Piripoi 2:21 - Ashiri Aeuitaknup Iyohaichish Yona 1897

²¹ Obitta no okai utara anak yaikota korobe hunara, Yesu Kiristo korobe shomo hunara ruwe ne gusu ne na.

Piripoi 2:21 ပူးပေါင်းရင်းမြစ်များ

Mattaios 16:24

Orowa no Yesu anak ne koro koikara utara otta ene itak-hi :— Nen ne yakka, En osh ek kuni ramu guru an chiki, yaikota yaieshina wa koro utasap ani wa En osh ek yan.

Roukos 14:26

aige, Shinuma hosari wa otta ene itak-hi :— En orun ek guru anak ne yaikota koro ona hemhem, unu hemhem, po utara hemhem, okkai ainu iriwak hemhem, matne ainu iriwak hemhem, samata, yaikota kon ramat etunne shomoki chiki, En koikara guru ne eaikap ruwe ne.

Apostoro ikip oma kambi 13:13

Orowa, Pauros anak ne tura no okai utara tura Papos wano atuitomotuye hine Pampuria moshiri ta an Perga kotan ta araki: aige, Yoannes anak ne nei utara wano oman wa Yerusarem kotan ta hoshipi.

Apostoro ikip oma kambi 15:38

Koroka, Pauros anak ne pampuria kotan ta an ita nei utara ekohopi wa hoshipi hine tura no ikichi shomoki guru tura no arapare ambe pirika shomo ne sekoro ramu.

I Korintos 10:24

Inan guru ne yakka yaiepirikare gusu iteki esanniyo yan,

I Korintos 10:33

Kuani anak ne nep ne yakka gusu obitta no okai utara nupetnere korachi nep, aine, utara kashiaobiuki gusu inne no okai utara epirikare kuni esanniyo wa yaikota eyaiepirikare ambe shomo yainu korachi ne ruwe ne na.

I Korintos 13:5

shomo pittarane, shomo-yaikatanu ambe shomo ki,

II Korintos 1:5

Inambe gusu ne yakun, Kiristo ki aeyairamshitnere ambe un gusu nuye an no an korachi, tambe nei no chi ki omaoma ambe poka Kiristo gusu nuye an no an ruwe ne gusu na.

Piripoi 2:4

pishno echi utara anak ne iteki yaikota korobe otta ingara yan, koroka, echi pishno moshima an guru korobe ne yakka nukara yan.

II Timoteos 1:15

Tambe e eraman, Asia moshiri ta okai utara obitta en orowa no hosari okere; nei utara tumugeta Pugeros newa Herraogones okai ruwe ne.

II Timoteos 3:2

Inambe gusu ne yakun, utara anak ne yai-omap utara ne kusu ne, ichen omap utara ne kusu ne, yaiomonnure ki, shitumkanere, Kamui koatcha hemhem ki, eshikop epeka itakkashi,

II Timoteos 4:16

Atpake an ku iki kikikara itak ku sange ita anak ne en tura shinen poka shomo iki, koroka, obitta en emaka nisa ruwe ne: tap ambe ika nei utara epeka wa aesanniyo kuni ku koramkoro.