Piripoi 4:17 - Ashiri Aeuitaknup Iyohaichish Yona 1897

¹⁷ Aikrap ku hunara gusu shomo ne; koroka, echi utara gusu nuye an no hetuku ibehe ku hunara gusu ne ruwe tapan na.

Piripoi 4:17 ပူးပေါင်းရင်းမြစ်များ

Yoannes 15:16

Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.

Yoannes 15:8

Tambe otta Ku Michi anak ne aeoripak an, echi utara poron no ibe o;

Roma 15:28

Tambe gusu, nei okaibe ku ki okere hine tapan ibehe nei utara orun han aomare kuni aeramushinne chiki, echi utara koro kotan akush wa Spania orun ku arapa kusu ne.

II Korintos 11:16

Shui ku ye, inan guru ne yakka kuani anak ramat-sakbe ne sekoro iteki yainu yan; koroka, nei no aeyainu yakun, pon no ka ku yaiomonnure kuni ne, ramat-sakbe nei no en uk wa en kore.

II Korintos 9:5

Tambe gusu, onishnishi ku ki wa, iriwak utara anak ne etokota echi orun paye hine etoko wano echi eitakamkire eikrap hoshiki no akare kuni ambe anak ku ki kunip ne sekoro ku esanniyo nisa; nei ambe anak ne aetokooiki wa an korarape ne-hi aeyaikoshipuinere an ambe nei no an ambe shomo nep kuni gusu ne na.

Piripoi 1:11

samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.

Piripoi 4:11

Kuani nepka eikohaye gusu ku ye shomoki; inambe gusu ne yakun, nekon a i an a yakka nei ambe gusu aeramushinne kuni ku eyaihannokkara okere.

I Tessaronike 2:5

Inambe gusu ne yakun, echi eraman korachi, hembara ne yakka panore itak eiwange hene ki, yaikoshipuinere arabe kamure gusu hene iki-hi sekoro shomo a un nukan ruwe ne ari an ambe gusu Kamui paweteshu ruwe ne;

I Timoteos 3:3

ainu kokik shomoki guru ne kunip ne; koroka, yaikatanu keutura koro, koiki kopan, aetunne kuni ani eyaiepirikare ambe shomo ko-omap guru ne kunip ne:

I Timoteos 6:10

Inambe gusu ne yatun, ichen omap ambe anak ne usa okai wenbe koro shinrit ne ruwe ne: sereke okai utara anak ne nei ambe epa kuni iki hine eishokor-i wano ashiren, aige, inne no okai shirikirap ani yaiotke kushna nisa ruwe ne na.

Titus 1:7

Inambe gusu ne yakun, episkopos anak ne Kamui korobe ashikkashimare guru korachi wen-buri sak no okai kunip ne; yaikota koro keutum eikaunu shomoki, shomo nukoshne, shomo iku sakayo ki, ainu koiki shomoki, aetunne kuni ani eyaiepirikare ambe kon rusui shomoki;

Titus 3:14

Koro kuni eishiramne ambe chikoro utara ne yakka uina kuni ne pirika moni iki ambe eyaihannokara kara yak pirika, iteki ibehe sak kuni gusu ne na.

Hebraios 6:10

Kamui anak ne echi utara teeda ne yakka tane ne yakka ashkanne utara otta yaishieiwangere ani an ambe ani Shinuma kon reihei gusu echi iki ambe hene omap ambe hene oira kuni oupekasak Kamui shomo ne ruwe ne.

I Petros 5:2

echi tumugeta okai ekashi utara onishnishi ash na: Echi tumugeta okai Kamui koro topaha reshpa yan, nekon a ka akire wa an gusu shomo ne wa, koroka, Kamui an gusu eyaitupa keutum koro wa esapane yan; samata, aetunne kuni yaiepirikare ambe gusu shomo ne no, etoko-oiki wa an keutum koro wa ki yan;

II Petros 2:15

aige, oupeka sakbe iki gusu an pummaha konoburu Beor poho Beraam kon ru otta apkash wa,

II Petros 2:3

Orowa, yaikoshipuinere ki wa shiwayashnure itak ani echi iraugetupa kusu ne; nei utara gusu an aesanniyop anak ne fushko wano tane poka tere shomoki, koro aisamka-i mokoro shomoki ruwe ne.

Youdas 1:11

Nei utara yaisambepokash humi! Kain koro michi kari apkash, pummaha gusu Baraam koro ohaitap gusu vaiemaka, Kora Ainu ki tasa itak gusu aisamka nisa ruwe ne.