samata hene, Israeru un utara tek-samata hene, Ku reihei ani kuni anumge wa an ap ne ruwe ne gusu ne na:

Roma 15:25

— koroka tane, Ashkanne utara gusu yaishieiwangere kuni ne Yerusarem orun ku arapa ruwe ne.

I Korintos 16:15

Iriwak utara, (Stepanas chisei un utara anak ne Akaya moshiri un aro-ibehe ne, orosama, nei utara anak ne ashkanne utara gusu yaishieiwangere kuni gusu yaiatte nisa ruwe ne sekorʼambe echi eraman,)

II Korintos 1:10

Shinuma anak ne ene poro rai ambe orowa no un ohaitare nisa, shui ohaitare kusu ne na: Shinuma naa un kaobiuki kuni ne, gusu chi utara echipachipa shiriki okai ash;

II Korintos 8:4

kurukashike tap irenga gusu hemhem, utura ashkanne utara otta yaishieiwangere kuni gusu hemhem poron no un koramkon nisa ruwe ne:

II Korintos 9:1

Ashkanne utara otta yaishieiwangere ambe gusu ku nuye katu anak ne echi utara gusu ikashima an ambe ne ruwe ne:

II Korintos 9:13

nei utara anak ne tap an aeyaishieiwangere-hi uwande ankushkerai, Kiristo koro Pirika shongo gusu an eyaipushi-hi ekoitaknu ambe gusu hemhem, nei utara otta ne yakka obitta no okai utara otta ne yakka nuye an no tura no echi ikichi gusu hemhem Kamui koiramye shiriki okai an ruwe ne;

I Tessaronike 2:15

nei utara anak ne Utarapa ne Yesu newa uweingara utara ronnu, orowa, un okeuba hemhem ki, shomo Kamui nupetnere hemhem ki, obitta no okai utara epokba hemhem ki;

II Tessaronike 3:2

un gusu inonno-itak ki wa un kore; samata, sambe oheuge newa wen utara orowa no chi utara aouhaitare kuni ne inonno-itak yan; obitta no okai utara anak eisbokor-i atte shomoki ruwe ne gusu ne na.

II Timoteos 3:11

ku omap ambe, ku yaiyupupu ambe, a en epokba ambe, aeyairamshitnere ambe e ikoisamba nisa ruwe ne; Antiok kotan ta, Ikoniom kotan ta, Rustra kotan ta en gusu nep okaibe hetuku ya; nep aepokba ambe ku eyaishiporore ya: aige, obitta nei okaibe orowa no Utarapa en ohaitare nisa ruwe ne.

II Timoteos 4:17

Koroka, Utarapa anak ne en samaketa an, awa, en tumashnure nisa ruwe ne; tambe anak ku ankushkerai nei orushpe naa irammakaka aashte kuni, samata, obitta no okai Oya un utara inu kuni ne aki na: orowa nei shishi paro wa a en ohaitare nisa ruwe ne na.