Roma 10:14 - Ashiri Aeuitaknup Iyohaichish Yona 1897

¹⁴ Yakun, nekon a iki wa shomo eishokorobe otta nei utara ko-nishuk kusu ne ya? Samata, nekon a iki wa gusu shomo anu ambe eishokoro kusu ne ya? Shui, eupaskuma ki guru isam chiki nekon a iki wa nu eashkai ya?

Roma 10:14 ပူးပေါင်းရင်းမြစ်များ

Jona 1:16

Awa, chip o utara anak ne shi no Yehoba ishitoma wa, Yehoba otta yangep yange, orowa, Kamui otta ekambakte nisa ruwe ne.

Jona 1:5

Aige, chip o utara ishitoma wa shinen range koro Kamui ko-hotuye-pakara ruwe ne; orowa no chip koshnere kuni oshiketa okai shikehe atui orun osura nisa ruwe ne. Koroka Yona anak ne chip iyotta rauta an ushiketa ran wa mokon-noye nisa ruwe ne.

Mattaios 20:7

Orota nei utara ene itak-hi :— Un nishuk guru isamma gusu ne, sekoro itak. Nei guru, echi utara ne yakka bat toi otta ahup yan, ani itak.

Yoannes 20:31

koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.

Yoannes 9:36

Nei guru ese wa ene itak-hi :— Utarapa, kuani eishokoro kuni anak ne Shinuma inan guru ne ya? ari itak.

Apostoro ikip oma kambi 19:2

aine, okai koikara utara nukara: orowa, orota shinuma ene itak-hi :— Echi eishokoro ki ita anak ne Ashkanne Ramat akore nisa ruwe he an? orota nei utara ene itak-hi :— Shomo, Ashkanne Ramat an a-i seenne chi nu ap, sekoro itak.

Apostoro ikip oma kambi 8:31

Orota shinuma ene itak-hi :— En epakashnu guru isam chiki, nekon a ku eraman eashkai ya? ari itak. Orowa, Piripos nei nishinda o wa tura no rok kuni akoramkon nisa ruwe ne.

Roma 1:5

Chikoro Utarapa ne Yesu Kiristo ne; Shinuma ani irenga newa Apostoro ne kuni mondum a un koropare nisa, tambe anak shinuma kon reihei rengap gusu obitta no okai moshiri uirup tumugeta eishokor-i oma itaknu ambe akire kuni ambe ne:

Epesos 2:17

orowa, Shinuma ek wa ukattuima no okai echi utara otta itomo gusu an pirika shongo eupaskuma ki, shui, ehange no okai utara otta ne yakka itomo irenga eupaskuma ki nisa ruwe ne na:

Epesos 4:21

echi utara Yesu oshike un son no ambe an korachi Shinuma otta ko-nu wa Shinuma otta aepakashnure an nisa ruwe ne:

II Timoteos 4:17

Koroka, Utarapa anak ne en samaketa an, awa, en tumashnure nisa ruwe ne; tambe anak ku ankushkerai nei orushpe naa irammakaka aashte kuni, samata, obitta no okai Oya un utara inu kuni ne aki na: orowa nei shishi paro wa a en ohaitare nisa ruwe ne na.

Titus 1:3

koroka, Shinuma anak ne koro pakihi ta nei shongo ani koro itak sarare, aige, chikoro un kashiobiukip ne Kamui kashpaotte nei no nei ambe a en shikkashimare nisa ruwe ne;

Hebraios 11:6

orowa, eishokor-i sak chiki Kamui nupetnere eaikap ruwe ne; inambe gusu ne yakun, Kamui otta ek guru anak ne Kamui an sekoro eishokoro, samata, Shinuma ihunara utara epirikare Kamui ne sekoro eishokoro kunip ne ruwe ne.

Yakob 5:15

eishokoro an inonno-itak anak ne tashum guru shiknure, Utarapa anak ne Shinuma iwangere kusu ne na: samata, shinuma katpak ki a chiki atusare kusu ne na.