Roma 1:13 - Ashiri Aeuitaknup Iyohaichish Yona 1897

¹³ Orowa, iriwak utara, moshima okai oya uirup utara tumugeta an nei no echi tumugeta ne yakka ibehe ku koro kuni ne, kanna-kanna echi orun ku arapa kuni ku esanniyo a-hi echi onnere shomoki ambe ku kopan (koroka tane pakno shinnetush nisa ruwe ne na).

Roma 1:13 ပူးပေါင်းရင်းမြစ်များ

Yoannes 12:24

Son no, son no, echi otta Ku ye, munge piye num anak ne toi tumu hachiri wa munin shomoki yakun, yaikota shinep ne a an ruwe ne; koroka, munin yak anak ne poron no ibehe o ruwe ne.

Yoannes 15:16

Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.

Yoannes 4:36

Nange guru anak ne pummaha koro wa ramma okere shomoki inotu gusu ibehe eumashnu; toita guru newa nange guru utura yaikopuntek kuni gusu ne na.

Apostoro ikip oma kambi 1:15

Orowa, nei toho ta Petros anak ne iriwak utara tumugeta ash wa ene itak-hi (nei ita inne utara uwekarapa wa okai, iwan hotne niu pakno ehange ruwe ne) :—

Apostoro ikip oma kambi 14:27

Aige, araki wa karisia uwekarapare chiki, tura no Kamui ikichi obitta no okaibe hemhem, Oya uirup gusu eishokor-i kuni an apa Shinuma maka orushpe hemhem ye wa nure nisa ruwe ne.

Apostoro ikip oma kambi 15:12

Orowa, nei inne utara anak ne mo no okai; aige, ani Oya uirup ututta Kamui kara shirosh newa iyokunnure ikip nei utara orota Barnabas newa Pauros ye ambe inu korʼan nisa ruwe ne.

Apostoro ikip oma kambi 19:21

Tap okai orushpe aokere chiki, Pauros anak ne Makedonia newa Akaia kotan ta kush okere yakun, Yerusarem kotan ta oman kuni keutum oshitchiu nisa ruwe ne, aige, nei kotan akush okaketa Roma kotan ne yakka tu nukara kusu ne ap, ari itak.

Apostoro ikip oma kambi 21:19

Orowa, shinuma koerangarap okere yakun, koro yaishieiwangere-hi ani Oya utara tumta Kamui iki ikip pishno pishno nure nisa ruwe ne.

Apostoro ikip oma kambi 28:14

nei kotan ta iriwak utara anukara, awa, arawan rereko uturuta tura no reushi kuni akoramkon nisa: aige, nei no Roma kotan ta akoshirepa ash nisa ruwe ne.

Roma 1:12

nei ambe anak ne echi tura no ku an wa echi korobe ne yakka ku korobe ne yakka uko-iki eishokor-i ani tura no aomaoma kuni gusu an ap ne ruwe ne.

Roma 11:25

Iriwak utara, ika yaikota gusu echi yaikowayashnure kuni gusu tan anuinap aerampeutek kuni ku kopan, Oya un aahupte utara aeramushinnere pakno Israeru un sereke utara ana kne aenishtere ruwe ne;

Roma 7:1

Iriwak utara (tuitak eraman utara otta ku ye), ainu anak ne moshiri kohoppa pakno tuitak ani aenishpane wa an sekoro echi erampeutek ya?

I Korintos 1:10

Iriwak utara, echi utara obitta shine itak sange, aige, echi tumugeta utumkush keutum isam kuni ne, chikoro Utarapa ne Yesu Kiristo kon reihei ankushkeraipo echi onishnishi ash ruwe ne; koroka, echi utara shine keutum koro, aige, shine esanniyop ki hine ukoiram no aeramushinnere gusu aki na.

I Korintos 10:1

Iriwak utara, chikoro shinrit utara anak ne obitta nishkuru choropoketa okai, obitta atui tumu kush wa paye; atui otta ne yakka nishkuru otta ne yakka obitta Mose orun baptisma akore;

I Korintos 12:1

Iriwak utara, ramat unbe gusu, echi utara eramushkare-i ku kopan.

I Korintos 14:20

Iriwak utara, keutum gusu iteki pon utara ramkoro yan: yakka wenbe gusu aiai korachi okai, koroka,

I Korintos 14:26

Yakun, nekon a iriwak utara? Echi utara uwekarapa ita pishno pishno iyohaiochish an, epakashi an, aeramandep an, oya itak an, itak itasare ambe an. Nep ne yakka utara ashte gusu aki kuni kara yan.

I Korintos 9:2

Moshima okai utara epeka apostoro shomo ku ne a yakka, echi utara gusu poka nei no ku an ruwe ne: samata, Utarapa oshiketa ku ki Apostoro kunip gusu an han echi ne ruwe ne.

II Korintos 1:8

Inambe gusu ne yakun, iriwak utara, Asia moshiri ta iki aeramchuptekbe gusu an orushpe echi erampeutek-hi chi utara kopan ruwe ne; eshiporore kiroro isam pakno yupke no a un shirikirapte an, tane rai kushki sekoro yainu pakno an ambe ne:

II Korintos 2:14

Koroka, ramma Kiristo oshiketa un ani wa un annokare hemhem ki, obitta no okai ushiketa chi utara ankushkerai koro eramushbe hura assuru ashte hemhem ki Kamui otta koyaiiraige an na.

Garatea 3:15

Iriwak utara, ainu ye-hi korachi ku itak ruwe ne: nei ambe anak ne ouse ainu ki uitaknup ne a yakka, iki aeramushinne chiki, nei ambe isamka hene ki, otta moshima okaibe kashioraare hene ki guru isam ruwe ne.

Garatea 6:18

Iriwak utara, chikoro Utarapa ne Yesu Kiristo korʼirenga echi kon ramat tura no an kuni ku koramkon na. Amen.

Piripoi 1:22

Koroka, kam otta shiknu ambe anak ne, — tambe anak ku monraige gusu an hetuku ibehe ne chiki, yakun, hemanda ku numge kusu ne ya, sekoro ku erampeutek ruwe ne.

Piripoi 4:17

Aikrap ku hunara gusu shomo ne; koroka, echi utara gusu nuye an no hetuku ibehe ku hunara gusu ne ruwe tapan na.

Korosai 1:10

samata, Utarapa nupetnere kuni kopakeatbe otta echi apkash hine obitta no okai pirika ikip otta ibehe hetukure wa Kamui oma eramanbe otta naa shukup kuni ne okere shomoki no inonno-itak chi ki wa koramkoro shiriki okai;

Korosai 1:6

nei ambe poka moshirʼebitta ta okai wa ibehe hetukure hine shipiraspa, aige, nei arabe echi nu wa son no ka un Kamui irenga echi eraman toho wano echi otta ne yakka korachi ne;

I Tessaronike 2:18

inambe gusu ne yakun, kanna kanna Pauros ne kuani anak, — echi orun araki ash rusui; aige, Satan un shinnatush nisa ruwe ne na.

I Tessaronike 4:13

Koroka, iriwak utara, mokonnoye utara gusu echi erampeutek-hi chi kopan; aechipachipa kuni ushike sak no moshima no okai utara korachi iteki echi ok keutum koro kuni gusu ne na.

II Tessaronike 2:7

Inambe gusu ne yakun, ikashpaotte otereke mukkep anak ne tane monraige shiri-ki: ouse nei guru oyake un auk pakno shinnatushbe an ruwe ne.

II Timoteos 4:17

Koroka, Utarapa anak ne en samaketa an, awa, en tumashnure nisa ruwe ne; tambe anak ku ankushkerai nei orushpe naa irammakaka aashte kuni, samata, obitta no okai Oya un utara inu kuni ne aki na: orowa nei shishi paro wa a en ohaitare nisa ruwe ne na.