Roma 12:2 - Ashiri Aeuitaknup Iyohaichish Yona 1897

² Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

Roma 12:2 ပူးပေါင်းရင်းမြစ်များ

Iyohaichish 119:103

Ku parumbe gusu E koro itak hemanda shisak humi! Ku paro otta soyai ninge kasu no ne.

Iyohaichish 119:128

Tambe gusu nep ne yakka epeka no an obitta no okai E koro ipawetenge oupeka ambe ne sekoro ku esanniyo; Orowa, nep okai wen-buri ne yakka ku etunne ruwe ne na.

Iyohaichish 119:174

Aa Ehoba, E koro kashiobiuki-hi gusu ku eyaikatakara nisa; Aige, E tuitak ku enupetne shiriki.

Iyohaichish 119:72

E paro sange tuitak anak ne kuani gusu Shiri inne kongani newa shirokani kasu no pirika ruwe ne na.

Iyohaichish 119:97

Aa E koro tuitak ku omap humi! Tokap ebitta nei ambe ku ramepakari ruwe ne.

Iyohaichish 34:8

Aa, Ehoba anak ne pirikap ne sekoro aeramande kuni gusu sapke wa ingara yan: Shinuma eyaikopashte gurʼanak ne anunuke ruwe ne.

Iyohaichish 51:10

Aa Kamui, en gusu turu-sak sambe kara wa en kore, Orowa, en onnaigeta utumashi shomoki keutum ashin no kara wa en kore.

Mattaios 13:22

Orowa, ai-ush ni an ushiketa aetoita gurʼanak ne, tambe anak nei itak nu; orowa, kanna moshiri gusu an nishomap ambe hene, aeoteknu ambe gusu an kokandama ambe hene gusu, nei itak ateye, aige, ibehe shomo hetukure gunʼne.

Markos 4:19

orowa, moshiri gusu an nishomap hene, ikorobe kokandama ambe hene, orowa, moshima okai ambe ibeshikashure-hi ahup wa itak eteye hine ibe-o shomoki ruwe ne na.

Yoannes 14:30

Te wano poron no echi tura Ku koitak shomoki, inambe gusu ne yakun, moshiri esapanep ek: orowa, En otta shinuma nep ka koro shomoki ruwe ne;

Yoannes 15:19

Moshiri orowa no an okaibe echi ne yakun, moshiri anak ne yaikota korobe omap kusu ne: koroka, moshiri orowa no an okaibe shomo echi ne wa moshiri wano Kuani echi numge ash gusu, tambe gusu, moshiri anak ne echi etunne ruwe ne. Echi otta Ku ye itak eshkarun yan :—

Yoannes 17:14

E korʼitak nei utara otta Ku koropare; orowa, Kuani anak ne moshiri orowa no an ambe shomo Ku ne korachi, nei utara moshiri orowa no an okaibe shomo ne gusu, moshiri anak ne nei utara etunne ruwe ne.

Yoannes 7:7

echi koro pakihi anak ramma an ruwe ne Moshiri anak ne echi etunne eaikap; koroka, nei ambe koro ikip anak ne wen ruwe ne ani an ambe paweteshu Ku ki gusu En etunne ruwe ne.

Roma 12:1

Tambe gusu, iriwak utara, echi kon netobake ishu, ashkanne, Kamui nupetnere ayange kunip echi yange kuni ne, Kamui rampoken ankushkerai echi onishnishi ash ruwe ne, tambe anak ne echi ki kuni gusu an ongami kunip ne ruwe ne gusu ne na.

Roma 13:14

Koroka, Utarapa ne Yesu Kiristo yaimire wa kam gusu an kon rusuibe gusu iteki etokooiki yan.

Roma 7:12

orowa, ani en raige nisa ruwe ne gusu ne na. Tambe gusu, nei tuitak anak ne ashkannep ne, orowa, nei ikashpaotte anak ne ashkannep, oupekap, pirikap ne ruwe ne.

Roma 7:14

Inambe gusu ne yakun, nei tuitak anak ne ramat unbe ne sekoro chi eraman; koroka, kuani anak ne kam unbe ne,

Roma 7:22

Onnaige un ainu esanniyo chiki, Kamui tuitak ku enupetne ruwe ne:

I Korintos 3:19

Inambe gusu ne yakun, tan moshirʼun wayashnu ambe anak ne Kamui kotchaketa ramu-isambe ne ruwe ne gusu ne na. Ene chieshinnuye wa an na :— Koro irarabe gusu Shinuma anak ne wayashnu utara kishima ruwe ne: orowa shui, —

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

II Korintos 5:17

Tambe gusu, inan ne yakka Kiristo oshiketa an chiki, shinuma anak ashiripe ne: fushko okaibe paye wa isama; ingarʼan, ashiripe ne akan nisa ruwe ne.

Garatea 1:4

chikoro katpak gusu yaikota yaiyange chikoro Utarapa ne Yesu Kiristo newa Michi ne Kamui orowa no irenga newa itomo echi utara gusu anro:

Epesos 1:18

shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

Epesos 2:2

teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

Epesos 5:17

Tambe gusu iteki ramu-sak no okai yan, koroka, Utarapa irenga nekon a ambe ne ya esanniyo yan.

Korosai 1:9

Tambe gusu, chi utara ne yakka, nei orushpe nu toho orowa no echi utara anak ne obitta no okai ramat oma wayashnu ambe newa eraman-i otta Shinuma koro irenga eramanbe ani echi aeshikno an kuni hene,

Korosai 3:10

nei arabe anak ne orowa no akara Kamui koro katuhu nei no eramanushbe gusu ashinno akara korʼan ruwe ne:

Korosai 4:12

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.

I Tessaronike 4:3

Kamui keutura anak ne ene ani ne, echi turu-sak wa shomo hoiyo ki;

Titus 3:5

yaikota chi iki oupeka an ikip ankushkerai shomo ne, koroka, kanna-shikore furaye ambe newa Ashkanne Ramat ashin no kara ambe ankushkerai hetukup ne,

Yakob 1:27

Chikoro Kamui newa Michihi tek-samata an turu-sak newa shomo echi yaishieiwangere-hi anak ne, tambe ne ruwe ne, — Aeramchuptek wa okai eshikop sak utara newa shiyompiyara shiwentep utara hotanukara, samata, iteki moshiri ani yaiturukotachi kuni ne yaishikkashima ambe ne ruwe ne.

Yakob 4:4

Omoinu koro utara, moshiri kateomare ambe anak ne Kamui epokbap ne sekoro shomo echi eraman ya? Tambe gusu, nen ne yakka moshiri kateomare kuni ramu gurʼanak ne, Kamui epokba guru ne yaikara ruwe ne.

I Petros 1:14

itaknu poho utara korachi ki wa eramushkare ita ki korachi iteki ibeporore ambe otta yaikoropare yan;

I Petros 1:18

ishitoma an on teda oshiroma yan: aige, tambe onnere yan, echi utara anak ne echi koro ekashi epakashnu raka isam no an ki buri orowa no, munin kuni shirokani ani hene kongani ani hene echi kikiaraye shomo ne,

I Petros 2:3

Utarapa anak ne irenga an ambe ne sekoro echi sapke wa nu okere chiki, wenbe sak no an ramu oma tope ekatnu yan:

I Petros 4:2

tambe anak ne echi utara tewa no poka utara koro eikaunu ambe gusu kara otta shomo echi utara ishu, koroka, Kamui irenga nei no ki wa moshiri echi ko-ishu kuni gusu ne na.

II Petros 1:4

tambe gusu, Shinuma anak ne koro aoshkoro newa shi no poro uitaknup un koropare nisa; tap okaibe ani, echi utara anak ne ibeporore ambe gusu moshiri otta okai muninbe orowa no ohaita okere wa, Kamui oma oibe echi orota akoropare kuni gusu an ambe ne ruwe ne.

II Petros 2:20

nei ambe otta ausshiunere wa an na. Nei utara anak ne Utarapa newa Kashiobiukip ne Yesu Kiristo eramu-an-i gusu moshiri turu-ushbe aohaitare okaketa, shui nei ambe gusu akishima wa aannokara chiki, atpake an katuhu kasu no iyoshi no an katuhu anak nei utara gusu naa wenbe ne ruwe ne gusu ne na.

I Yoannes 3:13

Iriwak utara, moshiri anak ne echi etunne chiki, iteki enushkari yan.

I Yoannes 5:19

Chi utara anak ne Kamui orowa no okai utara chi ne sekoro chi eraman, orowa,

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.

Ekambakbe 13:8

Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.