Roma 11:14 - Ashiri Aeuitaknup Iyohaichish Yona 1897

¹⁴ nei uni poka, nekon a ka kam gusu ku iri utara aeyaitunnapte hine sereke utara kashiobiuki kuni gusu ne na.

Roma 11:14 ပူးပေါင်းရင်းမြစ်များ

Roma 10:19

Koroka, ku ye, Israeru un utara anak ne shomo eraman nisa ruwe he an? Hoshiki no Mose ene itak-hi :— Kuani, moshiri uirup shomo ne a ambe ani echi eyaitunnapte ash kusu ne, Ramu-sak moshiri uirup ani Kuani echi irushkare ash kusu ne na, sekoro itak.

Roma 11:11

Tambe gusu ku ye-hi :— Nei utara anak ne hachiripa kuni ne epetchiu nisa ruwe he an? Ara shomo: koroka, aeyaitunnapte kuni gusu, nei utara hachiripa ambe ankushkerai Oya un utara orun kashiobiuki-hi an ruwe ne.

Roma 9:3

Inambe gusu ne yakun, kam gusu ku apaha utara ne ku iriwak utara shirine kuani yaikota Kiristo orowa no aiyoitakushi kuni ku koramkoro eashkai shiriki:

I Korintos 1:21

Inambe gusu ne yakun, Kamui koro wayashnu-hi ankushtapne moshiri anak ne yaikota koro wayashnu ambe ani Kamui eamkiri shomoki nisa ruwe ne gusu, Kamui anak ne upaskuma aeramusakbe ani eishokoro utara kashiobiuki kuni pirika irenga sange nisa ruwe ne.

I Korintos 10:33

Kuani anak ne nep ne yakka gusu obitta no okai utara nupetnere korachi nep, aine, utara kashiaobiuki gusu inne no okai utara epirikare kuni esanniyo wa yaikota eyaiepirikare ambe shomo yainu korachi ne ruwe ne na.

I Korintos 7:16

Machihi, eani anak ne e koro hoku kashiobiuki kusu ne ya nekon a e eraman ya? Shui, hokuhu, eani anak ne e koro machi kashiobiuki kusu ne ya nekon a e eraman ruwe he an?

I Timoteos 1:15

Kiristo Yesu anak ne katpak koro utara kashiobiuki gusu moshirʼotta ek nisa ruwe ne ari an itak anak ne son no ambe ne, utara shikkashima kuni an itak ne ruwe ne na; nei utara tumuge ta iyotta wenbe ku ne ruwe ne!

I Timoteos 2:4

obitta no okai utara kashiaobiuki wa sonep eraman kuni ambe anak ne Shinuma koro keutum ne ruwe ne.

I Timoteos 4:16

Yaikota gusu ne yakka e iki epakashnu ambe gusu ne yakka yaitubare yan. Tap okaibe oshiketa riya yan; inambe gusu ne yakun, tap ambe e ki chiki, eani anak ne yaikota ne yakka e nu utara ne yakka e kashiobiuki kusu ne na.

II Timoteos 1:9

Shinuma anak ne un kashiobiuki nisa, ashkanne nushuk ambe ani un tak, iki ikip nei no an korachi shomo ne, koroka, otusashuishiri an pakihi etokota Kiristo Yesu oshiketa okai wa un kore Shinuma yaikota koro keutura newa irenga an korachi nep;

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.

Titus 3:5

yaikota chi iki oupeka an ikip ankushkerai shomo ne, koroka, kanna-shikore furaye ambe newa Ashkanne Ramat ashin no kara ambe ankushkerai hetukup ne,

Pirimon 1:12

ku keutum tura, e orun ku hoshipire na: kuani anak ne pirika shongo gusu an tupep a en eokte wa an rapoketa e shirihine Shinuma en otta yaishieiwangere kuni ku reushire rusui, a koroka, e keutum shomo ku nu chiki nep ne yakka shomo ku iki;

Hebraios 1:14

Nei okaibe anak ne kashichiobiuki ambe eikeshkoro kushki utara rengap gusu auitek kuni ne aomande yaishieiwangere ramat shomo ne ruwe he an?

Hebraios 2:3

ene poro kashiobiuki-hi ikorampoktuye chiki, nekon a ahonnere ash kusu ne ya? Nei ambe anak ne atpaketa Utarapa orowa no aye, awa, nei ambe nu utara ani un orun sonnere nisa ruwe ne;

Yakob 5:20

koro ohaita katpak eyaikokatpakte guru anak ne rai-i orowa no ramat ohaita re kusu ne, samata, inne no okai katpak kamure kusu ne na.