Piripoi 2:27 - Ashiri Aeuitaknup Iyohaichish Yona 1897

²⁷ son no poka shinuma rai ehange pakno tashum ki: koroka, Kamui anak ne shinuma ko-erampokiwen wa kore nisa ruwe ne; orowa, shui, Shinuma patek shomo ne, koroka, kuani anak yairamkoiki wa naa yairamkoiki kashpa shomo ku ki kuni ne, en poka ko-erampokiwen wa kore nisa ruwe ne na.

Piripoi 2:27 ပူးပေါင်းရင်းမြစ်များ

Iyohaichish 34:19

Oupeka utara iwendep anak ne inne ne, Koroka, Ehoba anak ne obitta nei okaibe orowa no ohaitare kusu ne ruwe ne.

Apostoro ikip oma kambi 9:37

Awa, nei ita shinuma turasak wa rai; orowa, afuraye chiki rikta an tumbu ta aande nisa ruwe ne.

I Korintos 10:13

Ainu sei eaikap ikoramnukara-hi echi utara gusu isama; koroka, Kamui anak ne sonep ne, echi yaishiporore eashkai kasu no echi utara akoramnukara kuni ramuoshma shomoki kusu ne: koroka, echi yaishiporore eashkai kuni ne nei koramnukara-hi tura ohaitare kuni ushi kan ruwe ne gusu ne na.

II Korintos 2:7

tambe gusu, echi utara anak ne shinnai-kane nei guru tusare wa omaoma yak pirika, ikineipeka ika nei no an guru ramusarak kashpa wa okere na.

Piripoi 2:26

inambe gusu ne yakun, shinuma anak ne tashum ki ruwe ne sekoro echi nu a gusu, nei guru shi no yairamkoiki wa echi enishomap nisa ruwe ne gusu ne na;

Piripoi 2:28

Tambe gusu echi utara kanna-shui shinuma nukara chiki, yaikopuntek, samata, kuani ne yakka naa isaika no yairamkoiki kuni ne yaikikip no echi orun ku omande nisa ruwe ne na.

Piripoi 2:30

inambe gusu ne yakun, shinuma anak Kiristo koro moni gusu rai ehange nisa ruwe ne, echi utara en gusu yaishieiwangere kunip aeikohayep epakte gusu koro inotu aeyaikikip no aisamka ange shiri iki nisa ruwe ne gusu ne na.