Roma 1:20 - Ashiri Aeuitaknup Iyohaichish Yona 1897

²⁰ Inambe gusu ne yakun, moshiri akara orowa no an Shinuma koro anukara eaikapbe anak ne irammakaka anukara wa okai, akara wa an okaibe gusu aeramu ambe ne ruwe ne gusu ne na; Shinuma koro otusashuishiri pakno an kiroro newa Kamui-oibe ne; tambe gusu, ne i utara gusu yayapapu ki eashkai gusu an ushike ka isam ruwe ne:

Roma 1:20 ပူးပေါင်းရင်းမြစ်များ

Iyohaichish 104:31

Ehoba araguru otusashuishiri pakno an; Koro ki ikip gusu Ehoba nupetne kusu ne:

Iyohaichish 104:5

Ramma pakno iteki moimoyege kuni ne, Moshiri asamaha ande nisa ruwe ne.

Iyohaichish 119:90

E koro sonep anak ne otusashuishiri pakno okai ainu ikiri otta an: Aokai anak ne moshiri ashte, aige, an ruwe ne.

Iyohaichish 139:13

Aokai anak ne ku onnaige shikkashima nisa Ku habo honihi ta ku an rapoketa Aokai anak ne en kan nisa.

Iyohaichish 8:3

E koro ashikipet ani akara kando ku nukara, aige, Aokai are kunne-chup hene nochiu hene aesanniyo chiki;

Iyohaichish 90:2

Nupuri ahetukure etokota, Toitoi newa moshiri newa kara etokota Shashuishiri wano shashuishiri pakno an Kamui E ne ruwe ne.

Mattaios 5:45

kando otta an echi koro Michi poho echi ne kuni gusu tambe nei no ki yan; inambe gusu ne yakun, Shinuma anak ne wen guru gusu ne yakka pirika guru gusu ne yakka koro tokap chup hetukure, orowa, keutum oupeka guru otta ne yakka keutum oheuge guru otta ne yakka apto ashte ruwe ne gusu ne na.

Markos 10:6

Koroka, moshiri akara heashi ta okkai shiueu matne shinen akan ruwe ne.

Yoannes 1:18

Hembara ne yakka Kamui nukan nisa guru isam, Michi upshoro ta an Shinen ne poho anak ne, Shinuma anak Kamui pita nisa ruwe ne.

Yoannes 15:22

Kuani anak ne ek wa nei utara otta Ku ye a shomoki yakun, katpak koro shomoki kusu ne ap; koroka, tane anak nei katpak gusu yaiunashke ushike sak ruwe ne.

Apostoro ikip oma kambi 17:29

Tambe gusu, Kamui koro santek utara chi ne ruwe ne gusu, Kamui anak ne ainu ramepakari wa yainu gusu eshinnuye kongani hene, shirokani hene, shuma hene ne kuni aesanniyo kunip shomo ne ruwe ne.

Apostoro ikip oma kambi 22:1

Iriwak utara newa ekashi utara, tane echi otta ku ki yaikikkara itak nu wa en kore yan.

Roma 1:19

inambe gusu ne yakun, Kamui gusu aonnere kuni eashkaibe anak ne nei utara oshiketa anukara wa an; Kamui anak nei utara otta nukare nisa ruwe ne gusu ne na.

Roma 16:26

tane uweingara utara nuye kambi ani nukare anuinap aekambakte-i nei no, otusashuishiri wano otusashuishiri pakno an Kamui ikashpaotte gusu moshiri uirup eishokor-i atte wa aitaknure kuni gusu an ambe nei no echi ashte eashkaibe otta;

Roma 2:1

Tambe gusu, Ainu, Aokai gusu ne yakka inan koipishi ki guru gusu ne yakka obitta yayapapu ki eashkai ushike ka isam: inambe gusu ne yakun, aokai anak ne moshima guru koipishi chiki, yaikota katpak an sekoro yaiesanniyo ruwe ne; koipishi ki aokai anak ne nei okaibe ki ruwe ne gusu ne na.

Roma 2:15

nei utara koro sambe kata tuitak ikip anuye wa an-hi nukare, koro keutum nei ambe tura paweteshu ki, orowa, koro esanniyo-hi anak ne utashpa eiyonnuppa hene ki,

I Korintos 1:20

Wayashnu guru neita an a? kambi-nuye guru neita an a? Tan ainu ikiri ta upahunara guru neita an a? Kamui anak ne moshiri gusu an wayashnu ambe ani aeramu-isambe ne kara shomoki nisa ruwe he an?

Korosai 1:15

Shinuma anak ne anukara eaikap Kamui koro nokaha ne, obitta no okai akarabe etoko hetukup ne; inambe gusu ne yakun, kando oshiketa okai yakka,

Korosai 2:9

inambe gusu ne yakun, aeramushinne an kamui-oibe anak netobake an nei no Kiristo oshiketa oshiroma ruwe ne,

I Timoteos 1:17

Tane, otusashuishiri pakno an, munin shomoki, anukara eaikap, patek Kamui ne, Moshiri shikkashimap otta aeoripakbe newa arakuru newa ramma-ramma an na. Amen.

I Timoteos 6:16

Shinuma patek shomo rai-ambe koro hine otta karange no arapa eaikap shiripekere ta oshiroma ruwe ne; inan guru ne yakka naa shomo Shinuma nukara, samata, Shinuma nukara eaikap ruwe ne; Shinuma orun otusashuishiri wano otusashuishiri pakno an aainukorobe newa kiroro an na. Amen.

Hebraios 11:27

Eishokor-i an gusu shinuma anak ne, moshiri shikkashima guru irushka ambe koishitoma shomoki no Echipt moshiri emaka nisa ruwe ne: inambe gusu ne yakun, anukara eaikapbe orun nukara korachi yaishiporore nisa ruwe ne.

Hebraios 9:14

shashuishiri pakno an Ramat gusu opiri sak no Kamui otta yaikota yaiyange Kiristo koro kem anak ne echi utara ishu Kamui otta yaishieiwangere gusu echi koro keutura ta okai rai an ikip ashkannere kuni naa kasu no shomoki ruwe he an?