Roma 12:6 - Ashiri Aeuitaknup Iyohaichish Yona 1897

⁶ Orowa, a un koropare irenga nei no utashpa uweshinnai no an eikrap chi koro wa okai gusu, uweingara chiki, koro eishokor-i an a-i nei no aki yanro;

Roma 12:6 ပူးပေါင်းရင်းမြစ်များ

Mattaios 23:34

Tambe gusu, ingarʼan, uweingara utara hemhem wayashnu utara hemhem kambi-nuye utara hemhem echi orun Ku payere: orowa, echi utara anak ne nei tumugeta sereke okai utara ronnu wa utasa chikuni otta kungi kokikkik kusu ne, sereke utara Kamui kora kenru otta shirikik, orowa, machiya orowa no oya machiya otta keshke kusu ne;

Mattaios 25:22

Orowa, tup akore guru ne yakka ek wa ene itak-hi :— Utarapa, tu taranton e en kore, awa, naa tup ku epirika nisa ruwe ne.

Roukos 11:49

Tambe gusu Kamui wayashnu ambe ene itak-hi :— Nei utara orota uweingara utara hemhem Apostoro utara hemhem ku omande kusu ne, aige, nei utara anak ne nei tumuge un sereke utara ronnu hera hera ki, keshke hemhem ki kusu ne; tambe anak ne,

Apostoro ikip oma kambi 13:1

Orowa, Antiok kotan ta an karisia ta uweingara utara newa epakashnu utara okai, Barnabas newa Niger ari an ambe ani aye Simeon okai, Kurenai un Roukios newa Tetrakes Herod koro tura iresu akihi newa Sauros okai ruwe ne.

Apostoro ikip oma kambi 15:32

Orowa, Youdas newa Siras anak ne yaikota uweingara utara newa inne itak ani iriwak utara onishnishi hemhem ki tumashnure hemhem ki nisa ruwe ne.

Apostoro ikip oma kambi 2:17

Kamui ene itak-hi :— Okese an toho ta, Kuani anak ne obitta no okai kam kata Ku Ramat Ku ohetu kusu ne: Aige, echi koro okkai poho newa matne poho uweingara ki, Echi koro okkaibo utara anak ne anukarape nukara, Echi koro ekashi utara wendarap nukara kusu ne:

Apostoro ikip oma kambi 21:9

Tan guru otta uweingara ki hoku sak matne po inen okai.

Roma 1:11

Inambe gusu ne yakun, echi utara aashtere gusu, nepka ramat oma eikrap echi kore ash kuni ne, kuani echi nukara kuni ku eyaikatekara ruwe ne;

Roma 12:3

Inambe gusu ne yakun, a en koropare irenga an gusu, echi tumugeta okai pishno an ainu otta ku ye-hi, yai-esanniyo kuni kunip kasu no iteki eikaunu no yai-esanniyo yan, Kamui anak ne pishno an ainu otta eishokor-i eimek wa kore nei no yairamatte wa esanniyo yan.

I Korintos 12:18

Koroka, Kamui anak ne tane rengaine pishno an awehe nei netobake otta ande nisa ruwe ne.

I Korintos 13:2

Orowa, uweingara ku ki, nep ne yakka okai mukkep newa aeramu kuni ambe ku eraman yakka; shui, nupuri moimoyegere pakno an obitta no okai eishokor-i ku goro yakka, omap ambe ku sak chiki, raka isambe ku ne ruwe ne.

I Korintos 14:1

Omap ambe keseamba yan; yakka, makangane uweingara ki eashkai kuni ne ramuosshi wano ramat unbe kon rusui no okai yan.

I Korintos 14:24

Koroka, utara obitta uweingara chiki, aine, eishokoro shomoki guru hene, eram-sak guru hene, ahun yakun, shinuma obitta no okai utara gusu akokatpakte, obitta no okai utara gusu akoipishi ruwe ne;

I Korintos 14:29

Orowa, uweingara utara tun ren range itakte, aige, moshima okai utara nei itak uwandere yan.

I Korintos 3:5

Yakun, Aporros anak ne nep ta? Pauros nep ta ruwe he an? Ankushkerai echi eishokoro yaishieiwangere utara ne ruwe ne; pishno pishno Utarapa shinuma kore korachi ne ruwe ne na.

I Korintos 7:7

Inambe gusu ne yakun, obitta no okai ainu utara en korachi poka an kuni ku kon rusui. Yakka, ainu pishno Kamui orowa no an aikrap koro, Shinen nei no an ambe koro Shinen tapne an amire kon ruwe ne.

II Korintos 8:12

Inambe gusu ne yakun iki rusui sambe an yakun, ainu koro korachi aesanniyo ruwe ne, shomo koro nei no aesanniyo shomo ki ruwe ne.

Epesos 3:5

tane Ramat ani koro Apostoro utara newa uweingara utara otta aekambakte nei no, nei ambe anak moshima okai ikiri ta ainu poho utara otta shomo aeramande nisa ruwe ne;

Epesos 4:11

Orowa, Shinunra koropare aikrap anak ne Apostoro ne kuni sereke an; uweingara guru ne kuni sereke an; pirika shongo akore guru ne kuni sereke an; epungine guru newa epakashnu guru ne kuni sereke an ruwe ne;

Piripoi 3:15

Tambe gusu, aeramushinne okere obitta no okai chi utara anak ne nei no esanniyo ashro; orowa, nep okaibe gusu shinnai no echi sanniyo chiki tambe poka Kamui anak ne echi eramande kusu ne:

II Petros 1:20

hoshike no tambe onnere yan, Kamui Kambi kata obitta no okai uweingarape anak ne rengaine gusu apita kuni ambe shomo ne ruwe ne.