Roma 14:23 - Ashiri Aeuitaknup Iyohaichish Yona 1897

²³ Koroka, utumashi shiriki no an wa ibe gurʼanak ne katpak an sekoro aesanniyo ruwe ne, eishokon no ibe shomoki ruwe ne gusu ne na; orowa, nep ne yakka eishokor-i gusu shomo ne ambe anak katpak ne ruwe ne.

Roma 14:23 ပူးပေါင်းရင်းမြစ်များ

Roma 13:2

Tambe gusu, mondum koro guru koitakkashi gurʼanak ne Kamui attep eshishi ruwe ne: nei ambe shisamchashnure utara anak ne yaikota gusu akoipishi kusu ne.

Roma 14:5

Shinen anak ne shine to kasu no moshima toho ainukoro kunip ne sekoro esanniyo: koroka, moshima gurʼanak ne obitta no okai toho ukorachi nep kuni esanniyo ruwe ne. Ainu pishno yaikota koro keutum ta aeramushinne no oshitchiu yan.

I Korintos 8:7

Yakka obitta no okai utara otta nei no an eramush-i isam: koroka, arage okai utara anak ne tane pakno potoki koro gusu, potoki otta ayange ambe nei no ibe; aige, koro keutum katchakbe ne gusu turu-aushte ruwe ne.

Titus 1:15

Turu-sak guru otta obitta no okaibe anak turu-sak ruwe ne: koroka, turu-ush wa eumbipka utara otta nep ne yakka shomo turu-sak ruwe ne; aige, koro sambe ne yakka keutum ne yakka turu-ushbe ne ruwe ne na.

Hebraios 11:6

orowa, eishokor-i sak chiki Kamui nupetnere eaikap ruwe ne; inambe gusu ne yakun, Kamui otta ek guru anak ne Kamui an sekoro eishokoro, samata, Shinuma ihunara utara epirikare Kamui ne sekoro eishokoro kunip ne ruwe ne.