Roma 10:16 - Ashiri Aeuitaknup Iyohaichish Yona 1897

¹⁶ Koroka, nei utara obitta anak ne pirika shongo otta shomo inu. Awa, Isaya ene itak-hi :— Utarapa, chikoro shongo eishokoro guru nen ne ruwe he an? sekoro itak.

Roma 10:16 ပူးပေါင်းရင်းမြစ်များ

Mattaios 13:14

Inu wa echi nu, koroka, oara erampeutek; Ingara wa echi nukara, koroka, ramepakari ka shomoki: Tan utara anak ne shikihi ani shomo nukara, Kisara ani shomo nu,

Yoannes 10:26

Koroka, echi utara anak ne Ku koro hitsuji chikoikip shomo ne gusu eishokoro shomoki ruwe ne.

Apostoro ikip oma kambi 28:24

Orowa, utara sereke anak ne aye orushpe eishokoro, sereke anak eumbipka nisa ruwe ne.

Roma 1:5

Chikoro Utarapa ne Yesu Kiristo ne; Shinuma ani irenga newa Apostoro ne kuni mondum a un koropare nisa, tambe anak shinuma kon reihei rengap gusu obitta no okai moshiri uirup tumugeta eishokor-i oma itaknu ambe akire kuni ambe ne:

Roma 11:17

awehe ne yakka ne ruwe ne na. Koroka, okai sereke awehe okayepa hine, aige, nupuri ta an kanran chikuni ne aokai anak ne nei uturuta aukonishishkere wa tura no nei kanran gusu an shinrit oma mimi echi koro yakun;

Roma 16:26

tane uweingara utara nuye kambi ani nukare anuinap aekambakte-i nei no, otusashuishiri wano otusashuishiri pakno an Kamui ikashpaotte gusu moshiri uirup eishokor-i atte wa aitaknure kuni gusu an ambe nei no echi ashte eashkaibe otta;

Roma 2:8

koroka, sakayo ki wa sonep itakkashi, aige, oupeka sakbe koitaknu utara otta,

Roma 3:3

Nei utara tumugeta eishokoro shomoki utara okai a yakka nekon a? Nei eishokor-i sakbe anak ne Kamui eishokor-i raka-sakte kusu ne ya?

Roma 6:17

Koroka, Kamui koyaiiraige na; echi utara anak ne etoko wa katpak koro usshiune utara echi ne, awa, otta echi akore epakashi aikoikarape ramu-osshi wano itaknu ki utara echi ne nisa ruwe ne;

Garatea 3:1

Ramu-isambe Garatea un utara, echi koro shik samata Yesu Kiristo aande wa anukan no utasa chikuni otta araige, awa, echi shiren guru nen ne ruwe he an?

Garatea 5:7

Echi utara anak ne pirika no hoyuppa nisa, awa, son no ambe shomo echi ki kuni shinnetush guru nen ne ruwe?

II Tessaronike 1:8

utara epeka tasa iramuchuptekka wa kore ambe hemhem, aeramchuptekka wa okai echi utara un tura no asbinire arabe hemhem anak ne Kamui tek-samata oupeka ambe ne nangon na:

Hebraios 11:8

Eishokor-i an gusu Abraham anak ne anishuk ita, aeikeshkoro kuni ushike orun arapa kuni koitaknu nisa; awa, nei oro arapa ya eramushkare no shinuma oman nisa ruwe ne.

Hebraios 4:2

Inambe gusu ne yakun, son no poka nei utara otta korachi un otta ne yakka pirika orushpe aeupaskuma an na: koroka, anu itak anak ne nei utara pirikare shomoki, eishokor-i ani nei utara anak ne anure utara tura shomo ukopoye nisa ruwe ne gusu ne na.

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 2:8

Orowa, Eshitchiure kuni shuma, epetchiure kuni watara ne akan nisa ruwe ne: inambe gusu ne yakun, nei utara itakkashi wa eshitchiu ruwe ne; nei ambe gusu poka nei utara anak ne aashte nisa ruwe ne.

I Petros 3:1

Tap korachi, machi ne echi utara, yaikota koro hoku otta itaknu yan: nei utara poka itak otta ko-nu shomoki no,