Piripoi 4:19 - Ashiri Aeuitaknup Iyohaichish Yona 1897

¹⁹ Orowa, ku goro Kamui anak ne Kiristo Yesu oshiketa nupeki otta okai koro oteknu ambe an a-i korachi obitta no an echi eishiramne ambe uweomare kusu ne na.

Piripoi 4:19 ပူးပေါင်းရင်းမြစ်များ

Iyohaichish 104:24

Aa Ehoba, E ki ikip nep inne humi! Wayashnu no Aokai obitta kan nisa: Moshiri anak ne E korobe ani eshik ruwe ne.

Iyohaichish 130:7

Aa Israeru un utara, Ehoba gusu chipachipa yan; Ehoba otta rampoken an, Shinuma otta: nuye an no an kikiraye ambe an ruwe ne: gusu ne na.

Iyohaichish 36:8

Nei utara anak ne E kora kenru ta an kiripu gusu nuye an no aeramushinne; Orowa, E koro nupetne pet otta Aokai nei utara ikure kusu ne na.

Iyohaichish 84:11

Inambe gusu ne yakun, Ehoba ne Kamui anak ne chup ne, kikhumbe ne ruwe ne: Ehoba anak ne irenga newa nupeki koropare kusu ne: Oupeka no apkash utara gusu nep pirikap ne yakka koropare kusu ne ruwe ne.

Mattaios 6:32

obitta tan okaibe anak ne oya guru hunarape ne ruwe ne: koroka, kando otta an echi koro Michi anak ne obitta tan okaibe echi koro kunip ne sekoro eraman wa an ruwe tapan na.

Yoannes 20:17

Orota Yesu ene itak-hi :— Iteki En tomooshma yan; naa shomo Michi otta Ku rikin nisa ruwe ne gusu ne na: koroka, Ku iriwak otta arapa wa, orota, Kuani anak ne Ku goro Michi newa echi koro Michi, Ku goro Kamui newa echi koro Kamui otta Ku rikin ruwe ne, ani an itak ani ye yan, ari itak.

Yoannes 20:27

Echi otta itomo anro, ani itak. Orowa, Tomas otta Shinuma ene itak-hi :— Eteun e koro ashikipet turi wa Ku teke ingara; e koro teke turi wa Ku ut otta omare yan; orowa, iteki eishokor-i sak no an, eishokoro yan, ani itak.

Roma 1:8

Hoshiki no anak obitta no okai echi utara gusu Yesu Kiristo ani ku koro Kamui orun ku koyaiiraige na; echi koro eishokor-i moshirʼebitta assuru-a-ashte wa an ruwe ne gusu ne na.

Roma 11:33

Aa Kamui aeoteknu an wayashnu ambe newa eramushbe ooho ambe! Shinuma esanniyop hemanda aehunara eaikapbe, Shinuma ruhu nep chimichimi

Roma 2:4

Shui, Kamui koro pirika irenga e yaikokatpakte kunip ne sekoro e erampeutek wa, Shinuma koro pirika irenga oma aeoteknu ambe newa yaishikkashima ambe newa ramushiporore ambe newa e etunne ruwe he an?

Roma 8:18

Tane okai ayairamshitnere ambe anak ne un otta anukare kusu ne a arakuru otta aukopa gusu uweepeka shomo ne kuni ku esanniyo.

Roma 9:23

Shui, etoko wano nupeki gusu etokooiki erampokiwen wa akore utara kata, —

II Korintos 12:21

ikineipeka ika kanna echi otta ku ek ita, ku goro Kamui anak ne echi shik-samata en yainikoroshmare hine, tap etokota katpak ki wa ikichi turu ushbe newa hoiyop newa ramupekere ambe newa eyaikokatpak shomo ki nei utara tumuge un inne no okai utara gusu ku yaituwashkarap gusu ne na.

II Korintos 4:17

Inambe gusu ne yakun, irukai patek an kushki chikoro koshne aeramchuptekbe anak ne chi utara gusu naa kasu no kasu no an aokere shomoki pase arakuru kan ruwe ne;

Epesos 1:18

shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

Epesos 1:7

Shinunra koro kemihi gusu chi utara anak ne kikiaraye wa katpak

Epesos 2:7

tambe anak iyoshi no ek paha ikiri ta Kiristo Yesu oshiketa okai un epeka no an irenga newa iyeramuhauge ambe shi no nuye an no an ambe un nukare kusu ne okaibe ne:

Epesos 3:16

Shinuma anak ne koro nupeki an ikoro esanniyo wa echi onnaigeta an ainu Shinuma kon ramat gusu kiroro

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Piripoi 4:7

Orowa, obitta no okai eraman kuni mondum akkari kara Kamui itomo irenga, Kiristo Yesu gusu echi yainu-hi hemhem echi keutura hemhem epungine kusu ne na.

Korosai 1:27

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

Korosai 3:16

orowa, yaiiraige an no okai yan. Shi no wayashnu no nuye an no Kiristo korʼitak echi oshiketa oshironmre yan; iyobaichish ani hene, shinotcha ani hene, ramat oma yairap ani hene echi koro keutura ta irenga koro wa Kamui otta shinotcha ki wa utashpa uwe-epakashnu hemhem ki, uwe-onishnishi hemhem ki yan.

I Tessaronike 2:12

yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

I Timoteos 6:17

Tan moshiri ta okai wa oteknu utara anak ne iteki yaiesanniyorire hene ki, iteki autumotne an ikoro eyaikopashte hene ki, koroka, ani eyainupetnere kuni gusu nuye an no obitta no okaibe un kore Kamui eyaikopashte kuni ikashpaotte yan;

Pirimon 1:4

Ramma-kane ku goro Kamui ku koyaiiraige wa ku ki inonno-itak otta e reihei ku ye ruwe ne; e ki omap ambe gusu ne yakka,

I Petros 5:1

Tura no iki ekashi, samata, Kiristo iki yairamshitnere-hi gusu paweteshu ki, samata anukara kusu ne nupeki ne yakka tura no koro guru ku ne anak ne, tambe gusu,

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.