Roma 1:30 - Ashiri Aeuitaknup Iyohaichish Yona 1897

³⁰ kokandama newa wen-katcham ani shikno wa okai;

Roma 1:30 ပူးပေါင်းရင်းမြစ်များ

Iyohaichish 10:3

Wen utara anak ne koro keutum ta ki rusuibe eyaiyomonnure, Orowa, yaikoshipuinere guru nunuke wa Ehoba eangesh ruwe ne gusu ne na.

Iyohaichish 106:39

Tap korachi nei utara anak ne koro ki ikip ani turuaushte, Aine, ki ikip ani omoinu nisa ruwe ne.

Iyohaichish 49:6

Koro oiteknup eyaikopashte utara, Koro ikoro inne ruwe ne gusu yaiomonnure utara anak,

Iyohaichish 5:5

Wayasap utara anak ne E shik-samata yairoshkire eaikap: Aokai obitta no okai irarape iki utara etunne ruwe ne na.

Iyohaichish 52:1

AA kiroro-ashnu guru, nep gusu eani wenbe gusu yaiomonnure ya? Kamui rampoken ramma an ruwe ne.

Iyohaichish 81:15

Ehoba etunne utara anak ne Shinuma orun itaknu ki kusu ne: Yakun, otusashuishiri pakno okai kusu ne na.

Iyohaichish 94:4

Nei utara parorui wa pakesara itak ki: Irarape ikichi utara obitta yaiomonnure ruwe ne.

Iyohaichish 97:7

Notakup ari akara nokaha otta yaishieiwangere utara newa, Potoki gusu yaiomonnure utara kane ayainikorosh-mare na: Obitta no okai Kamui, Shinuma ko ongami yan.

Iyohaichish 99:8

Aa chikoro Kamui ne Ehoba, Aokai anak ne nei utara orun ese itak ki nisa: Nei utara ikichi buri gusu Aokai ikemnu ki a yakka, Nei ap tusare Kamui E ne ruwe ne na.

Mattaios 15:4

Inambe gusu ne yakun, e koro onaha e koro unuhu kooripak yan; orowa, koro ona koro unu ohaigekara guru anak ne son no poka rai kusu ne,

Mattaios 16:21

Nei i orowa no Yesu anak ne Yerusarem kotan orota oman wa ekashi orowa no hemhem Kamui kora kenru esapane utara orowa no hemhem, kambi-nuye utara orowa no hemhem inne okaibe gusu ramuashitnere, aige, araige hine rere-ko an ita hetopo-a-shiknure kusu ne ari an ambe koro koikara utara otta epakashnu heashi nisa ruwe ne.

Roukos 21:16

Koroka, echi utara anak ne eshikop orowa no hene, iriwak orowa no hene, utara orowa no hene, nimaraha orowa no hene poka aekoshi kusu ne; samata, echi tumugeta okai sereke an utara aronnure kusu ne ruweme.

Yoannes 7:7

echi koro pakihi anak ramma an ruwe ne Moshiri anak ne echi etunne eaikap; koroka, nei ambe koro ikip anak ne wen ruwe ne ani an ambe paweteshu Ku ki gusu En etunne ruwe ne.

Apostoro ikip oma kambi 5:36

Inambe gusu ne yakun, tap etokota Teudas hopuni wa yaikota nenka ne sekoro ye; aige, ine ashikne hotne utara shinuma otta kotuk: awa, nei guru araige; orowa, shinuma koitaknu utara obitta shitchari wa isam ruwe ne.

Roma 2:17

Koroka, aokai anak ne Yudea un guru an reihei ani areikore hene aki hine tuitak otta eyaikopashte hene ki, Kamui gusu yaiyomonnure hene ki, Shinuma korʼirenga eraman hene ki,

Roma 2:23

Tuitak gusu yaiyomonnure guru, aokai anak ne tuitak otereke wa Kamui shomo koyaikatanu ki ya?

Roma 3:27

Yakun, yaiyomonnure kuni ushike neita an a? Asoyekatta. Nekon a tuitak ani, Iki ikip ani ruwe? Shomo: koroka, eishokor-i sekorʼan tuitak ani ne ruwe ne.

II Korintos 10:15

moshima utara iki ikip gusu eetasa poron no yaiomonnure shomoki; koroka, echi eishokor-i attep shukup korachi, chi utara ikichi ikiri nei no naa nuye an no an ambe hetukure, gusu echi tumta a un porore kuni chipachipa ash ruwe ne;

II Korintos 12:20

Ikineipeka ku ek ita anak ne nekon a ka shomo ku kon rusui nei no echi anukara, samata, shomo echi kon rusui nei no a en nukara kuni ambe ku ishitoma ruwe ne; ikineipeka nekon a ka ika upaore ambe hene, eyaitunnap hene, kinrakarape hene, sakayo hene, ohaigekara ambe hene, pinu no itakbe hene, pittarane ambe hene, achatchari ambe hene an na;

II Tessaronike 2:4

nei toho shomo an ruwe ne; nei guru anak ne obitta no okai Kamui aporosep okkeukashi hene ongami kunip okkeukashi hene yairiknare epokbap ne; Kamui kora kenru ta a kane yaikota Kamui ne kara pakno poka iki guru ne ruwe ne.

II Timoteos 3:2

Inambe gusu ne yakun, utara anak ne yai-omap utara ne kusu ne, ichen omap utara ne kusu ne, yaiomonnure ki, shitumkanere, Kamui koatcha hemhem ki, eshikop epeka itakkashi,

Titus 3:3

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

Yakob 3:5

Tap korachi parumbe anak ne ponbe ne a koroka porobe gusu yaiomonnure shiriki. Ingara gusu, nep poro nitai pon abe anak uhuye ruwe!

Yakob 4:16

Koroka, pakesara wa tane echi yaiomonnure ruwe ne: tap korachi yaiomonnure ambe anak ne wenbe ne ruwe ne na.

II Petros 2:18

Inambe gusu ne yakun, raka-sak ashipushkere wa an ambe sange hine, wenbe ki wa ishu utara orowa no ohaitare shiri okai utara, ramupekere ambe ani, kara oma ibeporore otta shiren ruwe ne gusu ne na;

Youdas 1:16

Tan utara anak ne oromam ki utara ne, iyaishirikara utara ne, koro hoiyo keutum nei no eshipa ki (paroho an poro yaiomonnure itak ye) ani yaiepirikare gusu an utara panore ruwe ne.