Roma 14:9 - Ashiri Aeuitaknup Iyohaichish Yona 1897

⁹ Tap an ikkewehe gusu Kiristo rai wa shiknu ruwe ne, rai guru hene shiknu guru hene enishpane kuni gusu ne na.

Roma 14:9 ပူးပေါင်းရင်းမြစ်များ

Mattaios 28:18

Orowa, Yesu nei utara otta ek wa itak sange hawe ene ani :— Moshiri kata ne yakka kando oshiketa ne yakka obitta no an mondum a en kore an na.

Roukos 24:26

Kiristo anak ne tap okaibe gusu aeramushitnere wa nupeki otta ahun kuni gusu ne ap shomo ne ya? sekoro itak.

Yoannes 12:24

Son no, son no, echi otta Ku ye, munge piye num anak ne toi tumu hachiri wa munin shomoki yakun, yaikota shinep ne a an ruwe ne; koroka, munin yak anak ne poron no ibehe o ruwe ne.

Apostoro ikip oma kambi 10:36

Yesu Kiristo gusu itomo an pirika shongo aeupaskuma Israeru un utara otta omande itat (Shinuma anak obitta no okaibe koro Utarapa ne) —

Apostoro ikip oma kambi 10:42

Orowa, tan guru anak ne rai guru hene shiknu guru hene koipishi kuni gusu Kamui orowa no aesanniyo guru ne sekoro paweteshu chi ki hine utara otta eupaskuma ki kuni ne un kashpaotte nisa ruwe ne.

Roma 10:9

Yesu anak ne Utarapa ne sekoro paroho ani e pushpusu chiki, samata, Kamui anak ne Shinuma rai-i orowa no hetopo-shiknure sekoro keutum ta eishokoro yakne,

II Korintos 5:14

Inambe gusu ne yakun, Kiristo koro omap ambe anak ne un ekarire ruwe ne; Shinen anak ne obitta no okai utara gusu rai nisa, tambe gusu obitta no okai utara rai okere ruwe ne ari chi esanniyo ash ruwe ne;

I Tessaronike 4:14

Inambe gusu ne yakun, Yesu rai wa hetopo-shiknu sekorʼambe chi eishokoro yakun, nei no korachi Yesu ankushkerai mokonnoye utara anak Shinuma tura Kamui ani wa ek kusu ne.

I Tessaronike 5:10

tambe anak, shiruwande ash yakka, mokoro ash yakka, Shinuma tura no ishu ash kuni gusu ne na.

II Timoteos 4:1

Kamui shik-samata hemhem, shiknu guru ne yakka rai guru ne yakka koipishi Kiristo Yesu shik-samata hemhem, samata, Shinuma ek kusu ne a ambe newa koro moshiri ankushtapne e onishnishi ash na;

Hebraios 12:2

aige, chikoro eishokor-i esapane hemhem ki, eramushinnere hemhem ki Yesu orun ingara anro, Shinuma anak ne yaikotchaketa aatte wa an enupetne kunip gusu, aeyainikoroshmarep pange hine, utasa chikuni eyaishiporore nisa, orowa, Kamui araset oshimon samta a shiriki an.

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

I Petros 4:5

nei utara anak ne shiknu guru kene rai guru kene koipiski gusu skipini wa an Kamui otta yaieoruskpe nu yara kusu ne na.

Ekambakbe 1:18

Ishu ambe Ku ne ruwe ne; Ku rai nisa, awa, ingarʼan, ramma otusashuishiri pakno Ku ishu ruwe ne, orowa, rai ambe newa Hedes gusu an kangi Ku kon ruwe ne.

Ekambakbe 2:8

Orowa, Sumurna kotan ta an Karisia koro hauturumbe gusu ene nuye yan;