Piripoi 4:3 - Ashiri Aeuitaknup Iyohaichish Yona 1897

³ Ruwe ne wa, en tura son no monraige ki guru aokai ne yakka ku onishnishi ruwe ne, tan shiwentep utara ikashiu yan, inambe gusu ne yakun, nei utara anak ne Kurementos ne yakka, orowa moshima okai kon reihei inotu un kambi-sosh kata anuye wa an en tura monraige utara poka pirika shongo otta monraige nisa ruwe ne gusu ne na.

Piripoi 4:3 ပူးပေါင်းရင်းမြစ်များ

Iyohaichish 69:28

Inotu oma kambi orowa no nei utara ushka, Oupeka utara tura iteki nei utara sapa nuye wa en kore.

Roukos 10:20

Koroka, tap ambe gusu, ramat utara echi ki itak nu gusu, iteki echi yaikopuntek yan; echi kon reihei anak ne kando oshiketa anuye wa okai gusu yaikopuntek yan.

Roma 12:1

Tambe gusu, iriwak utara, echi kon netobake ishu, ashkanne, Kamui nupetnere ayange kunip echi yange kuni ne, Kamui rampoken ankushkerai echi onishnishi ash ruwe ne, tambe anak ne echi ki kuni gusu an ongami kunip ne ruwe ne gusu ne na.

Roma 16:12

Utarapa otta iki Tripainas newa Triposas uwekap an.

Roma 16:9

Kiristo otta un tura no iki Ourbanos newa ku omap Stakus uwekap an.

Piripoi 1:12

Tambe, iriwak utara, echi onnere kuni ku kon rusui, en gusu hetuku orushpe anak ne makangane pirika shongo assuru ashte gusu an ap ne;

Piripoi 1:16

eatteketa okai utara anak ne kuani pirika shongo kikikara gusu aashte guru ne sekoro eraman gusu,

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Piripoi 1:5

orowa, ramma obitta no okai echi utara gusu pishno pishno an ku ki inonno-itak yaikopuntek wa ku ki na;

Piripoi 1:7

tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

Piripoi 4:2

Utarapa otta shine keutum koro kuni ne Euodia ku onishnishi, Sintike ne yakka ku onishnishi ruwe ne.

Korosai 1:7

echi utara gusu Kiristo koro ikipniukesh aeyaishieiwangere guru ne chikoro omap an tura iki usshiune Epapras orowa no ka echi yaihannokkara korachi ne;

Ekambakbe 13:8

Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

Ekambakbe 17:8

E nukara chikoikip anak ne an nisa, aine, isam; awa, tane asamasak ushike wa oashin hine aisamka kuni ushike orun arapa kuni etokooiki korʼan ruwe ne. Orowa, moshiri kata oshiroma wa, moshiri asamaha aande i orowa no inotu oma kambi-sosh kata kon reihei shomo chieshinnuye wa okai utara anak ne nei chikoikip an nisa ambe, isam ambe, an kusu ne ambe nukara chiki iyokunnure kusu ne.

Ekambakbe 20:12

Orowa, nei amset kotpokita porobe rai utara ne yakka ponbe rai utara ne yakka roshki shiriki-hi ku nukan nisa; orowa, nei kambi-sosh apirasa: shui moshima an kambi-sosh ne yakka apirasa ruwe ne, nei ambe anak inotu oma kambi-sosh ne ruwe ne na: orowa, rai utara anak ne nei kambi-sosh kata chieshinnuye wa an korachi, ki ikip an nei no, akoipishi nisa ruwe ne.

Ekambakbe 20:15

Orowa inan guru ne yakka nei inotu oma kambi-sosh kata reihei shomo anuye wa an sekoro anukara chiki, nei abe to orota aeyapkiri nisa ruwe ne na.

Ekambakbe 21:27

orowa, nep ne yakka turu-ushbe hene, nep ne yakka aetunne ambe newa shunge newa karape hene, oara nei ushiketa ahun shomoki kusu ne: koroka, ouse nei Pon-hitsuji koro inotu oma kambi-sosh kata chieshinnuye wa an utara patek ahup kusu ne na.

Ekambakbe 3:5

Annokara iki guru anak ne tap korachi retarape amip ani amire kusu ne; orowa, Kuani anak inotu oma kambi-sosh wano shinuma reihei oara shomo Ku ushka kusu ne, orowa, Ku goro Michihi kotchaketa ne yakka, Shinuma koro hauturumbe kotchaketa ne yakka shinuma reihei Ku pushpusu kusu ne.