Roma 13:10 - Ashiri Aeuitaknup Iyohaichish Yona 1897

¹⁰ Omap-ambe anak ne aota un guru otta shomo wenbe ki: tambe gusu, omap-ambe anak tuitak uweomare ambe ne ruwe ne na.

Roma 13:10 ပူးပေါင်းရင်းမြစ်များ

Mattaios 7:12

Tambe gusu, moshima guru orowa no nep ki ambe echi kon rusui nei no, shinuma otta ne yakka ki yan: tambe anak ne Kamui ikashpaotte newa uweingarape ne ruwe ne na.

Yoannes 13:34

Echi utara utashpa uweomap kuni ashiri ikashpaotte echi kore ash na: Kuani echi omap ash korachi, echi utara ne yakka utashpa uweomap kuni gusu ne na.

Roma 13:8

Utashpa uweomap moshima nen ne yakka gusu iteki shose koro yan; moshima guru omap ainu anak ne tuitak uweomare nisa ruwe ne gusu ne na.

Garatea 5:14

Inambe gusu ne yakun, tuitak ebitta, shine itak ani auweomare ruwe ne, nei ambe anak ene ani ne; Eani yaikota yaiomap korachi aota un guru omap yan, sekorobe ne.

Yakob 2:8

Yakka, echi utara anak ne Kamui kambi kata chieshinnuye wa an — Eani yaikota yai-omap korachi aota un guru omap yan, — ari an sapane an tuitak uweomare chiki, pirikap echi iki na;