Roma 13:12 - Ashiri Aeuitaknup Iyohaichish Yona 1897

¹² Kunne-to naanihungo aokere, tokap-to tane an kushki: tambe gusu, kurokok buri shirairaye wa pekere hayokbe yaimire anro.

Roma 13:12 ပူးပေါင်းရင်းမြစ်များ

Roma 13:14

Koroka, Utarapa ne Yesu Kiristo yaimire wa kam gusu an kon rusuibe gusu iteki etokooiki yan.

I Korintos 10:11

Tap okaibe nei utara otta hetukup anak ne kochihi nei no an ambe ne: orowa, otta moshiri okese-hi an chi utara gusu, un epakashnu kuni gusu chieshinnuye wa okai ruwe ne.

I Korintos 7:29

Koroka, tambe ku ye, iriwak utara, pakihi anak ne ataknere wa an, tambe gusu, tewa no machi koro utara anak ne mat sak korachi ne;

II Korintos 10:4

kam iki nei no shomo tumichikon ruwe ne (tumi gusu an chi koro eshipopkep anak ne kam orowa no an ambe shomo ne, koroka, kiroroashnu ambe hokushte gusu Kamui tek-samata okirashnup ne ruwe ne);

II Korintos 6:7

shunge sak no an omap ambe otta hene, son no an itak otta hene, Kamui kiroro otta hene; shimontek samata ne yakka hariki-tek samata ne yakka oupeka ne hayokbe ani,

Epesos 4:22

nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,

Epesos 5:11

shui, ibe-sak no an kurokok buri shomo ukokoro wa nei ambe koipishi wa esanniyo yan,

Epesos 5:8

inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

Hebraios 10:25

moshima okai utara ki buri korachi iteki uwekarapa kuni ambe oira, koroka, uwe-onishnishi yanro; shui, nei toho karange no ek an-hi echi nukara wa naa nei no ki yanro.

Hebraios 12:1

Tambe gusu, chi utara ne yakka, tap korachi an nishkuru nepkoro inne paweteshu ki utara koro wa okai gusu, ene irammakaka un nikkotama obitta no okai aeoshirokokbap newa chikokatpak oyakta ande hine, yaishiporore wa un kotchaketa aatte wa an uwetushmak kuni ambe otta hoyuppa anro,

Yakob 1:21

Tambe gusu, obitta no okai turu-ushbe newa wenbe eikaunu kashpap ande wa echi kon ramat kashichiobiuki eashkai onnaige un hekatu wa an itak ramu-rotcha wa uina yau.

Yakob 5:8

Echi utara poka ramushiporore yan; koro keutum atte yan:

I Petros 2:1

Tambe gusu obitta no okai wenbe hene, obitta no okai kokandama ambe hene, kankapkapeka ambe hene, eyaitunnap ki ambe hene, obitta no okai wen itak sange ambe hene oyakta ande yan;

I Petros 4:7

Koroka, obitta no okaibe aokere-hi anak ne ehange ruwe ne; tambe gusu, keutum yaieashirikara hine yairamatte wa inonno-itak ki yan: orowa, utashpa

II Petros 3:11

Tap korachi tap okaibe nin wa aisamka kuni ambe ne sekoro chi eraman gusu, turu-sak no moshiri koishu hene ki,

II Petros 3:9

Okai utara esanniyo korachi Utarapa anak ne koro eitakamkire gusu moire shomo ne; koroka, nen ne yakka aisamka kuni ambe Shinuma konoburu shomoki no, utara obitta yaikokatpak kuni ambe konoburu wa, echi utara gusu ramushiporore ruwe ne na.

I Yoannes 2:18

Nokair utara, tane anak keseke an pakihi ne: orowa, anti-kiristo ek kusu ne sekoro echi nu nisa, tane poka inne no okai anti-kiristo hetukba wa okai; tambe gusu, tane anak keseke an pakihi ne ari an ambe chi eraman ruwe ne.

Ekambakbe 1:3

Tan uweingarape oro-oitak hene ki, nu hene ki, orowa, nei kashiketa chieshinnuye wa an okaibe shikkashima gurʼanak ne anunuke ne: pakihi ehange no an ruwe ne gusu ne na.

Ekambakbe 22:10

Orowa, en orun shinuma ene itak-hi :— Tan kambi oma uweingara itak ambe iteki ko-seshke yan; pakihi ehange no an ruwe ne gusu ne na.