Piripoi 3:15 - Ashiri Aeuitaknup Iyohaichish Yona 1897

¹⁵ Tambe gusu, aeramushinne okere obitta no okai chi utara anak ne nei no esanniyo ashro; orowa, nep okaibe gusu shinnai no echi sanniyo chiki tambe poka Kamui anak ne echi eramande kusu ne:

Piripoi 3:15 ပူးပေါင်းရင်းမြစ်များ

Mattaios 5:48

Tambe gusu, kando otta an echi koro Michi aeramushinne wa an korachi, echi utara ne yakka aeramushinne no okai yan.

Roukos 11:13

Tambe gusu echi utara, wen utara echi ne wa pirika ambe echi po utara otta koropare katu eramʼan yakun, kasu no, otta koramkoro utara orota kando un Michi anak koro Ashkanne Ramat koropare shomoki ya?

Yoannes 6:45

Obitta no okai nei utara anak ne Kamui orowa no aepakashnu an kusu ne, sekorʼan orushpe uweingara kambi kata anuye wa an ruwe ne. Nen ne yakka Michi otta nu wa eyaihannokkara guru anak ne pishno En orun ek ruwe ne.

Yoannes 7:17

Nen ne yakka Shinuma irenga ki kuni oshitchiu guru anak ne nei epakashi Kamui orowa no ekbe ne ya hene, Kuani yaikota orowa no sangep ne ya hene eraman kusu ne na.

Roma 15:1

Tumashnu wa okai utara anak ne yaikota yainupetnere shomoki no, turu-sakbe koro katchakbe sei kunip ne.

I Korintos 14:20

Iriwak utara, keutum gusu iteki pon utara ramkoro yan: yakka wenbe gusu aiai korachi okai, koroka,

I Korintos 2:6

Yakka aeramushinne okere utara tumugeta wayashnu ambe chi ye, aine, nei wayashnu-hi anak ne tan moshirʼun wayashnu ambe shomo ne, shui, isam kushki tan moshirʼun epungine utara korobe shomo ne ruwe ne:

Garatea 5:10

Echi utara anak ne shinnai no esanniyo shomoki kusu ne sekoro Utarapa gusu ku yainu ruwe ne; koroka, nen ne yakka echi chiukopo-yere gurʼanak ne nei akoipishi ambe sei kusu ne na.

Epesos 1:17

aige, chikoro Utarapa ne Yesu Kiristo koro Kamui, nupeki koro Michi, echi utara Shinuma eramande kuni ne echi wayashnure newa eramande gusu an ramat echi koropare;

Korosai 1:28

chi utara anak ne pishno an ainu Kiristo oshiketa aeramushinne wa atte kuni ne, wayashnu no pishno an ainu onishnishi hene ki, pishno an ainu epakashnu hene ki hine, Kiristo eupaskuma ash ruwe ne;

Korosai 4:12

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.

I Tessaronike 4:9

Koroka, iriwak utara otta omap ki ambe gusu anak, shomo echi orun kambi ku omande yak pirika ruwe ne: inambe gusu ne yakun, echi yaikota anak uwe-utashpa uwe-omap kuni ne Kamui orowa no aepakashnu wa an ruwe ne gusu ne na;

II Timoteos 3:17

Kamui koro ainu anak ne aeramushinne no an wa nep pirika ikip gusu irammakaka etokooiki an kuni gusu ne na.

Hebraios 5:14

Koroka, nishte aep anak ne shukup okere utara gusu an ambe ne, eiwange gusu koro mondum-kat anak ne pirikap newa wenbe shinnai-are utara gusu nep ne ruwe ne.

I Yoannes 2:5

son no ambe nei guru onnaigeta isam ruwe ne: koroka, Shinuma ye itak shikkashima gurʼanak, son no poka, Shinuma onnaigeta Kamui omap-hi aeramushinne nisa ruwe ne na. Shinuma onnaigeta chi okai ruwe ne sekoro tambe ani chi eraman: