Roma 13:7 - Ashiri Aeuitaknup Iyohaichish Yona 1897

⁷ Nen ne yakka akore kunip sange yan: yaku akore kuni utara otta yaku koropare; zei akore kuni utara otta zei sange: koishitoma kuni utara ko-ishitoina; ko-oripak kuni utara ko-oripak yan.

Roma 13:7 ပူးပေါင်းရင်းမြစ်များ

Mattaios 17:25

Orowa, chisei orun ahun chiki Yesu hoshiki no shinuma otta ene itak-hi :— Simon, nekon a e yainu ya? Moshiri esapane utara anak ne, nekon a okai utara orowa no yaku etaye ya? Poho utara orowa no hene ya, oya utara orowa no hene ya?

Mattaios 22:21

Orowa, nei utara otta Shinuma ene itak-hi :— Tambe gusu Kaisaros otta Kaisaros korope koropare yan; Kamui korope anak ne Kamui otta yange yan, ari itak.

Markos 12:17

Tata otta Yesu nei utara otta ene itak-hi :— Kaisaros otta Kaisaros korobe koropare yan, Kamui otta Kamui korobe koropare yan, ari itak. Orowa no, nei utara shi no enushkari nisa ruwe ne na.

Roukos 20:22

ari an ambe chi eramʼan: Chi utara anak ne Kaisaros otta yaku koropare ambe anak ne ikashpaotte nei no an ambe ne ya, shomo ne ya?

Roukos 20:25

Orowa Shinuma nei utara otta ene itak-hi :— Yak anak ne Kaisaros otta Kaisaros korobe koropare yan, Kamui otta Kamui korobe koropare yan, ari itak.

Roukos 23:2

Awa, eiyonnuppa heashire wa ene itak-hi :— Tan guru anak ne chikoro moshirʼun utara eshishire hine Kaisaros otta yaku sange kuni hattoki, samata, Shinuma yaikota Moshiri shikkashima guru Kiristo ne ruwe ne, ani itak.

Roma 12:10

Wenbe etunne wa pirikap otta ko-an. Iriwak utara ko-omap wa uwe-eramuhaugere yan; aainukoro wa uwe-eoripak yan;

Roma 13:6

keutum gusu ne yakka itaknu kusu ne ap Tambe gusu echi utara yaku ne yakka sange ruwe ne; nei utara anak ne tap ambe gusu ramma Kamui mongo ki uitek utara ne ruwe ne gusu ne na.

Epesos 5:33

Yakka, echi utara pishno yaikota yaiomap korachi yaikota koro machi omap yan; orowa, machi ne guru anak ne koro hoku ko-oripak yan.

Epesos 6:5

Ausshiune an echi utara, Kiristo otta korachi, shine keutura koro wa tusushke newa ishitoma kane ki hine kara gusu an echi kon nishpa gusu koitaknu yan;

I Timoteos 5:13

Samata, nei no okai utara anak ne toranne iki wa chisei pishno shioyapkire apkash; toranne patek shomo ne koroka paro-rui ne yakka ki, moshima guru orushpe orun isaikako, aige, shomo aye kuni itak ye ruwe ne.

I Timoteos 5:17

Pirika no epungine puresbuteros utara eusamanu aainukoro kunip ne sekoro esanniyo yan, makangane nei itak gusu ne yakka epakashnu ambe gusu ne yakka monraige utara epeka nei no iki yan.

I Timoteos 6:1

Rekut unbe pokta ausshiune wa okai utara yaikota koro nishpa aainukoro kunip ne sekoro esanniyo yak pirika, tambe anak ne Kamui reihei newa nei epakashi shomo akoatcha kuni gusu ne na.

I Petros 3:7

Tap korachi hoku ne echi utara, echi koro inonno-itak shomo aerannakbe ne kuni gusu, eraman no koro machi tura oshiroma, aige, echi utara ukotura shiknu irenga koro wa okai gusu, shinuma turasak awehe ne aesanniyo wa ko-oripak yan.