Roma 15:16 - Ashiri Aeuitaknup Iyohaichish Yona 1897

¹⁶ Kamui orowa no a en kore irenga gusu, kuani Oya un utara gusu an Kiristo Yesu koro yaishieiwangere guru ku ne; nei ambe anak ne Oya un utara ayange-hi Ashkanne Ramat ani Aashkannere wa Kamui nupetnerep ne kuni ne Kamui pirika shongo gusu ku yaishieiwangere ruwe ne na.

Roma 15:16 ပူးပေါင်းရင်းမြစ်များ

Apostoro ikip oma kambi 13:2

Awa, nei utara Utarapa otta yaishieiwangere wa shomo ramnu ki rapoketa, Ashkanne Ramat ene itak-hi :— Gusu Ku hotuyekara wa tak moni otta Barnabas newa Sauros shinnai no ande yan, ari itak.

Apostoro ikip oma kambi 20:24

Koroka, ku inotu anak ne en gusu aoshkorobe ne sekoro ku esanniyo shomoki, aine, ku iki kuni ushike ku okere hemhem ki, Kamui irenga gusu an pirika shongo epaweteshu kuni ari an Utarapa ne Yesu orowa no a en kore yaishieiwangere-hi hemhem ku ki kuni an ap ne ruwe ne.

Apostoro ikip oma kambi 20:32

Orowa, tane, Kamui otta hene Shinuma korʼirenga gusu an itak otta hene echi iko-ande ash ne, nei arabe anak ne echi roshkire hemhem ki, obitta no okai aashkannere utara tumugeta echi eikeshkore eashkaibe ne ruwe ne.

Apostoro ikip oma kambi 22:21

En otta Shinuma ene itak-hi :— E oman: tewa no ehangeko no an Oya utara orun e arapare ash kusu ne na.

Apostoro ikip oma kambi 9:15

Koroka, orota Utarapa ene itak-hi :— E oman yan, shinuma anak ne oya-moshirʼun utara tek-samata hene, moshiri shikkashima utara tek-samata hene, Israeru un utara tek-samata hene, Ku reihei ani kuni anumge wa an ap ne ruwe ne gusu ne na:

Roma 1:1

Apostoro ne kuni gusu anishuk, Kamui pirika shongo gusu shinnai no aande, Yesu Kiristo koro usshuine guru ne Pauros:

Roma 11:13

Koroka, Oya un echi utara otta ku itak. Kuani anak ne Oya un utara gusu an Apostoro ku ne a gusu, otta aeyaishieiwangere-hi ku pasere ruwe ne:

Roma 15:18

Kuani anak ne, itak otta, ikip otta, shirosh newa iyokunnurep kiroro ani,

Roma 15:19

Ashkanne Ramat kiroro ani, Oya un utara aitaknure kuni gusu Kiristo en kari ikichi ambe moshima ku ye niukesh ruwe ne; Yerusarem wano shikapneka no Iririkom orun pakno poka, uweoman no Kiristo koro pirika orushpe eupaskuma ku ki nisa ruwe ne;

Roma 15:20

ruwe un, moshima guru aande asamaha kata shomo ku iki kuni ne, otta Kiristo orushpe naa shomo anure ushiketa, nei pirika shongo eupaskuma kuni otupekari ku ki nisa ruwe ne;

Roma 15:29

Orowa, echi orun ku ek chiki, Kiristo shinnunuke ambe ani aeshik wa ek kusu ne sekoro ku eraman.

Roma 5:5

inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

I Korintos 3:5

Yakun, Aporros anak ne nep ta? Pauros nep ta ruwe he an? Ankushkerai echi eishokoro yaishieiwangere utara ne ruwe ne; pishno pishno Utarapa shinuma kore korachi ne ruwe ne na.

I Korintos 4:1

Chi utara anak ne Kiristo koro yaishieiwangere utara, Kamui anuinap ashikkashimare utara chi ne kunak ainu un esanniyo yan.

I Korintos 6:19

Orosama, echi kon netobake anak ne Kamui orowa no akore echi onnaigeta an Ashkanne Ramat kora kenru ne ari an ambe echi erampeutek ruwe he an? Aige, echi utara anak ne yaikota yaikorobe shomo ne;

II Korintos 11:23

Abraham sanikiri ne ya? Kuani ne yakka ene ani ne. Kiristo otta yaishieiwangere utara ne ya? (ramu-isam guru korachi ku ye) Kuani naa kasu no ne ruwe ne: nei utara kasu no poron no ku iki; nei utara kasu no poron no upakashnu chisei ta ku an; poron no a en shirikik mashkin, kanna-kanna rai otta ku an ruwe ne na.

II Korintos 5:20

Tambe gusu, chi utara anak ne Kiristo gusu ateshkara utara chi ne, Kamui chi utara ani onishnishi shiriki korachi nep.

II Korintos 8:5

aine, nei no iki wa chi utara chipachipa ash korachi shomo ne, koroka, hoshike no yaikota Utarapa otta yaikoropare, orowa no Kamui irenga gusu un otta yaikoropare nisa ruwe ne na.

Garatea 3:5

Tambe gusu, echi orun Ramat kore, samata, echi tumta kiroro ikip iki Kamui anak ne tuitak ikip gusu nei ambe ki ya? eishokoro an shongo gusu Shinuma nei ambe ki ruwe he an?

Epesos 2:18

inambe gusu ne yakun, Shinuma gusu tup ne okai chi utara anak ne shine Ramat otta Michi orun ehange no arakire nisa ruwe ne gusu ne na.

Epesos 2:22

shukup ruwe ne; Shinuma otta echi utara ne yakka Ramat ani Kamui gusu an oshiroma-i echi kara an na.

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Piripoi 2:17

Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

Piripoi 4:18

Koroka, nep ne yakka ku koro wa nuye an no ku an; Epaproditos koro wa ek echi orowa no okai shisak hura pirikap, uk kuni ayangep, Kamui nupetnere okaibe, ku uk okere gusu kuani kironnu wa an ruwe ne.

I Tessaronike 2:2

echi onnere korachi, etokota piripoi kotan ta aeramushitnere wa a un ko shomo yaikatanu okere chiki, chi utara anak ne Kamui gusu yai-rametok koro hine shi no yairamkoiki wa Kamui pirika Shongo echi orun ye nisa ruwe ne.

I Tessaronike 2:9

Inambe gusu ne yakun, iriwak utara, chi ki monraige ambe newa nuwap ambe echi eshkarun: inan guru ne yakka shomo iramukurukuru kuni ne, tokap to ta hene kunne to ta hene monraige ki, aine, Kamui pirika shongo

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

I Timoteos 1:11

tambe anak en shikkashimare shinnunuke an Kamui arakuru gusu an pirika shongo nei no an ap ne ruwe ne na.

I Timoteos 2:7

nei ambe assuru ashte guru newa Apostoro ne kuni gusu a en atte okere (sonep ku ye, ku shunge shomoki,) eishokor-i newa sonep Oya un utara epakashnu gusu a en atte an na.

II Timoteos 1:11

nei ambe gusu eupaskuma ki guru, Apostoro ne guru, epakashnu guru ne kuni akara ainu ku ne ruwe ne.

Hebraios 13:16

Pirikap hene ki, tura hene iki ambe iteki oira yan: nei no okai ayange kunip Kamui shiri enupetne ruwe ne gusu ne na.

I Petros 1:12

Kando orowa no aette Ashkanne Ramat ani echi orota pirika shongo eupaskuma ki utara ankushkerai echi anure tan okaibe yaikota gusu ki shomoki no, echi utara gusu ki ruwe ne ambe nei utara aeramande nisa ruwe ne na; Kamui hauturumbe nei okaibe esanniyo rusui nisa ruwe ne na.

I Petros 2:5

echi utara ne yakka shiknu shuma ne korachi, Yesu Kiristo ani Kamui nupetnere ramat oma yangep yange kuni ne, Kamui otta yaishieiwangere ashkanne utara echi ne kuni gusu, ramat oma chisei ne echi kara an na.