Roma 10:18 - Ashiri Aeuitaknup Iyohaichish Yona 1897

¹⁸ Koroka, ku ye; nei utara shomo nu nisa ruwe he an? Ruwe un, son no poka, Nei utara ki hawe moshirʼebitta orota aun, Koro itak moshiripa pakno moshirigesh pakno oman nisa ruwe ne na.

Roma 10:18 ပူးပေါင်းရင်းမြစ်များ

Iyohaichish 19:4

Nei ambe koro rue anak ne shiri ebitta kush, Koro itak moshiri gesh pakno oman ruwe ne. Nei oshiketa Shinuma anak ne tokap chup gusu kash kara nisa ruwe ne na.

Iyohaichish 22:27

Obitta no okai moshiri kese anak ne Ehoba eshikarun wa otta hosari kusu ne: Moshirʼun uirup utara obitta E kotchaketa ongami kusu ne na.

Iyohaichish 98:3

Israeru chisei un utara eshkarun gusu son-i newa erampoken ki ruwe ne: Moshiripa pakno moshirigesh pakno obitta chikoro Kamui kashiobiuki-i nukan nisa ruwe ne na.

Mattaios 24:14

Orowa, obitta no okai uirup utara orota an paweteshu ne gusu, ingi-nroshiri ta tan moshiri gusu an pirika orushpe aeupaskuma kusu ne; orowa, shiokere ambe anak ne ek tusu ne na.

Mattaios 26:13

Son no echi otta Ku ye, ingi-moshiri ta tan pirika shongo aeupaskuma ita, nei ita anak tan shiwentep iki ikip shomo aoira kuni ne tan orushpe aye kusu ne na.

Mattaios 28:19

Tambe gusu echi paye wa ingi-moshiri uirup ani koikara gunʼne kara yan, aige, Michi reihei otta ne yakka Poho reihei otta ne yakka Ashkanne Ramat reihei otta ne yakka baptisma kore:

Mattaios 4:8

Shui, nitne kamui anak ne Yesu tura wa shi no ri nupuri orota paye wa ingi moshirʼotta okai chitomtep obitta nukare wa ene itak-hi :—

Markos 16:15

Orowa, Shinuma nei utara otta ene itak-hi :— Ingi moshirʼotta echi paye wa obitta no okai utara otta Pirika shongo eupaskuma yan.

Markos 16:20

Orowa, nei utara paye wa, neita ne yakka upaskuma ki, Utarapa nei utara tura no ki wa osbi ek shirosb ani koro itak asbte nisa ruwe ne na. Amen.

Apostoro ikip oma kambi 1:8

Koroka, Ashkanne Ramat echi kashiketa an chiki, kiroro echi akore kusu ne: orowa, echi utara anak ne Yerusarem kotan otta hene, Yudea moshirʼebitta hene, Samaria moshirʼotta hene, moshiripa pakno moshirigesh pakno hene, En gusu paweteshu ki utara echi ne kusu ne, sekoro itak.

Apostoro ikip oma kambi 26:20

koroka, hoshiki no Damaskos kotan un utara, orowa Yerusarem kotan newa Yudea moshiri shikapnekano okai utara, samata Oya un utara ne yakka yaikokatpak wa Kamui otta hosari hemhem ki, yaikokatpak kuni oupak buri hemhem ki kuni ne, otta ku ye nisa ruwe ne.

Apostoro ikip oma kambi 28:23

Orowa, nei utara anak ne toho esanniyo chiki, inne no shinuma reushi chisei ta araki nisa ruwe ne: awa, otta shinuma nei orushpe pita, aige, Kamui moshiri gusu paweteshu hemhem ki, kunneiwano orowa no onuman pakno Mose tuitak newa uweingarape wano Yesu korʼorushpe gusu onishnishi hemhem ki nisa ruwe ne.

Roma 1:8

Hoshiki no anak obitta no okai echi utara gusu Yesu Kiristo ani ku koro Kamui orun ku koyaiiraige na; echi koro eishokor-i moshirʼebitta assuru-a-ashte wa an ruwe ne gusu ne na.

Roma 15:19

Ashkanne Ramat kiroro ani, Oya un utara aitaknure kuni gusu Kiristo en kari ikichi ambe moshima ku ye niukesh ruwe ne; Yerusarem wano shikapneka no Iririkom orun pakno poka, uweoman no Kiristo koro pirika orushpe eupaskuma ku ki nisa ruwe ne;

Korosai 1:23

echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

Korosai 1:6

nei ambe poka moshirʼebitta ta okai wa ibehe hetukure hine shipiraspa, aige, nei arabe echi nu wa son no ka un Kamui irenga echi eraman toho wano echi otta ne yakka korachi ne;

I Tessaronike 1:8

Inambe gusu ne yakun, Utarapa koro itak echi orowa no assuru-aashte okere, ouse Makedonia newa Akaya otta patek shomo ne, koroka, inan ushiketa ne yakka Kamui epeka no an echi koro eishokor-i anak ne assuru an na; tambe gusu nepka chi ye shomoki yakka aeraman ruwe ne.