Roma 12:1 - Ashiri Aeuitaknup Iyohaichish Yona 1897

¹ Tambe gusu, iriwak utara, echi kon netobake ishu, ashkanne, Kamui nupetnere ayange kunip echi yange kuni ne, Kamui rampoken ankushkerai echi onishnishi ash ruwe ne, tambe anak ne echi ki kuni gusu an ongami kunip ne ruwe ne gusu ne na.

Roma 12:1 ပူးပေါင်းရင်းမြစ်များ

Iyohaichish 116:12

Ehoba en orota koropare pirikap gusu Shinuma otta nekon a ambe ani imommuye kusu ne ruwe he an?

Iyohaichish 19:14

Aa ku goro Ehoba, ku watara, ku goro en kikirayep, Ku paro un itak, keutum ta ku esanniyo yainu-hi E tek samata an wa E nupetnere kuni ne kara wa en kore.

Roukos 7:47

Tambe gusu, e otta Ku ye, tan shiwentep koro chikokatpak inne ne a koroka atusare ruwe ne: shinuma poron no omap ki nisa ruwe ne gusu ne na; koroka, otta pon no patek atusare guru anak ne pon no patek omap ruwe ne.

Roma 12:2

Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

Roma 15:16

Kamui orowa no a en kore irenga gusu, kuani Oya un utara gusu an Kiristo Yesu koro yaishieiwangere guru ku ne; nei ambe anak ne Oya un utara ayange-hi Ashkanne Ramat ani Aashkannere wa Kamui nupetnerep ne kuni ne Kamui pirika shongo gusu ku yaishieiwangere ruwe ne na.

Roma 15:30

Orowa, iriwak utara, kuani Yudea kotan ta okai itakkashi utara orowa no aohaitare kuni hene, gusu Yerusarem otta a en eiwangerep anak ne ashkanne utara nupetnere kuni hene,

Roma 2:4

Shui, Kamui koro pirika irenga e yaikokatpakte kunip ne sekoro e erampeutek wa, Shinuma koro pirika irenga oma aeoteknu ambe newa yaishikkashima ambe newa ramushiporore ambe newa e etunne ruwe he an?

Roma 6:13

shui, oupeka-sakbe ki kuni gusu an eshipopkep nei no iteki echi koro awehe katpak otta koropare yan; koroka, rai-i orowa no shiknu korachi Kamui otta yaikota yaiyange, orowa, oupekap ki kuni gusu an eshipopkep nei no echi koro awehe Kamui otta yange yan.

Roma 6:16

Ara shomo. Itaknu ki kuni otta yaikota echi yaikoropare wa yaiusshiunere guru gusu, katpak gusu an rai-ambe otta hene, oupekap gusu an uitaknu ambe otta hene, koro itak nu wa ki chiki, nei guru koro usshiune utara echi ne sekoro shomo echi eraman ruwe he an?

Roma 6:19

Echi koro kam anak ne katchakbe ne ruwe ne gusu, kuani ainu ye korachi ku ye ruwe ne: inambe gusu ne yakun, echi utara anak ne ichakkere ambe gusu katpak wano katpak otta koro awehe echi usshiunere korachi, tewa no awehe aashkannere gusu oupeka-i otta usshiunere yan.

Roma 9:23

Shui, etoko wano nupeki gusu etokooiki erampokiwen wa akore utara kata, —

I Korintos 1:10

Iriwak utara, echi utara obitta shine itak sange, aige, echi tumugeta utumkush keutum isam kuni ne, chikoro Utarapa ne Yesu Kiristo kon reihei ankushkeraipo echi onishnishi ash ruwe ne; koroka, echi utara shine keutum koro, aige, shine esanniyop ki hine ukoiram no aeramushinnere gusu aki na.

II Korintos 10:1

Echi tumugeta an ita yaieoripakka, koroka, tane oyakta an wa echi epeka rametokkoro Pauros ne kuani anak ne, Kiristo gusu an ramushiroma ambe newa rotcha ambe gusu echi onishnishi ash na:

II Korintos 4:1

Tambe gusu, chi utara anak ne tan yaishieiwangere gusu an kunip koro wa okai gusu, aerampokiwen wa akore korachi shomo ramurai ruwe ne:

II Korintos 4:16

Tambe gusu chi utara shomo ramu-rai; koroka, chikoro soige an ainu anak ne munin koran a yakka, onnaigeta an ainu anak ne to pishno ashirikara an ruwe ne.

II Korintos 5:20

Tambe gusu, chi utara anak ne Kiristo gusu ateshkara utara chi ne, Kamui chi utara ani onishnishi shiriki korachi nep.

II Korintos 6:1

Orowa, ukomonraige wa iteki raka isam no Kamui irenga echi akore kuni ne ne yakka koramkoro ash ruwe ne.

Epesos 4:1

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Epesos 5:10

Utarapa nupetnere ambe uwande wa okai yan:

Piripoi 1:20

sekoro ku eraman; kuani ara kon rusui wa chipachipa ambe anak ne ene ani ne, nep ne yakka gusu shomo a en yainikoroshmare koroka, ramma korachi tane poka, ku shiknu yakka, ku rai yakka, Kiristo anak ne ku netobake otta pasere kuni ambe ne ruwe tapan na.

Piripoi 2:17

Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

Piripoi 4:18

Koroka, nep ne yakka ku koro wa nuye an no ku an; Epaproditos koro wa ek echi orowa no okai shisak hura pirikap, uk kuni ayangep, Kamui nupetnere okaibe, ku uk okere gusu kuani kironnu wa an ruwe ne.

I Tessaronike 4:1

Orosama iriwak utara echi utara, nekon a arabe ani apkash wa Kamui nupetnere kusu ne a ambe ne ya, un otta echi nu a gusu, nei no korachi echi apkash kuni ne — naa naa echi nuye an no okai kuni gusu — Utarapa ne Yesu Kiristo gusu koramkoro wa echi onishnishi ash ruwe ne.

I Tessaronike 4:10

son no poka Makedonia moshiri ta obitta no okai iriwak epeka echi iki shiriki okai ruwe ne na. Koroka, iriwak utara, naa naa echi nuye an no okai kuni ne echi onishinishi ash;

I Tessaronike 5:12

Koroka, iriwak utara, echi tumugeta monraige hemhem ki, Utarapa oshiketa echi epungine hemhem ki, echi epakashnu hemhem ki utara onnere kuni echi onishnishi ash ruwe ne;

I Timoteos 2:3

Nei no ikichi ambe anak ne un kashiobiukip ne Kamui tek-samata pirika newa nupetnere ambe ne;

I Timoteos 5:4

Koroka, nei shiyompiyara shiwentep anak poho hene mitpo hene koro yakun, nei utara anak ne yaikota koro uni un utara epeka hoshiki no kooripak ki hene koro eshikop utara tasa kore kuni iki yak pirika; tambe anak ne Kamui nupetnerep ne ruwe ne gusu ne na.

Pirimon 1:10

atupetupe wa an rapoketa ku shikore ku poho ne Onesimos gusu e orun ku koramkon ruwe ne, shinuma anak ne etoko wa en gusu raka-sak guru ne,

Pirimon 1:9

Kiristo oshiketa, nep rametokkorobe ka ku goro yakka, omap ambe ankushkerai ku onishnishi ash ruwe ne, onne Pauros ku ne gusu, samata, tane Kiristo Yesu koro epashkanu guru ku ne wa gusu ne na:

Hebraios 13:22

Koroka, iriwak utara, onishnishi an itak echi inu kuni echi onishnishi ash na: moyo no an itak ani echi orun ku nuye nisa ruwe ne gusu ne na.

I Petros 2:20

Katpak echi ki gusu shirikik an wa echi yaishiporore yakka, nekon a airamye kuni ambe an a? Koroka, pirikap echi iki wa gusu echi ayairamshitnere hine eyaishiporore chiki, tambe anak Kamui gusu an irenga ne ruwe ne.

I Petros 2:5

echi utara ne yakka shiknu shuma ne korachi, Yesu Kiristo ani Kamui nupetnere ramat oma yangep yange kuni ne, Kamui otta yaishieiwangere ashkanne utara echi ne kuni gusu, ramat oma chisei ne echi kara an na.