Roma 15:26 - Ashiri Aeuitaknup Iyohaichish Yona 1897

²⁶ Inambe gusu ne yakun, Makedonia newa Akaya un utara anak ne pirika irenga sange wa, Yerusarem kotan ta an ashkanne utara tumta okai otek-sak utara gusu eurep koropare kuni kan nisa,

Roma 15:26 ပူးပေါင်းရင်းမြစ်များ

Mattaios 25:40

Moshiri Shikkashima guru nei utara otta ese wa ene itak kusu ne-hi :— Son no echi otta Ku ye, tan Ku iriwak ne utara tumuge un shinen otta, iyotta ponbe poka echi ki nisa ruwe ne gusu, En otta aki nisa ruwe ne na.

Mattaios 26:11

Irapokkari utara anak ne ramma-kane echi tura no okai, koroka, Kuani anak ramina pakno shomo echi tura no an ruwe ne.

Roukos 14:13

Koroka, marapto e kara chiki, otek-sak utara hemhem, hera utara hemhem, yaiewen utara hemhem, shiknak utara hemhem hotuyepakara yan;

Roukos 6:20

Orowa, Shinuma anak ne koro koikara utara orun ingara wa orota ene itak-hi :— Otek sak utara, echi utara, anunuke echi ne, Kamui moshiri echi korobe ne ruwe ne gusu ne na.

Apostoro ikip oma kambi 16:12

nei arabe anak Makedonia moshiri ta an machiya ne, nei kotan un atpake an ushi ne, aatupte utara korobe ne ruwe ne: aige, an toho uturu nei machiya ta riya ash nisa ruwe ne na.

Apostoro ikip oma kambi 16:9

Orowa, an noshketa Pauros otta anukarape an; Makedonia moshirʼun guru slrinen ash hine orun koramkoro shiriki an wa un kaobiuki wa un kore, ari an itak ani itak nisa.

Apostoro ikip oma kambi 18:12

Orowa, Gario anak ne Akaia kotan epungine wa an rapoketa, Yudea un utara shine-ikinne Pauros kopiuki gusu hopumba, aige, koipishi set kotchake un shinuma tura wa ene itak-hi :—

Apostoro ikip oma kambi 19:21

Tap okai orushpe aokere chiki, Pauros anak ne Makedonia newa Akaia kotan ta kush okere yakun, Yerusarem kotan ta oman kuni keutum oshitchiu nisa ruwe ne, aige, nei kotan akush okaketa Roma kotan ne yakka tu nukara kusu ne ap, ari itak.

Apostoro ikip oma kambi 9:13

Koroka, Ananias ene ese-hi :— Utarapa, inne utara orowa no tan guru gusu an orushpe ku nu, awa, shinuma Yerusarem kotan otta E koro ashkanne utara wen no kara ambe ku nu okere:

I Korintos 16:15

Iriwak utara, (Stepanas chisei un utara anak ne Akaya moshiri un aro-ibehe ne, orosama, nei utara anak ne ashkanne utara gusu yaishieiwangere kuni gusu yaiatte nisa ruwe ne sekorʼambe echi eraman,)

I Korintos 16:5

Koroka, Makedonia moshiri akush okere chiki echi orota ku ek kushki;

II Korintos 1:16

aige, echi koro kotan akush chiki Makedonia moshiri ta arapa, orowa shui, Makedonia wano arapa yakun echi orun ek hine Yudea moshiri orun oman gusu a en payekaire kuni gusu ne na.

II Korintos 11:9

orowa, echi tura no ku an wa eishiramnep an ita anak ne, inan guru ne yakka shomo ku iramu-ikurukurure nisa; iriwak utara Makedonia kotan orowa no araki ita ku eishiramnep eramushinnere nisa ruwe ne gusu ne na; orowa, nep ne yakka gusu iteki echi iramu-ikurukuru kuni ne ku yaishikkashima nisa ruwe ne; shui nei no ku an kuni ku yaishikkashima kusu ne na.

II Korintos 2:13

ku iriwak ne Titus shomo anukara gusu ku ramat shiturire eaikap nisa ruwe ne: aige, uwetut-kopak wa Makedonia moshiri orun ku oman nisa ruwe ne.

II Korintos 7:5

Inambe gusu ne yakun, chi utara anak ne Makedonia orota araki wa okai yakka chikoro kam gusu shini ushike isam a koroka nei i wa ne yakka eramchuptekka ambe an; soigeta ukoiki an, onnaigeta ishitomap an ruwe ne gusu ne na.

II Korintos 9:12

Inambe gusu ne yakun, tap an moni gusu yaishieiwangere ambe anak ne ashkanne utara eishiramne-i umomare patek shomo ne, koroka, Kamui otta inne no okai koyaiiraige ambe hetukure poka ki ruwe ne:

II Korintos 9:2

inambe gusu ne yakun, echi ki rusui kat ku eraman, aige, echi utara gusu Makedonia kotan un utara otta ku yaiomonnure ki, awa, Akaya kotan anak shine pa etoko wano etokooiki pakno ne; samata, echi koro seisek no iki keutum anak ne nei utara tumta okai inne utara paraparasere nisa ruwe ne gusu ne na.

II Korintos 9:4

ikineipeka nekon a, Makedonia moshiri wano en tura no araki utara oka wa, shomo echi etokooiki an ambe anukara chiki, chi utara anak ne (echi utara, shomo chi ye na) tap an ikkewe gusu shomo aeyainikoroshmare kuni ruwe ne.

Piripoi 4:15

Orowa, Piripoi un echi utara, pirika shongo eatpakeheta, kuani Makedonia kotan orowa no ku hopumba ita anak ne, echi utara moshima, kore hene ki akore hene ki orushpe gusu, en tura no ki karisia isam, sekoro, echi utara yaikota echi eraman;

I Tessaronike 1:7

Makedonia newa Akaya kotan ta obitta no okai eishokoro utara gusu aikoikarabe echi ne pakno ne ruwe ne.

I Tessaronike 1:8

Inambe gusu ne yakun, Utarapa koro itak echi orowa no assuru-aashte okere, ouse Makedonia newa Akaya otta patek shomo ne, koroka, inan ushiketa ne yakka Kamui epeka no an echi koro eishokor-i anak ne assuru an na; tambe gusu nepka chi ye shomoki yakka aeraman ruwe ne.

I Tessaronike 4:10

son no poka Makedonia moshiri ta obitta no okai iriwak epeka echi iki shiriki okai ruwe ne na. Koroka, iriwak utara, naa naa echi nuye an no okai kuni ne echi onishinishi ash;

I Timoteos 1:3

Etokota Makedonia moshirʼotta ku arapa ita eani anak ne Epesos kotan ta riya hine, okai an utara anak ne moshima an epakashi iteki epakashnu, samata, eishokor-i oma Kamui orowa no ashikkashimare ambe shomo ne no an,

Pirimon 1:5

Utarapa ne Yesu epeka e atte eishokor-i gusu ne yakka, orowa, ashkanne utara epeka e iki ambe gusu ne yakka ku nu ruwe ne;