Roma 1:21 - Ashiri Aeuitaknup Iyohaichish Yona 1897

²¹ nei utara anak ne Kamui eraman hine Kamui otta aki kuni korachi shomo kooripak, shomo koyaiiraige nisa; koroka, raka sak no an ramepakari ki, aige, koro ramu-isam sambe akunnere nisa ruwe ne.

Roma 1:21 ပူးပေါင်းရင်းမြစ်များ

Iyohaichish 50:23

Iyaiiraige yangep yange gurʼ anak ne Eri ko-oripak ruwe ne; Orowa, kon ruhu etoko-oiki guru otta Kamui kashiobiuki-hi ku nukare kusu ne na.

Iyohaichish 81:12

Tambe gusu, yaikota koro ukoramkor-i nei no apkash kuni ne, Koro shioyapkire sambe an korachi akire nisa ruwe ne.

Iyohaichish 86:9

Aa Utarapa, Aokai kara obitta no okai moshiri uirup anak ne araki wa E ko-ongami kusu ne; Aige, E kon reihei koiramye kusu ne na.

Yoannes 3:19

Ipishi aesanniyo-i anak ne tapne an ruwe ne; pekere moshirʼotta ek, orowa, utara ki ikip anak ne wen wa gusu pekere kasu no kunne-i omap nisa ruwe ne gusu ne na.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Roma 1:19

inambe gusu ne yakun, Kamui gusu aonnere kuni eashkaibe anak ne nei utara oshiketa anukara wa an; Kamui anak nei utara otta nukare nisa ruwe ne gusu ne na.

Roma 1:28

Orowa, nei utara anak ne koro keutum ta Kamui ramepakari poka kopan nisa ruwe ne gusu, aki kuni

Roma 11:10

Ureepetchiure kunip ne akara, orowa, gusu iwayehe ne akara; Iteki nukara kuni ne koro shikihi kunnere, Orowa, ramma koro seturu hotkure wa en kore.

Roma 15:9

ekashi otta aye eitakamkire ambe ashtere hemhem ki, samata, Oya un utara anak ne Kamui rampoken gusu Shinuma koiramye hemhem ki kuni gusu ne na; tambe anak ne ene ene korachi anuye wa an na, Tambe gusu, Oya un utara tumugeta kuani e koyaiiraige ash na, E reihei otta shinotcha ku ki kusu ne.

II Timoteos 3:2

Inambe gusu ne yakun, utara anak ne yai-omap utara ne kusu ne, ichen omap utara ne kusu ne, yaiomonnure ki, shitumkanere, Kamui koatcha hemhem ki, eshikop epeka itakkashi,

I Petros 1:18

ishitoma an on teda oshiroma yan: aige, tambe onnere yan, echi utara anak ne echi koro ekashi epakashnu raka isam no an ki buri orowa no, munin kuni shirokani ani hene kongani ani hene echi kikiaraye shomo ne,

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

Ekambakbe 14:7

Kamui koishitoma wa Shinuma reika yan; Shinuma koipishi ambe iki kuni pakihi ek an ruwe ne gusu ne na; orowa, kando newa toitoi newa atui newa wakka purupuruge-i newa kara Kamui koongami yan, ari itak.

Ekambakbe 15:4

Aa Utarapa, shomo E kooripak, shomo E koiramye guru inan guru ne ya? Ouse Aokai patek ashkanne ruwe ne gusu ne na: E iki oupeka ikip anukara wa okai gusu obitta no okai moshiri uirup araki wa E kotchaketa ongami ki kusu ne gusu ne na.