Roma 12:11 - Ashiri Aeuitaknup Iyohaichish Yona 1897

¹¹ monraige otta iteki etoranne yan; keutum nuwashnu wa Utarapa otta yaishieiwangere yan;

Roma 12:11 ပူးပေါင်းရင်းမြစ်များ

Mattaios 24:12

Samata, wenbe aporore an kusu ne gusu, inne utara koro omap-i nin kusu ne.

Mattaios 25:26

Koroka, otta kon nishpa ese wa ene itak-hi :— Wen newa toranne usshiune guru, ku etoita shomoki ushike wa ku nange, orowa, ku chari shomoki ushike wa ku umomare sekoro e eramu an,

Apostoro ikip oma kambi 18:25

Tan guru anak ne Utarapa ruhu gusu paro ani aepakashnu okere ruwe ne; awa, shinuma ramat seisek wa ouse Yoannes kore baptisma eraman hine Yesu gusu an orushpe gusu irammakaka ye hemhem ki, epakashnu hemhem ki nisa ruwe ne: shinuma anak ne rametokkon.

Apostoro ikip oma kambi 20:19

nupe yaikorange hene ki, Yudea un utara en gusu oshke esanniyo an gusu a en koramnukara ambe hene an wa Utarapa otta yaikushieiwangere a i echi utara yaikota echi eraman ruwe ne;

I Korintos 7:22

nei ambe eiwange yan. Inambe gusu ne yakun, ausshiunere wa an, aine, Utarapa gusu ahotuyekara gurʼanak ne, Utarapa koro ahonnere wa an gunʼne: nei no korachi, ahonnere wa an, aine, ahotuyekara gurʼanak ne Kiristo koro usshiune guru ne ruwe ne.

Epesos 4:28

Ikka nisa guru anak ne tewa no iteki ikka yanro: koroka, eishiramne guru otta koropare kuni okaibe an kuni ne, monraige wa koro teke ani pirikap ki yan.

Korosai 4:1

Nishpa ne utara, echi koro usshiune utara otta oupeka newa oupak an ambe kore yan; aige, echi utara ne yakka kando oshiketa Nishpa kon ruwe ne kunak eramu yan.

I Timoteos 5:13

Samata, nei no okai utara anak ne toranne iki wa chisei pishno shioyapkire apkash; toranne patek shomo ne koroka paro-rui ne yakka ki, moshima guru orushpe orun isaikako, aige, shomo aye kuni itak ye ruwe ne.

Hebraios 12:28

Tambe gusu, ashimoyere eaikap moshiri a un kore gusu, kooripak ambe newa ishitoma ambe tura, ani Kamui nupetnere yaishieiwangere iyaiiraige an keutum koro anro:

Yakob 5:16

Tambe gusu, echi ki katpak utashpa uwe-eyaipushi yan, echi utara aiwangere kuni ne uweutashpa gusu inonno-itak ki yan. Oupeka guru ki inonno-itak anak ne porobe iki ruwe ne na.

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 4:8

makangane ara uweomap ki yan; inambe gusu ne yakun, onrap ambe anak ne uwatte no okai katpak

Ekambakbe 2:4

Koroka, aokai anak ne atpaketa e iki omap ambe eyaikoemaka gusu, e eiyonnuppa kunip an ruwe ne na.