Piripoi 2:6 - Ashiri Aeuitaknup Iyohaichish Yona 1897

⁶ Shinuma anak ne Kamui kat nep koro an, awa, Kamui tura ueripak an ambe anak aoshkoro kash pa kunip ne sekoro esanniyo shomoki nisa ruwe ne,

Piripoi 2:6 ပူးပေါင်းရင်းမြစ်များ

Mattaios 1:23

Immanueru sekoro an itak ibehe anak ne, Kamui un tura no an ruwe ne ani an itak ibehe ne ruwe ne.

Yoannes 1:18

Hembara ne yakka Kamui nukan nisa guru isam, Michi upshoro ta an Shinen ne poho anak ne, Shinuma anak Kamui pita nisa ruwe ne.

Yoannes 10:30

Kuani newa Ku Michi anak ne shinep ne ruwe ne, ari itak.

Yoannes 10:33

Orota nei Yudea un utara ene ese-hi :— Pirika ikip gusu E kopiyekara ash shomoki, Eani Kamui koatcha gusu; orowa, Eani ainu E ne wa Kamui yaikara ruwe ne gusu ne na.

Yoannes 10:38

Koroka, nei ambe Ku iki yakun, echi utara En eishokoro shomoki yakka, nei ikip eishokoro yan: Michi anak ne En onnaigeta an, Kuani anak Michi onnaigeta Ku an shiri echi eraman wa ramepakari kuni gusu ne na, ari itak.

Yoannes 14:28

Ku oman wa shui echi otta Ku ek kusu ne ani an itak ani Ku ye-hi echi nu nisa. Echi utara En omap yakun, Kuani Michi otta Ku arapa gusu echi yaikopuntek kusu ne: En kasu no Michi anak ne pase ruwe ne gusu ne na.

Yoannes 14:9

Orota Yesu ene itak-hi :— Tap ohonno echi tura no Ku an wa eani En eamkiri shomoki ya? En nukara guru anak ne Michi nukan nisa ruwe ne; Michi un nukare, sekoro hemanda e ye ya?

Yoannes 17:5

Orowa, tane, Ku Michihi, moshiri naa shomo an etokota E tura no Ku an wa a En ko-oripakte-i ani, E yaikota E tura no En ko-oripakte wa En kore.

Yoannes 20:28

Tomas ese wa Shinuma orota ene itak-hi :—

Yoannes 5:18

Tambe gusu, tan ikkewehe an gusu Yudea un utara naa Shinuma raige kuni hunara korʼan ruwe ne, inambe gusu ne yakun, Shinuma anak ne ouse Shini toho otereke patek shomo ne, koroka, yaikota koro Michi ani Kamui porose wa Kamui uweupak no yaikota yaikan nisa ruwe ne gusu ne na.

Yoannes 5:23

nen ne yakka Michi ko-oripak nei no Poho ko-oripak kuni gusu ne na. Poho ko-oripak shomoki gurʼanak ne Shinuma omande Michi otta ne yakka shomo ko-oripak ruwe ne.

Roma 9:5

kam gusu Kiristo anak ne nei utara orowa no an, Shinuma anak obitta no okaibe kashita otusashuishiri pak no an shinnunuke Kamui ne ruwe ne. Amen.

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

II Korintos 8:9

Chikoro Utarapa ne Yesu Kiristo koro irenga echi eraman ruwe ne gusu ne na; Shinuma anak ne oteknu ruwe ne a yakka, echi utara gusu oteksakbe ne akara, tambe anak ne Shinuma ki oteksak-hi ankushkeraipo echi utara aeoteknure kuni gusu ne na.

I Timoteos 1:17

Tane, otusashuishiri pakno an, munin shomoki, anukara eaikap, patek Kamui ne, Moshiri shikkashimap otta aeoripakbe newa arakuru newa ramma-ramma an na. Amen.

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

Titus 2:13

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

Hebraios 1:3

Shinuma anak ne Kamui nupeki oma tomtep ne, Kamui katuhu oma son no nokaha ne, koro kiroro an itak ani obitta no okaibe nitatpa ruwe ne; Shinuma anak ne chikoro katpak gusu furaye ambe ki okere chiki, rik un pasep shimon samata a nisa ruwe ne;

Hebraios 1:6

Orowa shui, moshiri otta kiyanuepo ahunge chiki, ene itak-hi :— Obitta no okai Kamui uitekbe Shinuma koongamirero.

Hebraios 1:8

Koroka poho gusu; — Aa Kamui, E koro amset auak ne otusashuishiri wano otusashuishiri pakno an ambe ne; Aokai esapane kuni mondum anak ne oupeka mondum ne ruwe ne. Aokai anak ne oupekap omap wa wenbe etunne nisa ruwe ne;

Hebraios 13:8

Yesu Kiristo anak ne numan ne yakka tanto ne yakka otusashuishiri pakno ne yakka upakitara an na.

Ekambakbe 21:6

Orowa, en orun Shinuma ene itakhi :— Auweomare an na. Kuani anak ne Arupa ne Omega ne, atpake an ap Ku ne, okake an ap Ku ne ruwe ne. Aige, iku rusui guru otta inotu oma wakka purupuruge-i wano an ap oro isam no Ku kore kusu ne na.