Piripoi 3:20 - Ashiri Aeuitaknup Iyohaichish Yona 1897

²⁰ Chikoro moshiri anak ne kando otta an; nei i wano Utarapa ne Yesu Kiristo ari aye kashiobiukip ek kuni poka chi ehuye wa okai ruwe ne:

Piripoi 3:20 ပူးပေါင်းရင်းမြစ်များ

Iyohaichish 16:11

Ishu oma ru Aokai en eramande kusu ne: E tek samata aeyainuchattekbe anak aeshik ruwe ne; E koro shimon teke otta otusashuishiri pakno an pirikap okai ruwe ne na.

Iyohaichish 17:15

Kuani anak ne oupeka wa E nanuhu ku nukara kusu ne: Ku mosh ita E katuhu ku nukara wa ku eramushinne kusu ne na.

Mattaios 19:21

Orota Yesu ene itak-hi :— Uhaita sak no an kuni e kon rusui chiki anak ne, oman wa e korobe eihok, orowa, irapokkari guru otta kore, yakun, kando oshiketa ikoro koro kusu ne: orowa, ek wa En osh ek yan.

Roukos 12:21

Yaikota gusu aeoteknup eumashnu wa Kamui epeka oteknu shomo ne an gurʼanak ne nei no korachi ne ruwe ne na.

Roukos 14:14

yak anak ne aokai anunuke an kusu ne; inambe gusu ne yakun, nei utara anak ne eani gusu yaiyattasa eaikap: orowa, oupeka utara hetopo-shiknu ita, eani aeyaiyattasa an kusu ne gusu ne na.

Apostoro ikip oma kambi 1:11

Gariraya un echi utara, nep gusu echi roshki kane kando orun ingan ruwe he an? echi orowa no kando otta auk tan Yesu kando orun oman ambe echi nukara okere korachi, nei no Shinuma ek kusu ne na, sekoro itak.

I Korintos 1:7

tambe gusu, nep eikrap gusu ne yakka shomo echi ehaita ruwe ne; chikoro Utarapa ne Yesu Kiristo anukara kuni ambe echi untere wa okai ruwe ne;

I Korintos 15:48

Toi-ushbe an korachi, moshima okai toi-ushbe ne yakka ene ani ne; orowa, nei kando umbe an korachi, moshima okai kando umbe shem korachi ne.

II Korintos 4:18

aine, chi utara anak ne anukara okaibe orun ingara shomoki, koroka, shomo anukara okaibe orun ingan ruwe ne: inambe gusu ne yakun, anukara okaibe anak ne aokere kunip ne; koroka, anukara shomoki okaibe anak aokere shomoki kusu ne na.

II Korintos 5:8

aige, netobake ande wa Utarapa tura unita an rusui ruwe ne.

Garatea 4:26

Koroka, rikta an Yerusarem anak ne ausshiune ambe shomo ne, shinuma anak chikoro unu ne ruwe ne.

Epesos 2:19

Tambe gusu, echi utara anak ne tane Oya utara hene, payekai utara hene shomo echi ne, koroka, Ashkanne utara tura, Kamui uni un utara tura shine moshiri uirup utara echi ne ruwe ne;

Epesos 2:6

orowa, Shinunra tura un hetoposhiknure wa, Kiristo Yesu gusu Shinunra tura no kando un ushiketa un rokte nisa ruwe ne na:

Piripoi 1:10

obitta no okai ramepakari otta hene aporore wa iyotta pirika okaibe echi esanniyo kuni ne ruwe ne;

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Korosai 1:5

Kiristo Yesu otta echi ki eishokor-i hene, obitta no okai ashkanne utara gusu echi ki omap ambe hene chi nu nisa ruwe ne gusu ne na:

I Tessaronike 1:10

Kamui anak ne rai i orowa no Shinuma hetopo-shiknure nisa ruwe ne, tambe anak, ek kusu ne irushka-i orowa no un ohaitare Yesu ne ruwe ne na.

I Tessaronike 4:16

Inambe gusu ne yakun, Utarapa yaikota anak ne hawe ashte, sapane an hauturumbe koro hawe ani, Kamui rappa koro wa kando orowa no ran kusu ne: aige, Kiristo oshiketa rai utara hoshiki no hetopo-shiknu:

II Timoteos 4:8

oupeka no koipishi ki Utarapa nei toho ta nei ambe en kore kusu ne: orowa, en otta patek shomo ne, koroka, Shinuma ek kuni ambe omap obitta no okai utara, otta ne yakka akore kusu ne ruwe ne.

Titus 2:13

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

Hebraios 12:22

nei anukarape ashitoma ruwe ne: koroka, echi utara anak ne Sion nupuri otta, ishu Kamui koro machiya otta, kando un Yerusarem otta araki wa okai, orowa, inne topaha otta, Kamui hauturumbe uwekari otta,

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

Ekambakbe 1:7

Ingarʼan, Shinuma nishkuru ani ek shiri ki obitta no okai shikihi pishno Shinuma nukara, Shinuma otke utara Shinuma nukara kusu ne; orowa, obitta no okai moshiri uirup Shinuma gusu rayaise kusu ne na. Ruwe un, Amen.