Piripoi 3:10 - Ashiri Aeuitaknup Iyohaichish Yona 1897

¹⁰ ambe ku koro kuni gusu an ambe ne: orowa, kuani anak ne Shinuma newa Shinuma hetopo-shiknu ambe gusu an kiroro newa Shinuma tura ayairamshitnere ambe ki hine ku eraman wa Shinuma ki rai ambe nep koro korachi a en kara;

Piripoi 3:10 ပူးပေါင်းရင်းမြစ်များ

Mattaios 20:23

Orota nei utara :— Iku ash eashkai ruwe ne ari itak. Otta Shinuma ene itak-hi :— Son no newa Ku iku itangi echi iku kusu ne: koroka, Ku shimon tek samata a hene, Ku hariki tek samata a hene anak ne Ku kore kunip shomo ne; koroka, Ku Michihi orowa no aetotooiki gusu an utara otta akore kusu ne, sekoro itak.

Yoannes 10:18

En orowa no nei ambe uk guru isam, koroka, Kuani rengaine nei ambe ku ande ruwe ne. Nei ambe ande kuni mondum Ku koro, shui, uk kuni mondum Ku kon ruwe ne. Ku Michi orowa no tan ikashpaotte a en kore nisa ruwe ne na.

Yoannes 17:3

Orowa, nei utara anak ne patek shinen ne an sone an Kamui newa Aokai omande Yesu Kiristo eamkiri-i anak, tambe anak ne ramma okere shomoki inotu ne ruwe ne.

Roma 8:17

eikeshkoro kuni utara ne; Kamui eikeshkoro utara ne, Kiristo tura eikeshkoro kuni utara ne ruwe ne; chi utara Shinuma tura yairamshitnere yakne Shinuma tura anupekte kusu ne ruwe ne.

Roma 8:29

Inambe gusu ne yakun, Kamui anak ne etoko wano eraman utara, inne no okai uiriwak tumugeta iyotta kiyanne guru ne kuni gusu, koro Poho nokaha nei no akatkore kuni etoko wano esanniyo poka ki nisa ruwe ne:

Roma 8:36

Ayaikikipbe hene ya? Rangetam hene ya? Chieshinnuye wa an korachi poka ne :— Aokai rengap gusu to ebitta a uu ronnu wa okai, Araige kuni gusu an hitsuji chikoikip nepkoro a esanniyo an ruwe ne.

II Korintos 1:10

Shinuma anak ne ene poro rai ambe orowa no un ohaitare nisa, shui ohaitare kusu ne na: Shinuma naa un kaobiuki kuni ne, gusu chi utara echipachipa shiriki okai ash;

II Korintos 1:5

Inambe gusu ne yakun, Kiristo ki aeyairamshitnere ambe un gusu nuye an no an korachi, tambe nei no chi ki omaoma ambe poka Kiristo gusu nuye an no an ruwe ne gusu na.

II Korintos 13:4

Shinuma katchakbe ankushtapne utasa-chikuni otta akungi-kokikkik yakka Kamui kiroro ankushtapne Shinuma ishu ruwe ne. Chi utara ne yakka Shinuma tura katchakbe ne, koroka, echi epeka no an Kamui kiroro ankushkeraipo Shinuma tura no ishu kusu ne gusu ne na.

Garatea 2:20

Kuani Kiristo tura no utasa chikuni otta akotukka okere; yakka, ku ishu wa an; kuani shomo ne, koroka, en oshiketa Kiristo ishu ruwe ne: orowa, tane kam otta ku ishu inotu anak eishokoro ambe an gusu an ambe ne ruwe ne, nei ambe anak en omap wa en gusu yaiyange Kamui Poho gusu an ambe ne ruwe tapan na.

Garatea 6:17

Tewa no poka, nen ne yakka iteki en ramusarakka yan, inambe gusu ne yakun, Yesu koro kochihi ku netobake otta ku sei ruwe ne gusu ne na.

Epesos 4:13

shieiwangere-hi gusu Kiristo kon netobake aashte gusu, Ashkanne utara eramushinnere kuni gusu an ambe ne;

Piripoi 3:8

Ruwe ne wa, son no un, ku goro Utarapa ne Kiristo Yesu eramambe pirikap gusu kuani obitta no okaibe so-no-ki ambe ari ku esanniyo nisa; Shinuma gusu obitta no okaibe kuani so-no-ki wa aemakbap ne sekoro ku esanniyo;

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

Korosai 2:13

Orowa, echi utara anak ne, koro chikokatpak newa kam oma okarituye buri ankushkerai gusu rai okere echi utara anak ne, obitta no okai chikoro chikokatpak Shinuma tusare hine Shinuma orowa no Shinuma tura ashiknure nisa ruwe ne;

Korosai 3:1

Tambe gusu echi utara anak ne Kiristo tura hetopo-ashiknure chiki, Kamui shimon tek-samata a koran Kiristo oshiroma ushiketa an okaibe hunara yan.

I Petros 1:3

Okese an ita eishokor-i ani kashiaobiuki wa okai kunak anukara kuni ne aetoko-oiki wa okai Kamui kiroro ani aepungine echi utara,

II Petros 1:13

Orowa, chikoro Utarapa ne Yesu Kiristo en epakashnu korachi, ku goro kash oyakta ande-i tunashi no ek na, sekoro,

I Yoannes 2:3

Shinuma ki ikashpaotte shikkashima ash yakun, tata ani chi utara Shinuma eamkiri ruwe ne sekoro chi eraman.

I Yoannes 2:5

son no ambe nei guru onnaigeta isam ruwe ne: koroka, Shinuma ye itak shikkashima gurʼanak, son no poka, Shinuma onnaigeta Kamui omap-hi aeramushinne nisa ruwe ne na. Shinuma onnaigeta chi okai ruwe ne sekoro tambe ani chi eraman:

Ekambakbe 1:18

Ishu ambe Ku ne ruwe ne; Ku rai nisa, awa, ingarʼan, ramma otusashuishiri pakno Ku ishu ruwe ne, orowa, rai ambe newa Hedes gusu an kangi Ku kon ruwe ne.