Roma 11:20 - Ashiri Aeuitaknup Iyohaichish Yona 1897

²⁰ Pirika, nei utara eumbipka gusu okayepa nisa ruwe ne, orowa, aokai anak ne eishokor-i gusu ash shiriki ruwe ne.

Roma 11:20 ပူးပေါင်းရင်းမြစ်များ

Iyohaichish 138:6

Ehoba anak ne pase ne a yakka, Shinuma irapokkari utara orun koingan ruwe ne: Koroka, ehangeko no an ushike wano pakesara utara nukan ruwe ne.

Roukos 18:14

Echi otta Ku ye :— Nei guru kasu no tan guru anak ne aoupekare no koro uni orun san nisa ruwe ne na: inambe gusu ne yakun, nen ne yakka yaikota yairikande gurʼanak ne aramde kusu ne; koroka, yaikota yairamde gurʼanak ne arikta ande kusu ne na, sekoro itak.

Apostoro ikip oma kambi 18:6

Orowa, nei utara anak ne eshishi wa koatcha yakun, shinuma koro raipi tuituye wa ene itakhi :— Echi koro kem anak ne yaikota echi koro sapa kata an na; Kuani anak ne turu-sakbe ne: tewa no Oya uirup orun ku oman kusu ne na.

Roma 11:18

nei awehe gusu iteki yaiomonnure yan: koroka, e yaiomonnure chiki, aokai anak ne shinrit sei shomoki, koroka, shinrit anak ne e sei ruwe ne.

Roma 11:21

Iteki yaiesanniyorire, koroka, ishitoma yan: inambe gusu ne yakun, Kamui anak ne nei rengaine gusu hetuku kuni awehe shihopinupka shomoki chiki, shui, aokai ne yakka aeshihopinupka shomoki kusu ne na.

Roma 12:16

Uweutashpa chishineramkore yan. Iteki ri okaibe yainu yan, koroka, ra un okaibe ani yaiaturare yan.

Roma 12:3

Inambe gusu ne yakun, a en koropare irenga an gusu, echi tumugeta okai pishno an ainu otta ku ye-hi, yai-esanniyo kuni kunip kasu no iteki eikaunu no yai-esanniyo yan, Kamui anak ne pishno an ainu otta eishokor-i eimek wa kore nei no yairamatte wa esanniyo yan.

Roma 3:3

Nei utara tumugeta eishokoro shomoki utara okai a yakka nekon a? Nei eishokor-i sakbe anak ne Kamui eishokor-i raka-sakte kusu ne ya?

I Korintos 10:12

Tambe gusu, ash korʼan sekoro yainu guru, iteki hachiri kuni ne yaitubare yan.

I Korintos 15:1

Orowa, iriwak utara, echi otta eupaskuma ki a pirika shongo echi eramande ash na, nei ambe echi koro;

I Korintos 16:13

Shiruwande yan, eishokor-i atte wa nishuwamne no roshki yan, okkaiyo ramkoro yan, yaitumashnure yan.

II Korintos 1:24

Chi utara anak ne echi eishokoro amde enishpane shomoki, koroka, echi nupetne kuni ikashui utara chi ne: eishokor-i an gusu echi roshki ruwe ne gusu ne na.

II Korintos 10:5

aesanniyo ambe newa nep ne yakka Kamui eramushbe epokba ariknare an ri ambe obitta hokushte, samata, obitta no okai yainu-hi Kiristo otta koitaknure kuni ne usshiunere ruwe ne;

Piripoi 2:12

Tambe gusu, ku omap an utara, echi utara anak ne ramma kane itaknu ki wa ouse ku an rapoketa korachi shomo ne no, koroka, naa kasu no ku isam ita ne yakka ishitoma wa tusushke hine kashiaobiuki kuni gusu ki yan;

Korosai 2:7

aepakashnu an korachi poka, iyaiiraige an keutura koro wa echi ki eishokor-i atte yan.

II Tessaronike 2:4

nei toho shomo an ruwe ne; nei guru anak ne obitta no okai Kamui aporosep okkeukashi hene ongami kunip okkeukashi hene yairiknare epokbap ne; Kamui kora kenru ta a kane yaikota Kamui ne kara pakno poka iki guru ne ruwe ne.

I Timoteos 6:17

Tan moshiri ta okai wa oteknu utara anak ne iteki yaiesanniyorire hene ki, iteki autumotne an ikoro eyaikopashte hene ki, koroka, ani eyainupetnere kuni gusu nuye an no obitta no okaibe un kore Kamui eyaikopashte kuni ikashpaotte yan;

Hebraios 3:12

Iriwak utara, ikineipeka nenka echi tumugeta an guru anak eishokor-i sak wen keutum koro bine ika ishu Kamui wano eyaishishire kuni ne yaitubare yan: koroka,

Hebraios 3:19

Nei utara anak ne eishokor-i sakbe ne wa gusu otta ahup eaikap ne sekoro chi nukara ash ruwe ne na.

Hebraios 4:11

Tambe gusu, inan guru ne yakka iteki nei no an itakkashi ambe koikara wa hachiri kuni gusu, nei a shini-i otta ahup ash kuni ne shiarikiki no iki anro.

Hebraios 4:6

Tambe gusu, nei ambe otta ahup kuni ambe an gusu, samata, etoko wa otta pirika shongo aeupaskuma utara itakkashi gusu ahup shomoki sekorʼambe anukara gusu,

Yakob 2:19

Kamui shinep ne sekoro eani eishokoro ki; nei ambe pirika ne: nitnep ne yakka eishokoro wa tusushke ruwe ne.

Yakob 4:6

Koroka, Shinuma anak ne irenga naa an no un koropare. Tambe gusu, Kamui anak ne pakesara utara eshishi, koroka, yaieoripakka utara otta irenga koropare ruwe ne, ari itak.

I Petros 1:17

Orowa, ainu kashiramu shomoki no pishno pishno an guru koro ikip an korachi koipishi Kamui, Michi nep koro korachi echi konishuk yak anak ne

I Petros 5:12

Chikoro ikipniukesh iriwak ne sekoro ku esanniyo Sirouanos ani takne no echi gusu kambi ku nuyere yara, aine, onishnishi ku ki, samata, tambe anak ne Kamui son no irenga ne sekoro, paweteshu ku ki ruwe ne; nei ambe otta utumashi shomoki no roshki yan.

I Petros 5:9

ukorachi an aeramshitnere ambe anak ne moshiri otta okai echi iriwak utara otta ne yakka an sekoro echi eraman wa, utumashi shomoki no eishokoro wa nei ipokbap shisamchashnure yan.

Ekambakbe 18:7

Shinuma anak ne yaikota yairiknare wa yaiomonnure pakno, nei oro pakno shinuma panakte wa yaituwashkarapte wa kore yan: inambe gusu ne yakun, moshiri shikkashima shiwentep ku ne wa shiyompiyara shomo ne, orowa, oara yaituwashkarap shomo ku ki kusu ne na, ari keutum ta itak ruwe ne gusu ne na.

Ekambakbe 3:17

ash kusu ne na. Yaikota anak ne oteknu ne, aeoteknu ambe Ku goro wa eishiramne ushike isam sekoro e ye gusu; samata, yairamkoiki ambe e ne, yaisambepokashbe e ne, irapokkari guru e ne, shiknak guru e ne, atusa guru e ne sekoro e erampeutek ruwe ne gusu: