Roma 15:14 - Ashiri Aeuitaknup Iyohaichish Yona 1897

¹⁴ Orowa, ku iriwak utara, echi utara yaikota pirikap ani aeshik, obitta no okai eramushbe ani aeshik, aine, utashpa uepakashnu eashkai kuni ku eishokon ruwe ne na.

Roma 15:14 ပူးပေါင်းရင်းမြစ်များ

I Korintos 1:5

tambe nep ne yakka otta Shinuma gusu echi aoteknure; nep itak otta ne yakka, nep eraman-i otta ne yakka ne:

I Korintos 12:8

Inambe gusu ne yakun, Shinen otta wayashnu itak Ramat ani akore; moshima guru otta une no an Ramat orowa eramush itak akoropare:

I Korintos 13:2

Orowa, uweingara ku ki, nep ne yakka okai mukkep newa aeramu kuni ambe ku eraman yakka; shui, nupuri moimoyegere pakno an obitta no okai eishokor-i ku goro yakka, omap ambe ku sak chiki, raka isambe ku ne ruwe ne.

I Korintos 8:1

Tane potoki otta ayangep gusu, chi utara obitta eramush ruwe ne ari chi eraman.

I Korintos 8:10

Inambe gusu ne yakun, eramushbe e koro wa potoki chisei ta a hine ibe korʼan ambe nenka nukara guru an chiki, shinuma katchakbe ne yakun, koro keutum arametokte wa potoki otta ayange ambe ibe shomoki kusu ne ruwe he an?

I Korintos 8:7

Yakka obitta no okai utara otta nei no an eramush-i isam: koroka, arage okai utara anak ne tane pakno potoki koro gusu, potoki otta ayange ambe nei no ibe; aige, koro keutum katchakbe ne gusu turu-aushte ruwe ne.

II Korintos 8:7

Koroka, eishokor-i gusu hemhem, itak gusu hemhem, eramushbe gusu hemhem, yuptek no iki ambe gusu hemhem, un omap kuni ambe gusu hemhem, orowa nep ne yakka gusu hemhem echi nuye an no okai ruwe ne korachi, tambe nei no tan irenga gusu ne yakka nuye an no okai kuni ki wa en kore.

Epesos 5:9

pekere poho korachi apkash yan (pekere hetukup anak ne pirikap otta hene, oupekap otta hene, sonep otta hene an ambe ne ruwe ne gusu ne),

Piripoi 1:11

samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.

Piripoi 1:7

tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

Korosai 3:16

orowa, yaiiraige an no okai yan. Shi no wayashnu no nuye an no Kiristo korʼitak echi oshiketa oshironmre yan; iyobaichish ani hene, shinotcha ani hene, ramat oma yairap ani hene echi koro keutura ta irenga koro wa Kamui otta shinotcha ki wa utashpa uwe-epakashnu hemhem ki, uwe-onishnishi hemhem ki yan.

I Tessaronike 5:11

Tambe gusu, echi iki shiri poka korachi utashpa uweomaoma hemhem ki utashpa uweashte hemhem ki yan.

I Tessaronike 5:14

Orowa, iriwak utara, uottumashi utara pakashnu, keutum katchak utara omaoma, turasak utara nitata orowa obitta no okai utara epeka ramu-shiporore kuni echi onishnishi ash ruwe ne.

II Tessaronike 1:11

Chikoro Kamui anak ne gusu echi anishuk ambe epeka oupak no an utara echi ne hunak sanniyo hine kiroro ani obitta no okai pirikap kon-rusuibe newa eishokor-i iki ikip uweomare kuni ne, ramma-kane echi utara gusu chi utara ne yakka inonno-itak ash ruwe ne;

II Timoteos 1:5

orowa, e onnaigeta an kankapkapeka sak eishokor-i a en eshkarunde an; hoshiki no nei ambe anak ne e koro huchi Rois newa e koro habo Euneike oshiketa an; orowa, e onnaigeta ne yakka an sekoro ku eishokon ruwe ne.

Pirimon 1:21

Aokai anak ne itaknu ki kuni ku eishokoro gusu e orun kambi ku nuye ruwe ne, ku ye-hi kasu no poka e ki kusu ne sekoro ku eraman ruwe ne na.

Hebraios 5:12

Inambe gusu ne yakun, pakihi gusu echi utara anak ne moshima utara epakashnu kuni gusu an utara echi ne kunip ne, awa, Kamui orushpe gusu an iyotta atpake an ap koro isaika ambe aepakashnu wa eyaihannokkara kuni utara echi ne; aige, nishte aep shomo ne no an tope eishiramne utara echi ne okere ruwe ne.

Hebraios 6:9

Koroka, aeomap utara, tambe nei no chi itak a yakka, echi utara gusu an okaibe newa kashichiobiuki-hi kopaketa an okaibe gusu naa pirika chi esanniyo ash ruwe ne:

II Petros 1:12

Tambe gusu, tap okaibe echi eraman, samata, echi tura an sonep orota echi roshki wa okai yakka, tap okaibe echi eshkarunde kuni ne ramma-kane ku etoko-oiki wa an ruwe ne kusu ne na.

I Yoannes 2:21

Echi utara son no ambe shomo eraman gusu ku nuye shomoki,, koroka, son no ambe echi eraman, samata, son no ambe orowa no hetuku shungep isam ruwe ne gusu ku nuye na.