Roma 15:3 - Ashiri Aeuitaknup Iyohaichish Yona 1897

³ Inambe gusu ne yakun, Kiristo ne yakka yaikota yainupetnere shomoki nisa; koroka, anuye wa an korachi :— E kosakayokara utara ki sakayo en kashita aare nisa ruwe ne.

Roma 15:3 ပူးပေါင်းရင်းမြစ်များ

Iyohaichish 69:20

Aesapse ambe anak ne ku keutum iuninka, ok ani ku eshik ruwe ne, En chishikiraine kuni guru ku hunara, koroka, isam ruwe ne; En omaoma kuni utara ku hunara, koroka, ku nukara shomoki nisa ruwe ne.

Iyohaichish 69:9

E kora kenru gusu an keutum-opopmau ambe anak ne en ibe nisa; Orowa, en esapse utara ki esapse ambe anak ne en kashi aomare nisa ruwe ne gusu ne na.

Mattaios 10:25

Koikara guru anak ne koro epakashnu guru nei no an, ausshiunere guru kon nishpa nei no an ambe anak ne pakno ne ruwe ne: chisei kon nishpa Beeruzeboru ani reikore yakun, kasu no nei chisei un utara ne yakka shomoki kusu ne ya?

Mattaios 26:39

Orowa, Shinuma pon no hoshiki no oman wa nanuhu koshirikata pakno hachiri wa inonno-itak hine ene itak-hi :— Aa Ku Michi, aeashkaibe ne yak anak ne, tan itangi En orowa no shimaka aoraye kuni ne ki wa En kore: koroka, Ku rengai ne korachi shomo ne, E rengai ne korachi ki wa En kore, ari itak.

Mattaios 26:42

Shui, Shinuma kanna oman, aige, inonno-itak hine ene itak-hi :— Aa Ku Michi, tambe Ku iku shomoki chiki shi maka aoraye eaikap yakun E korʼirenga aki kusu ne, ari itak.

Mattaios 27:44

Orowa, tura no utasa chikuni otta akungi kokikkik ikka guru ne yakka ukorachi eoyaitak nisa ruwe ne na.

Yoannes 15:10

Ku omap ambe oshiketa echi okai yan. Echi utara Ku ki ikashpaotte shikkashima chiki, Ku omap ambe oshiketa echi okai kusu ne; Kuani anak Ku Michi ki ikashpaotte Ku shikkashima wa Shinuma omap ambe oshiketa Ku an korachi ne ruwe ne.

Yoannes 15:24

Moshima guru kara shomoki ikip nei utara tumugeta Ku kara shomoki yak anak ne, katpak ki a shomoki: koroka, nei utara tane Kuani hemhem, Ku Michi hemhem un nukara hemhem ki, etunne hemhem ki nisa ruwe ne na.

Yoannes 4:34

Orota Yesu ene itak-hi :— Ku aep anak ne En omande guru koro irenga hemhem ki, Shinuma moni kara okere hemhem ki ambe ne ruwe ne.

Yoannes 5:30

Kuani anak ne yaikota nep ne yakka ki eaikap: Ku nu korachi ku koipishi ruwe ne: Ku koipishi-i anak ne oupeka ambe ne ruwe ne; Kuani yaikota koro irenga hunara shomoki, En omandep koro irenga Ku hunara ruwe ne gusu ne na.

Yoannes 6:38

Kuani anak ne yaikota korʼirenga Ku ki gusu kando wano Ku ran shomoki, En omandep korʼirenga ki kuni gusu Ku ek nisa ruwe ne gusu ne na.

Yoannes 8:29

Orowa, En omandep anak ne En tura no an; Shinuma En yaiande shomoki; hembara ne yakka Shinuma nupetnerep Ku ki gusu ne na, ari itak.

II Korintos 8:9

Chikoro Utarapa ne Yesu Kiristo koro irenga echi eraman ruwe ne gusu ne na; Shinuma anak ne oteknu ruwe ne a yakka, echi utara gusu oteksakbe ne akara, tambe anak ne Shinuma ki oteksak-hi ankushkeraipo echi utara aeoteknure kuni gusu ne na.

Piripoi 2:5

Kiristo Yesu koro keutum ta tap esanniyo korachi echi utara ne yakka esanniyo yan;

Piripoi 2:8

orowa, koro katuhu anak ne ainu nei no an ap anukarape ne gusu, Shinuma yaieoripakka wa rai pakno itaknu ki, ruwe un, utasa chikuni otta araige pakno itaknu ki nisa ruwe ne na.