Piripoi 2:12 - Ashiri Aeuitaknup Iyohaichish Yona 1897

¹² Tambe gusu, ku omap an utara, echi utara anak ne ramma kane itaknu ki wa ouse ku an rapoketa korachi shomo ne no, koroka, naa kasu no ku isam ita ne yakka ishitoma wa tusushke hine kashiaobiuki kuni gusu ki yan;

Piripoi 2:12 ပူးပေါင်းရင်းမြစ်များ

Iyohaichish 119:120

E koishitoma gusu ku kam anak ne tusushke ruwe ne; Orowa, E koro aesanniyo-hi gusu ku ishitoma ruwe ne.

Iyohaichish 2:11

Ishitoma wa Ehoba otta yaishieiwangere yan, Tusushke wa nupetne yan.

Mattaios 11:12

Orowa, Baptisma kore Yoannes an toho wano tane pakno kando moshiri aeyaikoniwen ruwe ne, awa, niwen no iki utara anak ne nei ambe kon ruwe ne.

Mattaios 11:29

Kuani anak ne ramu-shiroma wa keutum yaieoripakka ambe Ku ne ruwe ne gusu, Ku rekuchi orunbe uk wa En orowa no eyaihannokkara yan; yak anak ne echi keutum gusu shini ushi apa kusu ne.

Apostoro ikip oma kambi 16:29

Orowa, shinuma shune akoro wa ek kuni hawe ashte, aige, aotereke ahun wa

Apostoro ikip oma kambi 9:6

Shinuma ene ese-hi :— E keshke Yesu Ku ne ruwe: koroka, hopuni wa machiya otta ahun, aige, nekon a e iki kuni okaibe anure kusu ne na.

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

I Korintos 15:58

Tambe gusu, ku omap an iriwak ne utara, kiroro atte wa moimoyege shomoki no okai yan, ramma Utarapa gusu ki kuni ikip kara yan; Utarapa gusu ki kuni ikip shomo raka-sakbe ne sekoro ku eraman ruwe ne gusu ne na.

I Korintos 2:3

Orowa, echi tura no ku an ita, katchak no, ishitomo wa shiri tusushke wa an ruwe ne.

I Korintos 4:14

Echi yainikoroshmare kuni gusu tap okaibe shomo ku nuye, koroka, ku goro omap an poho utara pakashnu gusu ne na.

II Korintos 7:15

Orowa shinuma onnaigeta an omap ambe anak ne echi utara gusu naa nuye an no an; aige, echi utara anak ne hemanda ishitoma wa tusushke hine shinuma uk, aine, echi obitta no iki koitaknu ambe eshkarun ruwe ne gusu ne na.

Epesos 6:5

Ausshiune an echi utara, Kiristo otta korachi, shine keutura koro wa tusushke newa ishitoma kane ki hine kara gusu an echi kon nishpa gusu koitaknu yan;

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Piripoi 1:29

inambe gusu ne yakun, Kiristo ankushkerai echi utara anak ne ouse Shinuma eishokoro patek shomo ne, koroka, Shinuma rengap gusu ayairamshitnere kuni-hi ne yakka echi otta akore ruwe ne:

Piripoi 1:5

orowa, ramma obitta no okai echi utara gusu pishno pishno an ku ki inonno-itak yaikopuntek wa ku ki na;

Piripoi 1:6

echi oshiketa pirika ikip heashire Kamui anak ne Yesu-Kiristo koro toho pakno nei ambe eramushinnere kusu ne a ambe,

Piripoi 2:19

Koroka kuani echi orushpe ku nu wa aomaoma kuni gusu, nahun Utarapa ne Yesu irenga gusu echi orota Timoteos ku omande kunibe koro yainu ruwe ne na.

Piripoi 4:1

Tambe gusu, aomap an, aeyaikatekara an, ku nupetne arabe, ku sapa-umbe ne iriwak utara, tap korachi akoro omap an utara Utarapa otta roshki yan.

Piripoi 4:15

Orowa, Piripoi un echi utara, pirika shongo eatpakeheta, kuani Makedonia kotan orowa no ku hopumba ita anak ne, echi utara moshima, kore hene ki akore hene ki orushpe gusu, en tura no ki karisia isam, sekoro, echi utara yaikota echi eraman;

I Tessaronike 1:3

aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.

Hebraios 12:1

Tambe gusu, chi utara ne yakka, tap korachi an nishkuru nepkoro inne paweteshu ki utara koro wa okai gusu, ene irammakaka un nikkotama obitta no okai aeoshirokokbap newa chikokatpak oyakta ande hine, yaishiporore wa un kotchaketa aatte wa an uwetushmak kuni ambe otta hoyuppa anro,

Hebraios 4:1

Tambe gusu, ikineipeka Shinuma koro shini-i otta chi ahup ash kuni gusu an aeitakamkirep ahoppa wa, nei ambe epa kuni shomo nep ne echi anukara an sekorobe ishitoma anro.

Hebraios 4:11

Tambe gusu, inan guru ne yakka iteki nei no an itakkashi ambe koikara wa hachiri kuni gusu, nei a shini-i otta ahup ash kuni ne shiarikiki no iki anro.

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

I Petros 2:11

Aomap an utara, echi utara anak ne payekai utara ne, irukai reushi utara korachi echi ne wa gusu, ramat kotumikoro wa okai kam oma ibeporore ambe shomo echi ki kuni echi onishnishi ash na;

II Petros 3:18

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.