Piripoi 3:19 - Ashiri Aeuitaknup Iyohaichish Yona 1897

¹⁹ nei utara okere-i anak ne aisamka ambe ne, koro Kamui anak koro honihi ne, aeyainikoroshma kuni ambe iramye, nioshirʼotta okaibe esanniyo ruwe ne.

Piripoi 3:19 ပူးပေါင်းရင်းမြစ်များ

Iyohaichish 17:14

Aa Ehoba, E teke ani ainu utara, Moshirʼun utara, koro kunip tam moshirʼotta akore utara wano en ohaitare wa en kore; E sange kashnukarape ani nei honihi Aokai shikte ruwe ne: Aeramushinne pakno nei utara anak ne po koro, Aige, koro aeoteknup aiai eikeshkore ruwe ne.

Iyohaichish 52:1

AA kiroro-ashnu guru, nep gusu eani wenbe gusu yaiomonnure ya? Kamui rampoken ramma an ruwe ne.

Mattaios 16:23

Koroka, Shinuma hosari wa Petros otta ene itak-hi :— Satan, En oshmake un oman; eani anak ne En gusu an ureepetchiurep e ne, eani anak ne Kamui gusu an orushpe esanniyo shomoki, ainu gusu an orushpe esaniyo ruwe ne gusu ne na, sekoro itak.

Mattaios 25:41

Nei ita anak ne ohariki samta okai utara otta ka ene itak kusu ne-hi :— Aiyoitakushi echi utara, En orowa no paye wa Nitnep newa koro hauturunbe gusu etokooiki wa an hembara pakno ne yakka ush shomoki abe otta ahup yan:

Roukos 12:19

Orowa, ku ramat otta ene ku ye-hi; Ramat, inne paha gusu poron no okaibe aeumashnu wa okai; shini yan, ibe hemhem ki, iku hemhem ki, orowa nuchattek wa okai yan, sekoro itak.

Roukos 16:19

Orowa, kesto irammakaka okai fure amip newa sarambe amip mi shine oteknu ainu an:

Roukos 18:4

orowa, shinuma anak ne pon no uturuta shomo ekottanu, koroka, okaketa yaikota koro keutumta ene itak-hi :— Kuani anak ne Kamui ko-ishitoma shomoki,

Roma 16:18

Inambe gusu ne yakun, nei utara anak ne Utarapa ne Kiristo otta yaishieiwangere shomoki no koro honihi eyaishieiwangere utara ne; orowa koro hauge-itak koro pirika-itak ani wen-buri sak utara koro sambe kokandama ruwe ne.

Roma 6:21

Tane echi eyainikoroshma ambe gusu, nei rapoketa nekon a ibehe echi kon nisa ruwe he an? Nei okaibe gusu hetukup anak ne rai-ambe ne ruwe ne gusu ne na.

I Korintos 3:3

tane poka ne yakka echi uk eaikap ruwe ne; inambe gusu ne yakun, echi utara tane ne yakka kam oma utara echi ne: echi tumugeta eyaitunnap newa upaore ambe an chiki, kam echi oma wa ainu utara korachi shomo echi apkash ruwe he an?

I Korintos 5:2

Orowa, tan okaibe iki guru anak ne echi tumuge wano auk kuni ne shomo echi yaituwashkarap a koroka, echi pittarane hine okai.

I Korintos 5:6

Echi yaiomonnure ambe anak ne pirikap shomo ne. Pon no an pandane anak ne nei ramne taku shipushkere ambe shomo echi eraman ya?

II Korintos 11:12

Kamui eraman. Koroka, iki ika kon rusui utara gusu an ikkeu ku isamka kuni ne ku ki korʼan okaibe ikichi kushki na, otta nei utara yaiomonnure gusu, chi utara korachi nei utara anukara kuni gusu ne na.

II Korintos 11:15

Tambe gusu, shinuma otta yaishieiwangere utara ne yakka oupeka ambe otta yaishieiwangere kuni nep yainere chiki poro ambe shomo ne; nei utara gusu an okake an ambe anak ne koro ikichi ikip nei no an ambe ne ruwe ne.

Garatea 6:13

Okarituye buri akire utara poka yaikota tuitak shikkashima shomoki ruwe ne; koroka, echi otta koro kam gusu yaiomonnure kuni ne echi otta okarituye buri kire rusui ruwe ne.

Piripoi 2:21

Obitta no okai utara anak yaikota korobe hunara, Yesu Kiristo korobe shomo hunara ruwe ne gusu ne na.

Korosai 3:2

Rikta an okaibe esanniyo wa iteki moshiri kata an okaibe esanniyo yan.

II Tessaronike 1:9

Shinuma anak koro ashkanne utara onnaigeta anupekte hemhem ki, orowa, nei toho ta (echi nure ash paweteshu ambe aeishokoro okere gusu) obitta no okai eishokoro okere utara orowa no aenushkari kuni gusu ek hemhem ki ita, nei utara anak ne apachigoatte kusu ne,

II Tessaronike 2:12

tambe anak ne sonep eishokoro shomoki wa oupeka-sakbe enupetne obitta no okai utara akoipishi kuni gusu an ap ne ruwe ne.

II Tessaronike 2:8

Orowa, okake an koro, Utarapa ne Yesu anak koro paro oma heisepa ani raige wa iki koro ek wa an arabe ani isamka nei ikashpaotte otereke guru anukare kusu ne na;

I Timoteos 6:5

sonep sak wa oheuge upahunara hemhem patek iki guru ne ruwe ne.

II Timoteos 3:4

omap ki keutum sak, utara epokba, yaishikkashima eaikap, niwen, pirikap shomo koomap, ainu ekoshi,

Yakob 4:16

Koroka, pakesara wa tane echi yaiomonnure ruwe ne: tap korachi yaiomonnure ambe anak ne wenbe ne ruwe ne na.

II Petros 2:1

Koroka, nei utara tumugeta shunge uweingara utara ka hopumba nisa ruwe ne; tambe nei no, chashnu no an aisamka-i yaikoropare, orowa no nei utara hok Nishpa poka eshikashke, Kamui orushpe ohoge yainu ambe nuina no ahupte shunge epakashnu utara echi tumugeta ne yakka hopumba kusu ne na.

II Petros 2:13

iwende ki wa son no poka awende kusu ne na; tokap to ta ko ibesam kuni ambe aenupetnerep ne sekoro yainu, echi newa piri-ushbe, echi tura no marapto ki ita echi koro omap gusu an marapto ko ibesam ruwe ne;

II Petros 2:3

Orowa, yaikoshipuinere ki wa shiwayashnure itak ani echi iraugetupa kusu ne; nei utara gusu an aesanniyop anak ne fushko wano tane poka tere shomoki, koro aisamka-i mokoro shomoki ruwe ne.

Youdas 1:10

Koroka, tan utara anak ne yaikota eramnskkare ambe gusu koatcha ki: orowa, ramu-sak no an okaibe rengaine eramanbe korachi, nei utara nei ambe eraman, tap okaibe gusu aisamka ruwe ne na.

Youdas 1:16

Tan utara anak ne oromam ki utara ne, iyaishirikara utara ne, koro hoiyo keutum nei no eshipa ki (paroho an poro yaiomonnure itak ye) ani yaiepirikare gusu an utara panore ruwe ne.

Youdas 1:4

Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.

Ekambakbe 18:7

Shinuma anak ne yaikota yairiknare wa yaiomonnure pakno, nei oro pakno shinuma panakte wa yaituwashkarapte wa kore yan: inambe gusu ne yakun, moshiri shikkashima shiwentep ku ne wa shiyompiyara shomo ne, orowa, oara yaituwashkarap shomo ku ki kusu ne na, ari keutum ta itak ruwe ne gusu ne na.

Ekambakbe 19:20

Orowa, nei a chikoikip akishima, samata, ani nei chikoikip koro shirosh aomare utara newa shinuma koro nokaha koongami utara kokandama shinuma shik-samata shirosh iki shunge uweingara guru nei chikoikip tura no akishima nisa ruwe ne: tan tun anak ne shiknu wa an wa iwau ani paraparase abe oma to orun aeyapkiri nisa ruwe ne:

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.

Ekambakbe 22:15

Soigeta anak seta okai, pon-itak ki utara okai, hoiyo utara okai, keuk utara okai, potoki-koongami utara okai, orowa, shunge omap wa shungep iki ambe koomap obitta no okai utara pishno an ruwe ne na.