Piripoi 3:7 - Ashiri Aeuitaknup Iyohaichish Yona 1897

⁷ Yakka, en epirikare ambe anak ne Kiristo gusu so-no-ki ambe ne sekoro ku esanniyo nisa ruwe ne na.

Piripoi 3:7 ပူးပေါင်းရင်းမြစ်များ

Mattaios 16:26

Inambe gusu ne yakun, Ainu anak ne moshirʼebitta eyaiepirikare wa kon ramat eyaiewende yak anak ne, hemanda ani aeyaiepirikare ruwe he an? Orowa, ramat shirihine ainu anak ne nep koropare ruwe he an?

Markos 10:50

Orowa, shinuma anak ne koro mipi emaka hine hopunikatta wa Yesu orota ek nisa ruwe ne.

Roukos 14:26

aige, Shinuma hosari wa otta ene itak-hi :— En orun ek guru anak ne yaikota koro ona hemhem, unu hemhem, po utara hemhem, okkai ainu iriwak hemhem, matne ainu iriwak hemhem, samata, yaikota kon ramat etunne shomoki chiki, En koikara guru ne eaikap ruwe ne.

Roukos 14:33

Tambe gusu, tap korachi echi utara tumuge an nen ne yakka obitta no okai yaikota korobe emaka shomoki yakun, En koikara guru ne eaikapbe ne ruwe ne.

Roukos 16:8

Orowa, kon nishpa anak ne, nei oupeka sak chisei epungine uitek guru wayashnu no ki nisa ruwe ne gusu, iramye nisa ruwe ne na; inambe gusu ne yakun, pekere un poho kasu no anak ne moshiri un poho koro ikiri ta naa wayashnu wa okai ruwe ne gusu ne na.

Apostoro ikip oma kambi 27:38

Orowa, pakno ibe okere chiki atui orun oshiketa an mungi osurupa wa cbip koshnere nisa ruwe ne.

Hebraios 11:26

samata, Kiristo gusu wen no aye-hi anak ne Echipt moshiri ta okai ikoro kasu no oteknu ambe ne sekoro esanniyo nisa ruwe ne; inambe gusu ne yakun, shinuma anak ne pummaha gusu an iwayehe echipachipa nisa ruwe ne gusu ne na.